୧୫ ହଜାର ହେକ୍ଟରରୁ ଅଧିକ ବେଆଇନ ଘେରି

କେନ୍ଦ୍ରାପଡ଼ା ଅଫିସ/ରାଜନଗର, ୨୧।୬: (ଡି.ଏନ.ଏ.): କେନ୍ଦ୍ରାପଡ଼ା ଜିଲା ରାଜନଗର ଜାତୀୟ ଉଦ୍ୟାନ ଭିତରକନିକାରେ ଥିବା ୧୪୧ ବେଆଇନ ଚିଙ୍ଗୁଡ଼ି ଘେରିକୁ ଗତ ୧୭ ତାରିଖରେ ରାଜସ୍ବ, ବନ ବିଭାଗ ଓ ଜିଲା ପୋଲିସର ମିଳିତ ଭାବେ ଚଢ଼ାଉ କରି ଉଚ୍ଛେଦ କରିଥିଲେ। ଏହି ଘେରିର ମାଲିକଙ୍କ ଉପରେ ହାଇକୋର୍ଟଙ୍କ ନିର୍ଦ୍ଦେଶ ମୁତାବକ ମାମଲା ରୁଜୁ ହୋଇଛି। ଏଥିସହ ରାଜନଗର ଅଞ୍ଚଳରୁ ୫ ଜଣ ଘେରି ମାଲିକଙ୍କୁ ପୋଲିସ ଗିରଫ କରିଛି। ତେବେ ଏହି ଉଚ୍ଛେଦ କାର୍ଯ୍ୟକ୍ରମ ଏବେ ଶିଥିଳ ପଡିଯାଇଛି। ଗତ ୩ ଦିନ ମଧ୍ୟରେ ଏ ନେଇ କୌଣସି ତପତ୍ରତା ପ୍ରକାଶ ପାଇନାହିଁ, ଯାହାକୁ ନେଇ ପରିବେଶବିତ୍‌ମାନେ ଉଦ୍‌ବେଗ ପ୍ରକାଶ କରିଛନ୍ତି। ୧୫ ହଜାରରୁ ଅଧିକ ହେକ୍ଟର ଅଞ୍ଚଳରେ ଏପରି ଘେରି ରହି ଜାତୀୟ ଉଦ୍ୟାନର ପରିବେଶ ନଷ୍ଟ କରୁଛି। ବନ୍ୟ ଓ ସାମୁଦ୍ରିକ ପ୍ରାଣୀଙ୍କ ମୃତ୍ୟୁର କାରଣ ସାଜିଥିବା ବେଳେ ସ୍ଥାନୀୟ ଚାଷୀଙ୍କ ଚାଷଜମି ନଷ୍ଟ କରୁଛି। ଏପରିକି ୨୦୧୭ରେ ୟୁନେସ୍କୋ ପକ୍ଷରୁ ସର୍ବେକ୍ଷଣ ପରେ ହୋଇଥିବା ବୈଠକରେ ବିଶ୍ୱ ଐତିହ୍ୟ ତାଲିକା ମାନ୍ୟତା ପାଇବାରୁ ଭିତରକନିକା ବଞ୍ଚତ୍ତ ହୋଇଛି। ଏ ନେଇ ହାଇକୋର୍ଟ ଉଦ୍‌ବେଗ ପ୍ରକାଶ ସହ ସିଆର୍‌ଜେଡ୍‌ (କୋଷ୍ଟାଲ ରେଗୁଲେଶନ ଜୋନ) ନିୟମର ଉଲ୍ଲଙ୍ଘନ ହେଉଥିବା ପରିବେଶବିତ୍‌ମାନେ ମତ ଦେଇଛନ୍ତି।
ପରିବେଶବିତ୍‌ ହେମନ୍ତ କୁମାର ରାଉତ, ଅଶୋକ ଚନ୍ଦ୍ର ସ୍ବାଇଁ, ସେକ୍‌ ଚାନ୍ଦ ପ୍ରମୁଖ କହିଛନ୍ତି, ଚିଙ୍ଗୁଡ଼ିଘେରି ପାଇଁ ତଟ ଅଞ୍ଚଳ ନଷ୍ଟ ହୋଇଛି। ୧୦ ବର୍ଷ ମଧ୍ୟରେ ଘେରି ଦ୍ୱାରା ପ୍ରାୟ ୬୦ବର୍ଗ କି.ମି. ହେନ୍ତାଳବଣକୁ ନଷ୍ଟ କରିଛି। ଚିଙ୍ଗୁଡ଼ିଘେରି ପାଇଁ ବ୍ୟବହାର ହେଉଥିବା ଔଷଧ ଓ ରାସାୟନିକ ଦ୍ରବ୍ୟର ବର୍ଜ୍ୟବସ୍ତୁ ନଦୀ ନାଳ ମଧ୍ୟ ଦେଇ ସମୁଦ୍ରକୁ ଯାଉଛି। ଏହି ବର୍ଜ୍ୟ ଜଳ ସାମୁଦ୍ରିକ ଜୀବଙ୍କ ଜୀବନ ନେଉଛି। ଏପରିକି ଅଲିଭ୍‌ ରିଡ୍‌ଲେ କଇଁଛ ପାଇଁ ବିଶ୍ୱର ଆକର୍ଷଣ ସାଜିଥିବା ଗହୀରମଥା ସମୁଦ୍ରାଞ୍ଚଳରେ ଏମାନଙ୍କ ମୃତ ଶରୀର ଦେଖିବାକୁ ମିଳୁଛି। ସେହିପରି ଡଲ୍‌ଫିନ ଓ ଅନ୍ୟ ସାମୁଦ୍ରିକ ପ୍ରାଣୀଙ୍କ ମୃତ୍ୟୁର କାରଣ ସାଜିଛି। ଚିଙ୍ଗୁଡ଼ିଘେରିରୁ ନିର୍ଗତ ବାଷ୍ପ ସ୍ଥାନୀୟ ପରିବେଶ ନଷ୍ଟ କରୁଛି। ଫଳରେ ବନ୍ୟପ୍ରାଣୀଙ୍କ ସଂଖ୍ୟା କମୁଛି। ଘେରି ପାଇଁ ହେଉଥିବା ନାଳରେ ଲୁଣିଜଳ ଆସିବା ପରେ ସ୍ଥାନୀୟ ଚାଷଜମି ଉଜୁଡିଛି। ଜାତୀୟ ଉଦ୍ୟାନ ମଧ୍ୟରେ ଥିବା ଜୈବ ବିବିଧତା ପାଇଁ ବିଶ୍ୱ ଐତିହ୍ୟ ତାଲିକାରେ ସ୍ଥାନ ପାଇବାକୁ ଥିବା ବେଳେ ୨୦୧୬ରେ ଏଠାକୁ ଆସିଥିବା ସର୍ବେକ୍ଷଣ ଦଳ ଚିଙ୍ଗୁଡି ଘେରିକୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ଏହାକୁ ଦୃଷ୍ଟିରେ ରଖି ୨୦୧୫ରୁ ସୁପ୍ରିମକୋର୍ଟ ନିର୍ଦ୍ଦେଶରେ ହାଇକୋର୍ଟ ପକ୍ଷରୁ ବେଆଇନ ଚିଙ୍ଗୁଡିଘେରି ଉଚ୍ଛେଦ ପାଇଁ ଜିଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଏହାସତ୍ତ୍ୱେ ଘେରି ଉଚ୍ଛେଦ ନେଇ ଜିଲା ପ୍ରଶାସନ ଟାଳଟୁଳ ନୀତି ଅବଲମ୍ବନ କରୁଛନ୍ତି। ପ୍ରଶାସନ ପକ୍ଷରୁ ଭଙ୍ଗା ଯାଉଥିବା ଘେରି ଅଳ୍ପଦିନ ମଧ୍ୟରେ ପୁଣି ଗଢି ଉଠୁଛି। ତଟାଞ୍ଚଳର ଏହି ଘେରି ସିଆର୍‌ଜେଡ୍‌ର ନିୟମ ଉଲ୍ଲଙ୍ଘନ କରୁଛି ବୋଲି ସେମାନେ ଉଦ୍‌ବେଗ ପ୍ରକାଶ କରିଛନ୍ତି। ଏ ସମ୍ପର୍କରେ ଜିଲା ମତ୍ସ୍ୟ ବିଭାଗ ଅଧିକାରୀ ମମତା ମହାପାତ୍ର କହିଛନ୍ତି, ତଟ ଅଞ୍ଚଳରେ ଥିବା ୭୨୯ଟି ଚିଙ୍ଗୁଡିଘେରି ପାଇଁ ଅନୁମତି ପାଇଛନ୍ତି। ଅନ୍ୟସବୁ ଘେରି ବେଆଇନ। ବେଆଇନ ଘେରି ନିର୍ମାଣରେ ମାଲିକଙ୍କୁ ୩ ବର୍ଷ ଜେଲ ଅଥବା ୧ ଲକ୍ଷ ଟଙ୍କା ଜରିମାନା ହୋଇପାରେ ବୋଲି ସେ ମତ ଦେଇଛନ୍ତି। ଏ ସମ୍ପର୍କରେ ଉପଜିଲାପାଳ ନିରଞ୍ଜନ ବେହେରାଙ୍କୁ ପଚାରିବାରେ ବେଆଇନ ଚିଙ୍ଗୁଡ଼ିଘେରି ଉଚ୍ଛେଦକୁ ପ୍ରଶାସନ ଗୁରୁତ୍ୱ ଦେଉଛି। ପୂର୍ବରୁ ବହୁ ଘେରି ଭଙ୍ଗାଯାଇଛି। ଏବେ ୧୪୧ ଜଣଙ୍କ ନାମରେ ମାମଲା ରୁଜୁ ହୋଇଛି। ସୋମବାରଠାରୁ ପୁଣି ଘେରି ଭଙ୍ଗା ଆରମ୍ଭ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଡକାୟତି ଯୋଜନା ବେଳେ ୮ ଗିରଫ

