ନୂଆଦିଲ୍ଲୀ, ୧୬।୧୨ (ପି.ଟି.)-କ୍ରିକେଟରରୁ କୋଚ୍ ହୋଇଥିବା ଅଷ୍ଟ୍ରେଲିଆର ଟମ୍ ମୁଡି ମଙ୍ଗଳବାର ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଫ୍ରାଞ୍ଚାଇଜ୍ ସନରାଇଜର୍ସ ହାଇଦ୍ରାବାଦର କ୍ରିକେଟ ନିର୍ଦ୍ଦେଶକ ଭାବେ ନିଯୁକ୍ତି ପାଇଛନ୍ତି। ଏହି ୫୫ ବର୍ଷୀୟ ଅଷ୍ଟ୍ରେଲୀୟ ୨୦୧୯ ପର୍ଯ୍ୟନ୍ତ ୭ବର୍ଷ ଧରି ସନରାଇଜର୍ସର ଦାୟିତ୍ୱରେ ରହିଛନ୍ତି। ତାଙ୍କ ତତ୍ତ୍ୱାବଧାନରେ ଦଳ ୨୦୧୯ରେ ଟାଇଟଲ ବିଜୟୀ ହୋଇପାରିଥିଲା। ଗତବର୍ଷ ଜୁଲାଇରେ ଇଂଲଣ୍ଡର ବିଶ୍ୱକପ୍ ବିଜୟୀ କୋଚ୍ ଟ୍ରେଭର ବେଲିସ୍ କୋଚ୍ ଦାୟିତ୍ୱ ଗ୍ରହଣ କରିଥିଲେ। ମୁଡିଙ୍କ ୭ ବର୍ଷ କାର୍ଯ୍ୟକାଳରେ ସନରାଇଜର୍ସ ୫ଥର ଆଇପିଏଲ୍ କ୍ୱାଲିଫାୟର୍ସରେ ପହଞ୍ଚତ୍ପାରିଛି। ଚଳିତ ବର୍ଷର ଆଇପିିଏ୍ଲ ସଂଯୁକ୍ତ ଆରବ ଏମିରେଟ୍ସରେ ଖେଳାଯାଇଥିଲା। ସନରାଇଜର୍ସ ତୃତୀୟ ଦଳ ଭାବେ ପ୍ଲେ-ଅଫ୍କୁ ଉନ୍ନୀତ ହୋଇଥିଲା। ଆବୁଧାବିର ଶେଖ ଜାୟେଦ କ୍ରିକେଟ ଷ୍ଟାଡିୟମରେ ଅନୁଷ୍ଠିତ କ୍ୱାଲିଫାୟର ୨ରେ ସେମାନେ ପରାଜିତ ହୋଇଯାଇଥିଲେ।
