ମୋଦିଙ୍କ ପ୍ରେରଣା

ପରଖ ଅବଧି(ପ୍ରୋବେଶନ)ରେ ଥିବା ୨୮ ଜଣ ମହିଳାଙ୍କ ସମେତ ୧୩୧ ଜଣ ଆଇପିଏସ୍‌ ହାଇଦ୍ରାବାଦସ୍ଥିତ ପ୍ରତିଷ୍ଠିତ ସର୍ଦ୍ଦାର ବଲ୍ଲଭଭାଇ ପଟେଲ ନ୍ୟାଶନାଲ ପୋଲିସ ଏକାଡେମୀ(ଏସ୍‌ଭିପି ଏନ୍‌ପିଏ)ରୁ ୪୨ ସପ୍ତାହର ବେସିକ୍‌ କୋର୍ସ ଫେଜ୍‌-୧ ଟ୍ରେନିଂ ଶେଷ କରିଛନ୍ତି। ଏମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଭିଡ଼ିଓ କନ୍‌ଫରେନ୍ସରେ କଥା ହେବାର ଏକ ଅପୂର୍ବ ସୌଭାଗ୍ୟ ଲାଭ କରିଛନ୍ତି। ମୋଦି ବେଳେବେଳେ ଏମିତି କରିଥାନ୍ତି, କିନ୍ତୁ ଯେଉଁମାନେ ଏହି ସୁଯୋଗ ଲାଭ କରନ୍ତି ସେମାନେ ଏହାଦ୍ୱାରା ବେଶ୍‌ ଉତ୍ସାହିତ ହୋଇଥାନ୍ତି। ଏସ୍‌ଭିପି ଏନ୍‌ପିଏରେ ବେସିକ୍‌ କୋର୍ସ ଟ୍ରେନିଂ ସମୟରେ ପ୍ରୋବେଶନର୍ସ ବା ପ୍ରଶିିକ୍ଷାର୍ଥୀଙ୍କୁ ଦୁଇ ଭାଗରେ ଅର୍ଥାତ୍‌ ଭିତର ଓ ବାହାର କାର୍ଯ୍ୟ ସମ୍ପର୍କରେ ଯଥା ଆଇନ, ତଦନ୍ତ, ଫରେନସିକ, ନେତୃତ୍ୱ ଓ ପରିଚାଳନା,ଆପରାଧିକ ବିଜ୍ଞାନ, ସାର୍ବଜନୀନ ବ୍ୟବସ୍ଥା ଓ ଆଭ୍ୟନ୍ତରୀଣ ସୁରକ୍ଷା, ନୈତିକତା ଓ ମାନବିକ ଅଧିକାର, ଆଧୁନିକ ଭାରତର ପୋଲିସ ବ୍ୟବସ୍ଥା, ଫିଲ୍ଡକ୍ରାଫ୍ଟ ଓ ରଣନୀତି, ଅସ୍ତ୍ରଶସ୍ତ୍ର ପ୍ରଶିକ୍ଷଣ ଏବଂ ଗୁଳିଚାଳନା ପ୍ରଶିକ୍ଷଣ ଦିଆଯାଇଥିଲା। ସେମାନଙ୍କ ସମ୍ବନ୍ଧିତ ରାଜ୍ୟ କ୍ୟାଡରରେ ଫିଲ୍ଡ ପୋଷ୍ଟିଂ ବା କ୍ଷେତ୍ର ନିଯୁକ୍ତି ହେବା ପୂର୍ବରୁ ଏହା ଥିଲା ଶେଷ ପ୍ରଶିକ୍ଷଣ। ୨୦୧୮ ବ୍ୟାଚ୍‌ର ଆଇପିଏସ୍‌ ପ୍ରୋବେଶନର୍ସଙ୍କୁ ସମ୍ବୋଧନ କଲାବେଳେ ପ୍ରଧାନମନ୍ତ୍ରୀ ସେମାନଙ୍କୁ କ୍ୟାରିୟରରେ ଉକତ୍ୃଷ୍ଟତା ଲାଭ କରିବା ଲାଗି ପ୍ରେରିତ କରିଥିଲେ। ଏହି ଅବସରରେ ସିଭିଲ୍‌ ସର୍ଭ୍ୟାଣ୍ଟମାନଙ୍କ ଦକ୍ଷତା ବଢ଼ାଇବା ପାଇଁ ମୋଦି ସରକାରଙ୍କ ଏକ ନୂଆ ସ୍ଲୋଗାନ, ନୂଆ ଯୋଜନା ‘ମିଶନ କର୍ମଯୋଗୀ’କୁ ଦୋହରାଇଛନ୍ତି। ୧୯୪୮ରେ ନ୍ୟାଶନାଲ ପୋଲିସ ଏକାଡେମୀ ସ୍ଥାପନ ହେବା ପରଠାରୁ ଏହା ଦକ୍ଷତାର ସହ ଏହି ଦାୟିତ୍ୱକୁ ନିର୍ବାହ କରିଆସୁଛି। କେବଳ ପୋଲିସମାନଙ୍କ ମଧ୍ୟରେ ନୁହେଁ ବରଂ ଏହି ସ୍ଲୋଗାନ୍‌ ଖୁବଶୀଘ୍ର ଦେଶରେ ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଛି । ଏକାଡେମୀ ନିର୍ଦ୍ଦେଶକ ତଥା ଗୁଜରାଟ କ୍ୟାଡର ୧୯୮୮ ବ୍ୟାଚ୍‌ ଆଇପିଏସ୍‌ ଅଫିସର ଅତୁଲ କରଓ୍ବାଲ ଦୀକ୍ଷାନ୍ତ ପରେଡରେ ସଭାପତିତ୍ୱ କରିଥିଲେ ଓ ପ୍ରୋବେଶନର୍ସଙ୍କୁ ସମ୍ବୋଧନ ମଧ୍ୟ କରିଥିଲେ।
କଠୋର ସନ୍ଦେଶ
ସରକାରୀ କର୍ମଚାରୀମାନଙ୍କ ରାଷ୍ଟ୍ରବିରୋଧୀ ବୟାନ କିମ୍ବା କାର୍ଯ୍ୟ କୌଣସି ପରିସ୍ଥିତିରେ ସହ୍ୟ କରାଯାଇପାରିବ ନାହିଁ ବୋଲି ମୋଦି ସରକାର ସ୍ପଷ୍ଟ ସନ୍ଦେଶ ଦେଇଛନ୍ତି। ଜମ୍ମୁ-କଶ୍ମୀରରେ ୩୭୦ ଧାରା ଓ ୩୫-ଏ ଉଚ୍ଛେଦ ହେବା ପରେ ଜମ୍ମୁ-କଶ୍ମୀର ପ୍ରଶାସନ ରାଜ୍ୟ ମୁଖ୍ୟ ଶାସନ ସଚିବ ବି.ଭି.ଆର୍‌ ସୁବ୍ରମଣ୍ୟମଙ୍କ ଅଧ୍ୟକ୍ଷତାରେ ଏକ ୬ ଜଣିଆ କମିଟି ଗଠନ କରିଛି। ରାଷ୍ଟ୍ରବିରୋଧୀ କାର୍ଯ୍ୟରେ ଲିପ୍ତ ଅଭିଯୁକ୍ତ ସରକାରୀ ଅଧିତ୍କାରୀମାନଙ୍କ ଉପରେ ତଦନ୍ତ କରିବା ଲାଗି ଏହି କିମିଟି ଗଠନ କରାଯାଇଛି। ଏହି ଉଚ୍ଚ କ୍ଷମତା ସମ୍ପନ୍ନ କମିଟିକୁ ମାମଲାଗୁଡିକର ଯାଞ୍ଚ କରିବା ଏବଂ ରାଷ୍ଟ୍ରବିରୋଧୀ କାର୍ଯ୍ୟରେ ଲିପ୍ତ ସରକାରୀ ଅଧିତ୍କାରୀମାନଙ୍କ ବିରୋଧରେ ଧାରା ୩୧୧(୨)-ସି ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କ୍ଷମତା ପ୍ରଦାନ କରାଯାଇଛି। ଜମ୍ମୁ-କଶ୍ମୀର ମୁଖ୍ୟ ସଚିବଙ୍କ ବ୍ୟତୀତ ଏହି ଉଚ୍ଚ କ୍ଷମତା ସମ୍ପନ୍ନ କିମିଟିରେ ଗୃହ ବିଭାଗର ପ୍ରଶାସନିକ ସଚିବ, ଜମ୍ମୁ-କଶ୍ମୀର ଡିଜିପି ବା ପୋଲିସ ମହାନିର୍ଦ୍ଦେଶକ, ସାଧାରଣ ପ୍ରଶାସନ ବିଭାଗର ପ୍ରଶାସନିକ ସଚିବ, ଅତିରିକ୍ତ ଡିଜିପି, ସିଆଇଡି ଏବଂ ଆଇନ ଓ ନ୍ୟାୟ ବିଭାଗର ପ୍ରଶାସନିକ ସଚିବ ରହିଛନ୍ତି। ବିଶେଷଜ୍ଞଙ୍କ ମତରେ, ରାଷ୍ଟ୍ରବିରୋଧୀ କାର୍ଯ୍ୟରେ ଲିପ୍ତ ରହିବାରେ ଆଇଏଏସ୍‌ ଏବଂ ଆଇପିଏସ୍‌ ଅଫିସରଙ୍କ ସମେତ ଯେ କୌଣସି ସରକାରୀ ଅଧିକାରୀ ଯଦି କମିିଟି ଦ୍ୱାରା ଦୋଷୀ ସାବ୍ୟସ୍ତ ହୁଅନ୍ତି ତେବେ ବିନା ତଦନ୍ତରେ ସେମାନଙ୍କୁ ଚାକିରିରୁ ବହିଷ୍କାର କରାଯିବ। ଜମ୍ମୁ-କଶ୍ମୀରରେ ରାଷ୍ଟ୍ରବିରୋଧୀ କାର୍ଯ୍ୟରେ ଲିପ୍ତଥିବା ଅନେକ ସରକାରୀ ଅଧିକାରୀଙ୍କ ଉପରେ ସତର୍କ ନଜର ରଖାଯାଇଛି ବୋଲି ବିଶେଷ ସୂତ୍ରରୁ ଜାଣିବାକୁ ମିଳିଛି।
ମିଡିଆ ଓ ମୁମ୍ବାଇ ପୋଲିସ
ସୁଶାନ୍ତ ରାଜପୁତ ମାମଲାରେ ୭ ଜଣ ପୂର୍ବତନ ଡିଜିପି ଏବଂ ଜଣେ ପୋଲିସ କମିଶନର କେଉଁଥିପାଇଁ ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି? ସୁଶାନ୍ତ ରାଜପୁତ ମୃତ୍ୟୁ ମାମଲାକୁ ମିଡିଆ ଅତ୍ୟଧିକ ଗୁରୁତ୍ୱ ଦେଇ ପ୍ରଚାର କରି କରୋନା ମହାମାରୀ ପ୍ରକୋପ, ଭୁଶୁଡି ପଡୁଥିବା ଆମ ଅର୍ଥବ୍ୟବସ୍ଥା ଏବଂ ସୀମାରେ ଚାଇନାର ଧମକ ଆଦି ଘଟଣାଗୁଡିକୁ ପୂରା ଅବହେଳା କରିଛି। କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ), ପ୍ରବର୍ତ୍ତନ ନିର୍ଦ୍ଦେଶାଳୟ ଏବଂ ବିଭିନ୍ନ ସଂସ୍ଥା ଏହି ଘଟଣାରେ ତଦନ୍ତ କରିିବା ପରେ ମୁମ୍ବାଇ ପୋଲିସ କୋଣଠେସା ହୋଇଯାଇଛି। ତଦନ୍ତରେ ଢିଲା କରୁଥିବା ଏବଂ ରାଜନୈତିକ ଚାପରେ କାମ କରୁଥିବାର ଅଭିଯୋଗ ମୁମ୍ବାଇ ପୋଲିସ ଉପରେ ମଧ୍ୟ ହୋଇଆସୁଛି। ଏହି ଘଟଣା ଏତେ ଗୋଳମାଳିଆ ହୋଇଯାଇଛି ଯେ ଏଥିରେ କିଏ ସ୍ବଚ୍ଛ ତାହା କହିବା କଠିନ। ଏବେ ପୂର୍ବତନ ଆଇପିଏସ୍‌ ଅଧିକାରୀମାନେ ଏହି କେସ୍‌ରେ ମୁମ୍ବାଇ ପୋଲିସଙ୍କ ବିରୋଧରେ ‘ମିଡିଆ ଟ୍ରାଏଲ’ ଏବଂ ‘ଅନୁଚିତ, ଦୋଷପୂର୍ଣ୍ଣ ଏବଂ ମିଥ୍ୟା ମିଡିଆ ଅଭିଯାନ’କୁ ଶେଷ କରିବା ଲାଗି କୋର୍ଟକୁ ପ୍ରାର୍ଥନା କରିଛନ୍ତି। କୋର୍ଟରେ ପିଟିଶନ ଦାଏର କରିଥିବା ଅଧିକାରୀମାନଙ୍କ ମଧ୍ୟରେ ଅଛନ୍ତି ପୂର୍ବତନ ମହାରାଷ୍ଟ୍ର ଡିଜିପି ଏମ୍‌.ଏନ. ସିଂ, ପି. ଏସ୍‌ .ପରିଚ୍ଛା, ଡି. କେ. ଶିବାନନ୍ଦନ, ସଞ୍ଜୀବ ଦୟାଲ, ସତୀଶ ମାଥୁର, କେ. ସୁବ୍ରମଣ୍ୟନ, ପୂର୍ବତନ ଅତିରିକ୍ତ ଡିଜିପି କେ. ପି. ରଘୁବଂଶୀ ଏବଂ ପୂର୍ବତନ ମୁମ୍ବାଇ ପୋଲିସ କମିଶନର ଡି. ଏନ୍‌. ଯାଦବ। ମୁମ୍ବାଇ ପୋଲିସର ନିର୍ମଳ ଭାବମୂର୍ତ୍ତିକୁ କଳଙ୍କିତ କରିବାକୁ ମନ୍ଦ ଉଦ୍ଦେଶ୍ୟ ରଖି ମିଡିଆ ନକାରାମତ୍କ ବା ପ୍ରତିକୂଳ ଅଭିଯାନ ଚଳାଇଥିବା ପ୍ରତୀୟମାନ ହେଉଛି ବୋଲି ପିଟିଶନ୍‌ରେ ଦର୍ଶାଯାଇଛି। ଉଲ୍ଲେଖନୀୟ ଯେ,କୌଣସି ବିଚାରାଧୀନ ତଦନ୍ତ ପ୍ରକ୍ରିୟା ଉପରେ ମିଡିଆ କଭର୍‌ କରିବା ପାଇଁ ନୂଆ ନିୟମ ଏବଂ ମାର୍ଗଦର୍ଶିକା ପ୍ରସ୍ତୁତ କରିବା ଲାଗି ପିଟିଶନ୍‌ରେ ଅନୁରୋଧ କରାଯାଇଛି।
Email: dilipcherian@gmail.com