ତାଳଚେର,୧ା୧୨(ନି.ପ୍ର.)- କଲିୟାରୀ ପୋଲିସ ଡକାୟତି ଯୋଜନା କରୁଥିବା ୮ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ଗିରଫ ଦୁର୍ବୃତ୍ତମାନେ ହେଲେ ସମଲ ଚନ୍ଦ୍ରବିଲ ଗ୍ରାମର ଦିପୁ...

ସାତଭାୟା ହେବ ଜନଶୂନ୍ୟ

କେନ୍ଦ୍ରାପଡ଼ା ଅଫିସ,୨।୪: କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ସମୁଦ୍ରକୂଳବର୍ତ୍ତୀ ସାତଭାୟା ଅଞ୍ଚଳ ଦ୍ରୁତ ତଟକ୍ଷୟ ଯୋଗୁ ଏବେ ସମ୍ପୂର୍ଣ୍ଣ ଜନଶୂନ୍ୟ ହେବାକୁ ଯାଉଛି। ୫ ଦଶନ୍ଧି...

ଜରିମାନା ଆଦାୟକୁ ବିରୋଧ: ଦୋକାନ ବନ୍ଦ କଲେ ବ୍ୟବସାୟୀ

ଉଦଳା,୩ା୫(ଡି.ଏନ୍‌.ଏ.)- ମୟୂରଭଞ୍ଜ ଜିଲା ଉଦଳା ବଜାରରେ ପୋଲିସ୍‌ର ଚେକିଂ ଏବଂ ଜରିମାନା ଆଦାୟକୁ ସ୍ଥାନୀୟ ବଣିକ ସଂଘ ବିରୋଧ କରିଛି। ଏନେଇ ଶନିବାର ପୋଲିସ୍‌ ଏବଂ...

