କେନ୍ଦୁଝର,୧ା୫(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ସଦର ବିଧାୟକ ତଥା ସଦର ବିଧାୟକ ପ୍ରାର୍ଥୀ ମୋହନ ଚରଣ ମାଝିଙ୍କୁ ସଦର ଥାନା ଆଇଆଇସିଙ୍କ ଦୁର୍ବ୍ୟବହାର ପ୍ରତିବାଦରେ ଥାନା ସମ୍ମୁଖରେ ଧାରଣାରେ ବସିଛନ୍ତି ନିଜେ ମୋହନ। ଲୋକଙ୍କ ସମାସ୍ୟା ନେଇ ସଦର ଥାନାକୁ ବୁଝିବାକୁ ଯାଇଥିବା ସମୟରେ କେନ୍ଦୁଝର ସଦର ଥାନା ଅଧିକାରୀ ତାଙ୍କୁ ଦୁର୍ବ୍ୟବହାର କରିବା ସହ ଥାନାରୁ ଗେଟ୍ ଆଉଟ୍ କହିବା ସହ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଧମକ ଦେଇଥିବା ଅଭିଯୋଗ କରିଛନ୍ତି ସେ।
ଦୁର୍ବ୍ୟବହାର ସଂପର୍କରେ ଏସପିଙ୍କୁ ମଧ୍ୟ ଅବଗତ କରାଇଥିବା କହିଛନ୍ତି ମୋହନ। କେନ୍ଦୁଝର ସଦର ବ୍ଲକ ଗୋପୀନାଥପୁର ଓ ରାଇସୁଆ ଗ୍ରାମ ପଞ୍ଚାୟତର ବିଭିନ୍ନ ଅଞ୍ଚଳରେ ଜଳ ସମାସ୍ୟା ପ୍ରତିବାଦ ରେ ଦୁଇ ସରପଞ୍ଚଙ୍କ ନେତୃତ୍ୱରେ ଅଞ୍ଚଳବାସୀ ବୁଧବାର ଦିନ ସଦର ଥାନା ନିକଟସ୍ଥ ୨୦ ନମ୍ବର ଜାତୀୟ ରାଜପଥ ଉପରେ ଗରା ବାଲଟି ରଖି ରାସ୍ତା ଅବରୋଧ କରିଥିଲେ ଓ ସମାସ୍ୟାର ସମାଧାନ ପାଇଁ ମୋହନ ମାଝି ସେଠାକୁ ଯାଇଥିଲେ ।
ମୋହନ ସେଠାରେ ପହଞ୍ଚି ଲୋକଙ୍କ ସହ ଆଲୋଚନା କରି ରାସ୍ତା ଅବରୋଧ ହଟାଇବା ସହ ସମାସ୍ୟାର ସମାଧାନ କରିବାକୁ ଚେଷ୍ଟା କରିଥିବା ସମୟରେ ସଦର ଥାନା ଅଧିକାରୀ ତ୍ରୀନାଥ ସେଠୀ ସଦଳବେଳେ ଘଟଣା ସ୍ଥଳରେ ପହଞ୍ଚିବା ସହ ଥାନାରେ ବସି ସମାସ୍ୟା ର ସମାଧାନ ପାଇଁ ଆଲୋଚନା କରିବାକୁ ଡାକିନେଇଥିଲେ । ଏହା ପରେ ଆନ୍ଦୋକାରୀ ମାନଙ୍କ ସହ ସଦର ବିଧାୟକ ମୋହନ ମାଝୀ ମଧ୍ୟ ଥାନାକୁ ଯାଇଥିଲେ ।
ତେବେ ସେଠାରେ ସଦର ଥାନା ଅଧିକାରୀ ବିଧାୟକଙ୍କୁ ଦେଖି ଉତକ୍ଷିପ୍ତ ହୋଇଉଠିଥିଲେ ଓ ଦୁର୍ବ୍ୟବହାର କରିଥିବା ବିଧାୟକ ମାଝୀ ଅଭିଯୋଗ କରିଛନ୍ତି। ଏହାର ପ୍ରତିବାଦ କରି ସଦର ବିଧାୟକ ଏବଂ ଆନ୍ଦୋଳନକାରୀ ମାନେ ସଦର ଥାନା ସମ୍ମୁଖରେ ଧାରଣାରେ ବସିବା ସହ ଥାନା ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ଦାବୀ କରିଥିଲେ। ଅତିରିକ୍ତ ଆରକ୍ଷୀ ଅଧିକ୍ଷକ ଦିଲ୍ଲୀପ କୁମାର ନାୟକ ଥାନାରେ ପହଞ୍ଚି ଧାରଣାରେ ବସିଥିବା ବିଧାୟକ ଓ ତାଙ୍କ ସମର୍ଥକକୁ ଅନୁରୋଧ କରି ଥାନା ଭିତରକୁ ତାକି ନେଇ ଅନେକ ଆଲୋଚନା ପରେ ଧାରଣା ରୁ ଓହରିଥିଲେ ମୋହନ ମାଝୀ।