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ତେଲେଙ୍ଗାନାର ଜଣେ ପୋଲିସ ଅଧିକାରୀଙ୍କ ମହାନତା ଏବେ ସାମ୍‌ନାକୁ ଆସିଛି, ଯାହା ଅନ୍ୟମାନଙ୍କ ପାଇଁ ପ୍ରେରଣା ନିଶ୍ଚୟ। ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ୍‌ ପୋଲିସ୍‌ ଏନ୍‌ .ଉଦୟ...

ବିଦେଶ ପ୍ରେମ

ଡ.ଜୟଦେବ ସାହୁ ବିଦେଶ ଭ୍ରମଣ ହେଉ କି ବିଦେଶରେ ଅଧ୍ୟୟନ ହେଉ, ବିଦେଶର ନାମ ଶୁଣିଲେ ଭାରତୀୟ ନୂତନ ପିଢ଼ି ଖୁସିରେ ବିଭୋର ହୋଇଯାନ୍ତି। ପ୍ରାୟ...

ଏଇ ଭାରତରେ

ଅଚିହ୍ନା ମୃତଦେହ ସଂଗ୍ରହ କରି ସେଗୁଡ଼ିକର ଅନ୍ତିମ ସଂସ୍କାର କରିବା ହେଉଛି ବିହାର ପାଟନାର ଜଣେ ବ୍ୟକ୍ତିଙ୍କ ନିଶା। ସେ ହେଉଛନ୍ତି ନବୀନ ଶ୍ରୀବାସ୍ତବ। ଗତ...

ଏଇ ଭାରତରେ

ନିଜ ପେଟ କଥା ଚିନ୍ତା ନ କରି ଅଭାବୀଙ୍କ ପାଇଁ ବ୍ୟସ୍ତ ମଣିଷଟିଏ ହେଉଛନ୍ତି କେରଳର ରେଜି ଥୋପିଲେଥ। ସେ ଜଣେ ଟ୍ୟାକ୍ସି ଚାଳକ। କେରଳ...

ସୋସିଆଲ୍‌ ମିଡିଆ ପଲିସି: ଭଲ ଓ ଭେଲ

ସବ୍ୟସାଚୀ ଅମିତାଭ ସମୟ ବଦଳିଛି, ତା’ ସହ ଡିଜିଟାଲ ମିଡିଆ ଧୀରେ ଧୀରେ ଲୋକଙ୍କ ସ୍ବର ହେବାରେ ଲାଗିଛି। ସୋସିଆଲ୍‌ ମିଡିଆ ଲୋକଙ୍କୁ ସେମାନଙ୍କ ଉତ୍କର୍ଷତା...

ଜଳବାୟୁ ପରିବର୍ତ୍ତନର ପରିଣାମ

ଡ. ରମେଶ ଚନ୍ଦ୍ର ପରିଡ଼ା ଜାତିସଂଘ ପରିଚାଳିତ ଗ୍ଲୋବାଲ ‘ଏନ୍‌ଭାଇରନ୍‌ମେଣ୍ଟ ଆଉଟ୍‌ଲୁକ୍‌’ ଦ୍ୱାରା ଚଳିତ ବର୍ଷ (୨୦୧୯ରେ) ପ୍ରକାଶିତ ବିବରଣୀ ଅନୁସାରେ ଜାଗତିକ ଉଷ୍ମତା ବୃଦ୍ଧି...

ବିଦେଶୀ କିଏ

ଆଜି ଭାରତବର୍ଷ ଅଟୋଇମୁନୋ ରୋଗରେ ଆକ୍ରାନ୍ତ। ଏହା ଏଭଳି ଏକ ଅବସ୍ଥା, ଯେଉଁଥିରେ ନିଜର ରୋଗ ପ୍ରତିରୋଧକାରୀ ବ୍ୟବସ୍ଥା ସ୍ବୟଂ ସେହି ଦେହକୁ ବିନାଶ କରିଥାଏ।...

ଏଇ ଭାରତରେ

ଗୋବର ଚପଲ କଥା ଶୁଣିଛନ୍ତି କି! ଏଭଳି ଚପଲ ତିଆରି କରୁଛନ୍ତି ଛତିଶଗଡ଼ର ରିତେଶ ଅଗ୍ରଓ୍ବାଲ। ୧୫ ବର୍ଷ ପୂର୍ବେ ରିତେଶ ଚାକିରି ଛାଡି ପ୍ରଥମେ...

Advertisement
Archives

Model This Week