ମହାକାଳପଡ଼ା,୧୮।୯(ଡି.ଏନ.ଏ.): ସର୍ପ ଦଂଶନରୁ ରକ୍ଷା ପାଇଁ ବଙ୍ଗୀୟ ଲୋକମାନେ ଅଷ୍ଟନାଗ ମା’ ମନସା ଦେବୀଙ୍କ ଚରଣରେ ଶରଣାପନ୍ନ ହୁଅନ୍ତି। ବିଶ୍ବାସ ରହିଛି ମା’ମନସା ଦେବୀଙ୍କୁ ନଦୀରେ କଦଳୀ ଭେଳା କରି ପୂଜାର୍ଚ୍ଚନା କଲେ ପରିବାରରେ ବିପତ୍ତି ପଡ଼େ ନାହିଁ। ମା’ ଙ୍କ ମସ୍ତକରେ ଅଷ୍ଟ ନାଗ ଧାରଣ କରିଥାନ୍ତି। ଏହି ଅଷ୍ଟ ନାଗ ମା’ ମନସାଙ୍କ ୮ ଭାଇ ବୋଲି ଜନ ଶ୍ରୁତି ରହିଛି ା ସେହି ୮ ଭାଇ ହେଲେ ବାସୁକି, ପଦ୍ମ, ମହା ପଦ୍ମ, ତକ୍ଷ, କୁଳିର, କର୍କଟ, ଶଙ୍ଖ ଓ ଅନନ୍ତ। ମାନସିକ ପୂରଣ ପାଇଁ ମା’ଙ୍କ ପାଖରେ ବିଭିନ୍ନ ଫଳ, ଫୁଲ, ଚିନିରେ ପ୍ରସ୍ତୁତରେ ବାତସା ଭୋଗ ଲାଗି ହୋଇଥାଏ ା ମା’ଙ୍କ ଗଳାରେ ମାନସିକ ପୂରଣ ପାଇଁ ଟଙ୍କା ମାଳ ପରିଧାନ କରାଯାଏ ା ଏହି ପୂଜା କନ୍ୟା ସଂକ୍ରାନ୍ତିରେ ଆରମ୍ଭ ହୋଇ ୩ ଦିନ ପର୍ଯ୍ୟନ୍ତ ଚାଲେ ା ବିସର୍ଜନ ପର୍ବରେ କଦଳୀ ଭେଳାରେ ଭୋଗ ନୈବେଦ୍ୟ ଅର୍ପଣ କରି ମା’ଙ୍କୁ ନଦୀରେ ଭସାଇ ଦିଆଯାଇଥାଏ ା ମା’ ବଙ୍ଗୀୟ ପରମ୍ପରା ଅନୁସାରେ ପୂଜା ପାଆନ୍ତି ବୋଲି ଆୟୋଜକ କହିଛନ୍ତି ା
ସ୍ଥାନୀୟ ବତୀଘର ଦକ୍ଷିଣ ଖୋଳା ନଦୀ, ହରିଆବାଙ୍କ ଗଳିଆ ନଦୀ, ବଉଳ କଣି ଆମ୍ବବେଲାରୀ ନିକଟ ନଦୀରେ ମା’ମନସା ପୂଜା ଅନୁଷ୍ଠିତ ହୋଇଯାଇଛି। ସେହିପରି ପେଟଛେଲା ହବାଳି ପାହିସ୍ଥିତ ରାମଚଣ୍ଡୀ ଗଳିଆ ନଦୀରେ ୧୮ତମ ବାର୍ଷିକ ମା’ମନସା ଦେବୀଙ୍କ ପୂଜା ଅନୁଷ୍ଠିତ ହେଉଛି ା ଏହି ଅବସରରେ ୩ ଦିନ ଧରି ମେଳା ଅନୁଷ୍ଠିତ ହେବ ବୋଲି ସ୍ଥାନୀୟ ଆୟୋଜକ କହିଛନ୍ତି ା ଏହି ପୂଜାକୁ ଦେଖିବା ପାଇଁ ପଡ଼ୋଶୀ ପାରାଦୀପ, କୁଜଙ୍ଗ, ରାଜନଗର, ପଟ୍ଟାମୁଣ୍ଡାଇ ଆଦି ଅଞ୍ଚଳରୁ ବହୁ ମାନସିକଧାରୀଙ୍କ ଭିଡ଼ ଲାଗି ରହିଛି। ପେଟଛେଲା ପଞ୍ଚାୟତର ସ୍ଥାନୀୟ ବାସିନ୍ଦାମାନେ ପୂଜା ଆୟୋଜନ କରିଛନ୍ତି। ଖାଦ୍ୟ ଯୋଗାଣ, ଖାଉଟି କଲ୍ୟାଣ ଓ ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ ବତୀଘର, ପେଟଛେଲା, ହରିଆ ବାଙ୍କ ଆଦି ପୂଜା ମଣ୍ଡପରେ ପହଞ୍ଚି ମା’ଙ୍କୁ ଦର୍ଶନ କରି ଆଶିଷ ଭିକ୍ଷା କରିଛନ୍ତି ା
