ରେସଲର ବବିତା ଫୋଗାଟ ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ସେ ସୋସିଆଲ ମିଡିଆରେ ପୁଅର ପ୍ରଥମ ଫଟୋ ଶେୟାର କରିଥିଲେ। ଫଟୋ ଶେୟାର କରି ହରିୟାଣାର ଚାରଖୀ ଦାଦ୍ରି ଜିଲାର ବଲାଲି ଗାଁରେ ରହୁଥିବା ବବିତା ଏକ ସୁନ୍ଦର ବାର୍ତ୍ତା ଲେଖିଛନ୍ତି – ଆମ ଛୋଟ ପୁଅକୁ ଭେଟ: ସ୍ବପ୍ନରେ ବିଶ୍ୱାସ କର, ଏଗୁଡ଼ିକ ସତ୍ୟ ହୁଏ, ଆମର ନୀଳ ରଙ୍ଗ ପୋଷାକରେ ଆସିଲା। ଡିସେମ୍ବର ୧, ୨୦୧୯ରେ ରେସଲର ବବିତା ଫୋଗଟ ରେସଲର ବିବେକ ସୁହାଗଙ୍କୁ ବିବାହ କରିଥିଲେ। ବିବେକ ତାଙ୍କ ବିବାହରେ ମାତ୍ର ୨୧ ଜଣଙ୍କୁ ଅତିଥି ଭାବେ ଡାକିଥିଲେ। ବବିତାଙ୍କ ଠାରୁ ଏକ ଟଙ୍କା ଯୌତୁକ ନେଇ ଚର୍ଚ୍ଚାରେ ଥିଲେ। ଏପରିକି ବାଜା ଏବଂ ଡିଜେ ବ୍ୟାଣ୍ଡର ବ୍ୟବସ୍ଥା କରାଯାଇ ନ ଥିଲା। ପ୍ଲାଷ୍ଟିକ ବିନା ଏହି ପୂରା ବିବାହ ସମାପ୍ତ ହୋଇଥିଲା। ବବିତାଙ୍କ ବିବାହରେ ୭ ଘେରା ପରିବର୍ତ୍ତେ ଆଠ ଘେରା ଥିଲା। ବବିତା ଦେଶ ପାଇଁ ଅନେକ ଅନ୍ତର୍ଜାତୀୟ ପଦକ ଜିତିଛନ୍ତି। ସେ କମନୱେଲଥ ଗେମ୍ସରେ ସ୍ବର୍ଣ୍ଣ ଓ ରୌପ୍ୟ ପଦକ ଜିତିଥିବା ବେଳେ ବିଶ୍ୱ ଚାମ୍ପିଅନସିପରେ ସେ ବ୍ରୋଞ୍ଜ ପଦକ ମଧ୍ୟ ଜିତିଛନ୍ତି। ତାଙ୍କୁ ଦେଶର ସମ୍ମାନଜନକ ଅର୍ଜୁନ ପୁରସ୍କାର ମଧ୍ୟ ପ୍ରଦାନ କରାଯାଇଛି।
ବବିତା ମଧ୍ୟ ରାଜନୀତିରେ ପାଦ ଦେଇ ହରିୟାଣା ବିଧାନସଭା ନିର୍ବାଚନରେ ଭାଜପା ଟିକେଟରେ ପ୍ରତିଦ୍ୱନ୍ଦ୍ୱିତା କରିଥିଲେ। କିନ୍ତୁ ଏଥିରେ ତାଙ୍କୁ ପରାଜୟର ସାମ୍ନାକ ରିବାକୁ ପଡିଥିଲା। ବବିତା ଫୋଗଟ ଦ୍ରୋଣାଚାର୍ଯ୍ୟ ପୁରସ୍କାର ପ୍ରାପ୍ତ ପିତା ମହାବୀର ଫୋଗଟଙ୍କ ଝିଅ ଏବଂ ଆନ୍ତର୍ଜାତୀୟ ରେସଲର ଗୀତା ଫୋଗଟଙ୍କ ଭଉଣୀ।
