ରାଗ, ମସଲା ବା ଚଟ୍ପଟି ଖାଦ୍ୟ ଦେଖିବା ମାତ୍ରେ ପାଟିରୁ ଲାଳ ବହିଯାଏ। ଭାରତରେ ଅନେକ ଲୋକ ଏପରି ଖାଦ୍ୟ ଖାଇବାକୁ ପସନ୍ଦ କରିଥାନ୍ତି। ମାତ୍ର ଚାଇନାର ଲୋକମାନେ ମସଲାଯୁକ୍ତ ଖାଦ୍ୟ ଠାରୁ ଦୂରେଇ ରୁହନ୍ତି। ହେଲେ ଚାଇନାର ଜଣେ ୬୩ ବର୍ଷୀୟ ବୃଦ୍ଧ ଓ୍ବାଙ୍ଗଙ୍କୁ ଏପରି ଖାଦ୍ୟ ଖାଇବା ମହଙ୍ଗ ପଡ଼ିଛି।
ଓ୍ବାଙ୍ଗ ମୋମୋକୁ ଦେଖିବା ପରେ ଆଉ ନିଜକୁ ସମ୍ଭାଳିପାରି ନ ଥିଲେ। ସେ ମୋମୋ ଖାଇଥିଲେ। ଏହାର ମସଲା ଅଧିକ ଖାଇବା ଦ୍ୱାରା ତାଙ୍କ ପେଟରେ ହଠାତ୍ ବିସ୍ଫୋରଣ ଘଟି ଅନ୍ତଳନୀ ଫାଟିଗଲା। ସଙ୍ଗେସଙ୍ଗେ ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଗଲା। ଡାକ୍ତରଙ୍କ ବହୁ ପରିଶ୍ରମ ପରେ ତାଙ୍କର ଜୀବନ ବଞ୍ଚିଯାଇଛି। ଏ ନେଇ ଓ୍ବାଙ୍ଗ କୁହନ୍ତି, ପୂର୍ବରୁ ତାଙ୍କର ପେଟ ଏବଂ ହଜମ ଜନିତ ସମସ୍ୟା ରହିଥିଲା। ଏଭଳି ପରିସ୍ଥିତିରେ ଡାକ୍ତର ତାଙ୍କୁ ମସଲାଯୁକ୍ତ ଖାଦ୍ୟ ଖାଇବାକୁ ମନା କରିଥିଲେ। ଡାକ୍ତରଙ୍କ କଥା ନ ମାନିକାରୁ ଏପରି ଅସୁବିଧାଣ ସମ୍ମୁଖୀନ ହେବାକୁ ପଡ଼ିଛି ବୋଲି ସେ କହିଛନ୍ତି। ବର୍ତ୍ତମାନ ଏହି ଘଟଣା ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
