ଢେଙ୍କାନାଳ ଅଫିସ, ୭।୧୨: ଢେଙ୍କାନାଳ ଜିଲା ନରେନ୍ଦ୍ରପୁରସ୍ଥିତ ଟାଟାଷ୍ଟିଲ୍ ମେରାମଣ୍ଡଳୀ ପକ୍ଷରୁ ମଙ୍ଗଳବାର ବିପଦପୂର୍ଣ୍ଣ ସମୟରେ ପ୍ରସ୍ତୁତି ଏବଂ ପରିବେଶ ସୁରକ୍ଷାକୁ ପ୍ରୋତ୍ସାହିତ କରିବା ଲକ୍ଷ୍ୟରେ ଅନସାଇଡ୍ ଆପାତକାଳୀନ ମକଡ୍ରିଲ୍ ଅନୁଷ୍ଠିତ ହୋଇଯାଇଛି। ଜିଲା କ୍ରାଇସିସ୍ ମ୍ୟାନେଜମେଣ୍ଟ ଗ୍ରୁପ୍ର ସଦସ୍ୟମାନେ ଅଂଶଗ୍ରହଣ କରିଥିଲେ।
ଢେଙ୍କାନାଳ ଜୋନ୍ ଫ୍ୟାକ୍ଟ୍ରି ଆଣ୍ଡ୍ ବଏଲର୍ସ ବିଭାଗର ସହକାରୀ ନିର୍ଦ୍ଦେଶିକା ଇଂ. ପୁଷ୍ପମିତ୍ରା ଜେନା ସତର୍କତାମୂଳକ ପ୍ରଦର୍ଶନୀକୁ ପ୍ରଶଂସା କରିବା ସହ ଏଥିରେ ଅଧିକ ଉନ୍ନତି ଆଣିବା ଲାଗି ପରାମର୍ଶ ଦେଇଛନ୍ତି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଗୋଳ ଜୋନ୍ର ଆଞ୍ଚଳିକ ଅଧିକାରୀ ଡ. ଅନୁପ ମଲ୍ଲିକ ସମ୍ଭାବ୍ୟ ଆପାତକାଳୀନ ସମୟରେ ପ୍ରଭାବୀ ପଦକ୍ଷେପ ନେବାକୁ ଆହ୍ବାନ ଦେଇଛନ୍ତି। ଢେଙ୍କାନାଳ ସହକାରୀ ଅଗ୍ନିଶମ ଅଧିକାରୀ ସୁମନ୍ତ କୁମାର ଖମାରୀ, ନବ ଲିମିଟେଡ୍ ଏବଂ ଜିଏମ୍ଆର ଲିମିଟେଡ୍ର ପ୍ରତିନିଧିମାନେ ଏହି ମକ୍ଡ୍ରିଲ୍ରେ ଅଂଶଗ୍ରହଣ କରିଥିଲେ। କୋକ୍ ଓଭନର ଗ୍ୟାସ୍ ହୋଲ୍ଡର ଇନ୍ଲେଟ୍ ହେଡର ଫ୍ଲେଞ୍ଜ୍ରୁ ଗ୍ୟାସ୍ ନିର୍ଗମନଜନିତ ସାମ୍ଭାବ୍ୟ ବିପଦର ମୁକାବିଲା କରିବା ଲାଗି ଏହି ମକ୍ଡ୍ରିଲ୍ର ଆୟୋଜନ କରାଯାଇଥିଲା। ଗଠନ କରାଯାଇଥିବା ବିଭିନ୍ନ ଟିମ୍ ବିଭିନ୍ନ କୌଶଳ ପ୍ରଦର୍ଶନ କରିଥିଲେ। ଟାଟାଷ୍ଟିଲ୍ ମେରାମଣ୍ଡଳୀ କୋକ୍ ପ୍ଲାଣ୍ଟ ମୁଖ୍ୟ ବୀରେନ୍ଦ୍ର ସିଂ, କୋକ୍ ଓଭାନ ବିଭାଗ ପୁଷ୍ପେନ୍ଦ୍ର କୁମାର, କୋକ୍ ଓଭାନ-୨ ଏମ୍ଏଚ୍ଏସ୍ ଏବଂ ସିଡ୍କ୍ୟୁ ବିଭାଗ ମୁଖ୍ୟ ଅଜିତ୍ କୁମାର ସିଂ, ଆଇଏମ୍ ଇଲେକ୍ଟ୍ରିକାଲ ମେଣ୍ଟାନାନ୍ସ ବିଭାଗ ମୁଖ୍ୟ ଦୀପଙ୍କର ସେନ୍ଗୁପ୍ତା, ଆଇଏମ୍ ମେକାନିକାଲ ମେଣ୍ଟାନାନ୍ସ ବିଭାଗ ବରିଷ୍ଠ ପ୍ରବନ୍ଧକ ମଞ୍ଜୁନାଥ ଏମ୍. ଗୌଡ୍ର, କୋକ୍ ଓଭନ୍-୧ ଉପଉପତ୍ାଦ କାରଖାନା ବରିଷ୍ଠ ପ୍ରବନ୍ଧକ ବନ୍ଦେଶ କୁମାର ମହାନ୍ତି, ଏସ୍ଇପିର ପ୍ରମୁଖ ଅଧିକାରୀମାନେ ଉପସ୍ଥିତ ଥିଲେ। ନିରାପତ୍ତା ବିଭାଗ ମୁଖ୍ୟ ଅଗମ କୁମାର, ପ୍ରକ୍ରିୟାଗତ ନିରାପତ୍ତା ବିଭାଗ ମୁଖ୍ୟ କୁମାର ବରୁଣ କାର୍ଯ୍ୟକ୍ରମ ପରିଚାଳନା କରିଥିଲେ।
