କୁନ୍ଦୁରା,(ସନ୍ତୋଷ ପ୍ରହରାଜ)୧୧/୧: କୋରାପୁଟ ଜିଲା କୁନ୍ଦୁରା ବ୍ଲକ ଭୁଷାଙ୍ଗଗୁଡା କୋଲାବ ସେତୁ ନିକଟରେ କୁନ୍ଦୁରା ମଣ୍ଡଳ ସଭାପତି ପଦ୍ମନାଭ ବିଷୋୟୀଙ୍କ ନେତୃତ୍ୱରେ ଆଠ ପଞ୍ଚାୟତର କର୍ମୀଙ୍କୁ ନେଇ ବୈଠକ ଅନୁଷ୍ଠିତ ଅନୁଷ୍ଠିତ ହୋଇଥିଲା । ଏହି ବୈଠକରେ କୋଟପାଡ଼ ବିଧାୟକ ରୂପୁ ଭତ୍ରା ମଧ୍ୟ ଉପସ୍ଥିତ ରହିଥିଲେ । ଏମପି ପ୍ରତିନିଧି ଅମ୍ବୁ ପାତ୍ର, ବିଧାୟକ ପ୍ରତିନିଧି ବଦ୍ରିନାରାୟଣ ଆଚାର୍ଯ୍ୟ, ନିର୍ବାଚନ ମଣ୍ଡଳୀ ସଂଯୋଜକ ବିନାୟକ ଆଚାର୍ଯ୍ୟ, ପୂର୍ବତନ ଜିଲ୍ଲା ସମ୍ପାଦକ ଉପେନ୍ଦ୍ର ଭଟ୍ଟ, ବରିଷ୍ଠ ନେତା ବିଜୟ ପଣ୍ଡା,ଟେମରାଜ ମାଝୀ, ହର ପ୍ରସାଦ ପାତ୍ର, ମୁନା ମହାନ୍ତି, ଚନ୍ଦ୍ରଧ୍ଵଜ ମାଙ୍ଗଲୀ ଏବଂ ତୁଷାର ଭଟ୍ଟ ପ୍ରମୁଖ ଉପସ୍ଥିତ ଥିଲେ।
ଦୀର୍ଘ ଦିନର ବ୍ୟବଧାନ ପରେ ଆଗାମୀ ପଞ୍ଚାୟତ ସ୍ତରୀୟ ନିର୍ବାଚନରେ ଜନ ସମର୍ଥନ ଏବଂ ଦଳକୁ ଅଧିକ ମଜଭୂତ କରିବା ନେଇ କର୍ମୀଙ୍କୁ ଗୁରୁମନ୍ତ୍ର ଦେଇଛନ୍ତି ବିଧାୟକ। ବୁଥ ସ୍ତରୀୟ କମିଟି, ଲାଭାର୍ଥୀ କାର୍ଯ୍ୟ, ମନ କି ବାତ କାର୍ଯ୍ୟକ୍ରମ, ମଣ୍ଡଳ ସ୍ତରୀୟ ସଂଯୋଜନା, ପ୍ରଧାନମନ୍ତ୍ରୀ ଆବାସ ହିତାଧିକାରୀ କିଭଳି ଭାବେ କର୍ମୀଙ୍କ ଦ୍ୱାରା କାରାଯାଇ ପାରିବ ତାକୁ ନେଇ ମଧ୍ୟ ସବିଶେଷ ଆଲୋଚନା କରିଥିଲେ ବିଧାୟକ । ସେହିଭଳି ଅଞ୍ଚଳରେ ରହିଥିବା ବିକାଶ ମୂଳକ ଯୋଜନା ନିମନ୍ତେ କିଭଳି ଲୋକଙ୍କ ନିକଟତର ହୋଇପାରିବ ସେନେଇ ମଧ୍ୟ ଆଲୋଚନା କରିଥିଲେ ।
ଏହି କାର୍ଯ୍ୟକ୍ରମରେ ଆସନ୍ତା ପଞ୍ଚାୟତ ନିର୍ବାଚନ ପାଇଁ କିଭଳି ରଣନୀତି କାରାଯାଇ ନିଜ ବ୍ଲକରେ ଦଳ ପକ୍ଷରୁ ପଞ୍ଚାୟତ ସମିତି ଅଧ୍ୟକ୍ଷା କରାଯାଇପାରିବ ସେ ବିଷୟରେ କର୍ମୀଙ୍କ ମତାମତ ମାଗିଥିଲେ ବିଧାୟକ । ନିଜ ନିଜ ଅଞ୍ଚଳରେ ରହିଥିବା ଉନ୍ନତିମୂଳକ ସମସ୍ୟା ଗୁଡିକୁ ବ୍ଲକ ସ୍ତର କିମ୍ବା ଜିଲ୍ଲା ସ୍ତରକୁ ନେଇ ସେଗୁଡିକର ସମାଧାନ କରିବା ସହ ବିକଶିତ ଗ୍ରାମ ବିକଶିତ ଓଡିଶା ନିର୍ମାଣ କରିବାକୁ ସମସ୍ତେ ଶପଥ ନେବା ଉଚିତ ବୋଲି ସଂଯୋଜକ ବିନାୟକ ଆଚାର୍ଯ୍ୟ କହିଛନ୍ତି । ଅନ୍ୟମାନଙ୍କ ମଧ୍ୟରେ ପର୍ଶୁ ଘିଉରିଆ, ଲଛମନ ଭତ୍ରା, ତ୍ରିନାଥ ନାୟକ, ଦୟା ବାରିକ, ସୁନ୍ଦର ମାଳି ପ୍ରମୁଖ ଉପସ୍ଥିତ ଥିଲେ ।