ସିଗାରେଟ୍‌ ପିଇବାକୁ ମନା କରିବାରୁ ଆକ୍ରମଣ, ୨ ଗିରଫ

ବ୍ରହ୍ମପୁର ଅଫିସ,୪ା୯: ସେଲୁନ ଭିତରେ ସିଗାରେଟ ପିଇବାକୁ ମନା କରିବାରୁ ସେଠାରେ କାମ କରୁଥିବା କର୍ମଚାରୀ ଚନ୍ଦନ ବେହେରାଙ୍କୁ ସୋମବାର ଆକ୍ରମଣ କରାଯାଇଥିଲା। ଉକ୍ତ ଘଟଣାରେ...

ଭୋଟ ଦେଲେ କଂଗ୍ରେସ ପ୍ରାର୍ଥୀ ଦିଲୀପ

ବରଗଡ଼ ଅଫିସ/ବିଜେପୁର,୨୧।୧୦(ଡି.ଏନ୍‌.ଏ.) : ବରଗଡ଼ ଜିଲା ବିଜେପୁର ଉପନିର୍ବାଚନରେ କଂଗ୍ରେସ ପ୍ରାର୍ଥୀ ଭାବେ ଏଥର ଦିଲୀପ କୁମାର ପଣ୍ଡା ପ୍ରଥମଥର ପାଇଁ ବିଧାନସଭା ନିିର୍ବାଚନକୁ ଓହ୍ଲାଇଛନ୍ତି।...

ଘରକୁ ଫେରିବେ ଯାଜପୁରର ୬୨ ଶ୍ରମିକ

ଜଳେଶ୍ୱର, ୧ା୫(ସ୍ବ.ପ୍ର.)-ବାଲେଶ୍ୱର ଜିଲା ଜଳେଶ୍ୱର କ୍ୱାରାଣ୍ଟାଇନ ସେଣ୍ଟରରେ ୩୦ଦିନ ଧରି ରହିଥିବା ଯାଜପୁର ଅଞ୍ଚଳର ୬୨ଶ୍ରମିକ ଆଗାମୀ ଦୁଇ ଦିନ ମଧ୍ୟରେ ଘରକୁ ଫେରିଯିବେ। ଏ...

କେବୁଲ ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ

ଛେଣ୍ଡିପଦା,୨୨।୫(ସ୍ବ.ପ୍ର): ଅନୁଗୋଳ-ଛେଣ୍ଡିପଦା ୬୩ ନଂ. ରାଜ୍ୟ ରାଜପଥର ଛେଣ୍ଡିପଦା ଥାନା କୋଶଳା ରିସର୍ଚ ନର୍ସରୀ ପାଖରେ ଥିବା ତାରିଣୀ ମନ୍ଦିର ନିକଟରେ ଏକ ଟ୍ରକ (ନଂ.ଓଡି୧୯ଏଫ୨୭୪୭)...

ଦ୍ବିତୀୟ ଦିନରେ ପଥରଖୋଲରୁ ବାହୁରୁନି ଡିଜେଲ; ଟାଙ୍କିକୁ ବଦନାମ କରିବାକୁ ଉଦ୍ୟମ: ମାଲିକ

ଦାରିଙ୍ଗବାଡ଼ି,୯।୨(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ିର ଲଦପାଙ୍ଗା ଅଞ୍ଚଳରେ ଏକ ପଥରଖୋଲ ଭିତରୁ ଶନିବାର ଡିଜେଲ ବାହାରିବା ଘଟଣା ଚର୍ଚ୍ଚାର ବିଷୟ ହୋଇଥିଲା। ମାତ୍ର ଏହି ଘଟଣାର...

Advertisement


Archives

Model This Week