ନୂଆଦିଲ୍ଲୀ,୮।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କ୍ୟାବିନେଟ୍ ସମ୍ପ୍ରସାରଣରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଟିମ୍ର ସଦସ୍ୟ ସଂଖ୍ୟା ଏବେ ୪ରେ ସୀମିତ ହୋଇ ରହିଯାଇଛି। ଗତ ୭ ବର୍ଷ ମଧ୍ୟରେ ଧୀରେଧୀରେ ‘ଅଟଳ ଟିମ୍’ ସଦସ୍ୟ କ୍ୟାବିନେଟ୍ରୁ ବାହାରି ଯାଇଛନ୍ତି। ଏବେ କ୍ୟାବିନେଟ୍ରେ କେବଳ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ, ସଂଖ୍ୟାଲଘୁ ମନ୍ତ୍ରୀ ମୁଖତାର୍ ଅବାସ୍ ନକ୍ଭୀ, ଶ୍ରୀପଦ ନାୟକ ଏବଂ ପ୍ରହ୍ଲାଦ ସିଂ ପଟେଲ ରହିଛନ୍ତି। ଶ୍ରୀପଦ ନାୟକ ଏବଂ ପ୍ରହ୍ଲାଦ ସିଂ ପଟେଲ ରାଷ୍ଟ୍ରମନ୍ତ୍ରୀ ଭାବେ ରହିଛନ୍ତି। ପୂର୍ବରୁ ଅଟଳଙ୍କ ଟିମ୍ର ବରିଷ୍ଠ ସଦସ୍ୟ ଲାଲ୍ କୃଷ୍ଣ ଆଡଭାଣୀ, ମୂରଲୀ ମନୋହର ଯୋଶୀ, ଯଶଓ୍ବନ୍ତ ସିହ୍ନା, ଯଶଓ୍ବନ୍ତ ସିଂ, ଅରୁଣ ସୌରୀ ପ୍ରମୁଖକୁ ନୂଆ ପିଢ଼ି ସହିତ ସାମିଲ କରାଯାଇ ନ ଥିଲା। ସେହିପରି ଶ୍ରତୁଘ୍ନ ସିହ୍ନା, ଶାହନଓ୍ବାଜ୍ ହୁସେନ୍ ପ୍ରମୁଖଙ୍କୁ ସୁଯୋଗ ଦିଆଯାଇ ନ ଥିଲା।
