କାରଖାନା ନିର୍ମାଣ ନାମରେ ମୋରମ ଲୁଟ୍‌

ଯାଜପୁର,୧ା୩(ହର୍ଷବର୍ଦ୍ଧନ ବେହେରା) :ତୃଣମୂଳଠାରୁ ଆରମ୍ଭ କରି ଯାହାର ଯେତେ କ୍ଷମତା ସେହି ପରିମାଣରେ ଦୁର୍ନୀତି ଓ ହରିଲୁଟ ବଢିବା ଏବେ ଯାଜପୁର ଜିଲା ପାଇଁ ଚିନ୍ତାର କାରଣ ହୋଇଛି। ବିଶେଷକରି ଲଘୁ ଖଣିଜ ଦ୍ରବ୍ୟ ଲୁଟ୍‌ କାରବାରକୁ ଅଧିକ ନିୟନ୍ତ୍ରଣ ଆଶା ରଖି ରାଜ୍ୟ ସରକାର ଖଣି ବିଭାଗକୁ ଦାୟିତ୍ୱ ହସ୍ତାନ୍ତର ଲକ୍ଷ୍ୟ ଏଠାରେ ଫସର ଫାଟିଥିବା ମନେ ହେଉଛି। କଳିଙ୍ଗନଗର ଶିଳ୍ପାଞ୍ଚଳର ବିଭିନ୍ନ କାରଖାନା ନାମରେ ବିପୁଳ ପରିମାଣର ମୋରମ ଲୁଟ୍‌ ଘଟଣାକୁ ଏଠାରେ ଅନ୍ୟତମ ଉଦାହରଣ ଭାବେ ନିଆଯାଇପାରେ। ଦାନଗଦି ତହସିଲ ଅଧୀନ ଯଖପୁରା ପଞ୍ଚାୟତର କଚେରୀ ଗାଁରେ ଥିବା ବାଉଁଶରାଣୀ ଠାକୁରାଣୀ ମନ୍ଦିର ନିକଟରୁ ବିନା ଅନୁମତିରେ ମୋରମ ଲୁଟ୍‌ ଏବେ ଅଣାୟତ୍ତ ହୋଇଛି। ଏନେଇ ଲଘୁ ଖଣି ବିଭାଗ କର୍ତ୍ତୃପକ୍ଷ ଓ ତହସିଲ ପ୍ରଶାସନ ନିକଟରେ ଖବର ରହିଥିଲେ ହେଁ ମୋଟା ଅଙ୍କର ହାତଗୁଞ୍ଜା ନେଇ ନୀରବ ରହୁଥିବା ଆଲୋଚନା ହେଉଛି ା
ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନର ଅଭାବ ଏବଂ ଖାମଖିଆଲି ମନୋଭାବ ଯୋଗୁଁ ସରକାର ମୋରମ ଲୁଟ୍‌ ନାମରେ ବିପୁଳ ରାଜସ୍ବ ହରାଉଛନ୍ତି। ଏଠାରେ ବାଲି ଠାରୁ ଆରମ୍ଭ କରି ମୋରମ ଦିନ ଦ୍ୱିପହରରେ ଲୁଟ୍‌ ହେଉଛି। ବିଭାଗୀୟ ଅଧିକାରୀ ନୀରବଦ୍ରଷ୍ଟା ସାଜୁଥିବାରୁ ବେଧଡ଼କରେ ମୋରମ୍‌ ଲୁଟ୍‌ ଚାଲୁଛି। କାରଖାନା ନାଁରେ ମୋରମ୍‌ ଲୁଟ୍‌ ହେଉଥିବାର ଦେଖିବାକୁ ମିଳିଛି। ଯାଜପୁର ଜିଲାରେ ଲଘୁ ଖଣିଜ ଦ୍ରବ୍ୟ କଳାପଥର, ମାଙ୍କଡ଼ା ପଥର ଓ ମୋରମ୍‌ ବିଶେଷକରି ଧର୍ମଶାଳା, ବଡ଼ଚଣା, ରସୁଲପୁର, ଦାନଗଦି, କୋରେଇ ଓ ସୁକିନ୍ଦା ତହସିଲ ଅଞ୍ଚଳରେ ବିପୁଳ ପରିମାଣରେ ମହଜୁଦ ରହିଛି। କିନ୍ତୁ ଲଘୁ ଖଣି କାର୍ଯ୍ୟାଳୟ ଯାଜପୁର ସଦର ମହକୁମାରେ ରହିଛି। ଫଳରେ ଏସବୁ ମୂଲ୍ୟବାନ ଖଣିଜ ଦ୍ରବ୍ୟର ପରିଚାଳନା ଓ ନିୟନ୍ତ୍ରଣ ଉପଯୁକ୍ତ ଭାବେ ହୋଇ ପାରୁ ନ ଥିବା ମତପ୍ରକାଶ ପାଇଛି। ଏହାକୁ ଏକ ସୁଯୋଗ ଭାବୁଛନ୍ତି ମୋରମ୍‌ ଲୁଟ୍‌ କରୁଥିବା ଅସାଧୁ ବ୍ୟବସାୟୀମାନେ । ସେହି କ୍ରମରେ ଯଖପୁରା ଅଞ୍ଚଳର କେତେଜଣ ଅସାଧୁ ବ୍ୟବସାୟୀ ବାଉଁଶରାଣୀ ଠାକୁରାଣୀ ନିକଟରୁ ବିପୁଳ ପରିମାଣର ମୋରମ୍‌ ଲୁଟ୍‌ କରୁଛନ୍ତି। ଏକର ଏକର ଜାଗାରୁ ପ୍ରାୟ ୮ରୁ ୧୦ଫୁଟ୍‌ ଗଭୀର କରି ମୋରମ ଖୋଳା ଯାଇ ତାକୁ ଚାଲାଣ କରି ଅସାଧୁ ବ୍ୟବସାୟୀମାନେ ମାଲେମାଲ ହେଉଉଛନ୍ତି। କଚେରୀ ଗାଁ ନିକଟରେ ଭିସିଆଇ କେମିକାଲ ପ୍ରାଇଭେଟ ଲିମିଟେଡ କମ୍ପାନୀ କାରଖାନା ନିର୍ମାଣ କାର୍ଯ୍ୟ ଆରମ୍ଭ କରୁଛି। ଏହି କାର୍ଯ୍ୟରେ ସଂପୃକ୍ତ ଠିକାଦାର ଜଣକ ଉକ୍ତ କାରଖାନା ପରିସର ଏବଂ ବାହାରୁ ମୋରମ ଉତ୍ତୋଳନ କରି ବାହାରକୁ ଚାଲାଣ କରୁଛନ୍ତି ା ଏପରି କି ଏହି ବେଆଇନ ମୋରମ ଯଖପୁରାଠାରୁ ଯାଜପୁରରୋଡ ରେଳ ଲାଇନ କାର୍ଯ୍ୟରେ ମଧ୍ୟ ବ୍ୟବହାର ହେଉଛି। ଏଥିପାଇଁ ଖଣି ବିଭାଗ ପକ୍ଷରୁ ସଂପୃକ୍ତ ରେଳ ବିଭାଗ କର୍ତ୍ତୃପକ୍ଷଙ୍କୁ ପ୍ରାୟ ୧୫ ଦିନ ତଳେ କାରଣ ଦର୍ଶାଅ ନୋଟିସ ଜାରି କରିଥିବା ସୂଚନା ମିଳିଛି। ତଥାପି ସଂପୃକ୍ତ ଠିକାଦାର ରାଜନୈତିକ ପ୍ରଭାବ ବଳରେ ମୋରମ୍‌ ଲୁଟ୍‌ ଚଳାଇଥିବା ଅଭିଯୋଗ ହୋଇଛି। ଭିସିଆଇ ଅଧିଗ୍ରହଣ କରିଥିବା ଜମିର ପାଚେରୀ ନିର୍ମାଣ ବାହାନାରେ ଦୈନିକ ଶତାଧିକ ଟ୍ରିପ୍‌ ମୋରମ ଖୋଳାଯାଉଛି। ସେହି ମୋରମ୍‌କୁ ପୁଣି ଭିସିଆଇ କେମିକାଲ କାରଖାନାକୁ ଚଢ଼ା ମୂଲ୍ୟରେ ବିକ୍ରୀ କରାଯାଉଛି ବୋଲି ଅଭିଯୋଗ ହେଉଛି। ଏଠି ସାଧାରଣ ଲୋକଙ୍କ ମନରେ ପ୍ରଶ୍ନ ଉଠୁଛି କି ଏତେ ପରିମାଣର ମୋରମ ଖୋଲିବା ପାଇଁ କମ୍ପାନୀକୁ ଅନୁମତି ଦେଲା। ଯଦି ବିପୁଳ ପରିମାଣର ମୋରମ ଖୋଲିବା ପାଇଁ ଅନୁମତି ମିଳିଛି କମ୍ପାନୀ ନିକଟରେ ତା’ର କୌଣସି ପ୍ରମାଣ ଅଛି କି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଲଘୁ ଖଣିଜ ପଦାର୍ଥର ସୁରକ୍ଷା ଦାୟିତ୍ୱରେ ଥିବା ଅଧିକାରୀ, ସ୍ଥାନୀୟ ତହସିଲ ଅଧିକାରୀ, ଯଖପୁରା ଥାନା ଅଧିକାରୀ ଓ ଅସାଧୁ ବ୍ୟବସାୟୀଙ୍କ ମଧୁଚନ୍ଦ୍ରିକା ଯୋଗୁ ଏହା ସମ୍ଭବ ହେଉଥିବାର ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି। ଏହି ମୋରମ ଲୁଟରେ ସ୍ଥାନୀୟ ଅଞ୍ଚଳର କେତେଜଣ ପ୍ରଭାବଶାଳୀ ବ୍ୟକ୍ତିଙ୍କ ହାତଥିବା ଶୁଣିବାକୁ ମିଳୁଛି। ଏବେ ନୁହେଁ ବାରମ୍ବାର ଅଭିଯୋଗ ହେବା ସତ୍ତ୍ୱେ ସ୍ଥାନୀୟ ପଙ୍କପାଳ, ମନୋହରପୁର, ଯଖପୁରା ଆଦି ଅଞ୍ଚଳରୁ ମୋରମ ଲୁଟ ହେଉଛି। ଏହାକୁ ପ୍ରଶାସନ ହାଲୁକା ଭାବେ ନେଉଛି। ଯାହାଫଳରେ ନିୟମିତ ଭାବରେ ଏସବୁ ଲଘୁ ଖଣିଜ ଲୁଟ ହେଉଛି।
ଏ ସଂକ୍ରାନ୍ତରେ ଯାଜପୁର ଲଘୁ ଖଣି ବିଭାଗର ଉପନିର୍ଦ୍ଦେଶକ ଜୟପ୍ରକାଶ ନାୟକଙ୍କୁ ପଚାରିବାରେ ସେ କହିଛନ୍ତି, ଏଯାଏ ମୋରମ୍‌ ଲୁଟ୍‌ ସମ୍ପର୍କରେ ତାଙ୍କ ପାଖରେ ଖବର ନାହିଁ। ତଥାପି ଆବଶ୍ୟକ ତଦନ୍ତ କରି ବିହତ ପଦକ୍ଷେପ ଗ୍ରହଣ କରାଯିବ।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?