Advertisement
Posted inଖେଳ

ଚୟନରେ ତ୍ରୁଟି, ରକ୍ଷଣଶୀଳ ସ୍ବଭାବରୁ ବିପର୍ଯ୍ୟୟ

ମେଲବୋର୍ନ, ୧୨ା୧୧(ପି.ଟି.): ଚଳିତ ଟି୨୦ କ୍ରିକେଟ ବିଶ୍ୱକପର ସେମିଫାଇନାଲରୁ ଭାରତ ବିଦାୟ ନେଇଛି। ମାତ୍ର ଇଂଲଣ୍ଡଠାରୁ ଯେପରି ୧୦ ଉଇକେଟରେ ଲଜ୍ଜାଜନକ ପରାଜୟ ମିଳିଲା ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଖେଳାଳି ଚୟନରେ ଜିଦ୍‌ଖୋର ମନୋବୃତ୍ତି, ପାଓ୍ବାରପ୍ଲେରେ ଟପ୍‌ ଅର୍ଡରଙ୍କ ପୁରୁଣାକାଳିଆ ରକ୍ଷଣଶୀଳ ସ୍ବଭାବ, ଉଇକେଟ କିପରଙ୍କ ବିଫଳତା, କୋଚ୍‌ ରାହୁଲ ଡ୍ରାଭିଡଙ୍କ ରିସ୍କ ନ ନେବାର ରଣନୀତି ଅଷ୍ଟ୍ରେଲିଆରେ ଭାରତ ପାଇଁ ମହଙ୍ଗା ପଡ଼ିଲା। ଏହାକୁ ବିଚାରକୁ ନେଇ ଆଗାମୀ ଦିନିକିଆ କ୍ରିକେଟ ବିଶ୍ୱକପ ପୂର୍ବରୁ ଟିମ୍‌ ମ୍ୟାନେଜମେଣ୍ଟକୁ କଠୋର ନିଷ୍ପତ୍ତି ନେବାକୁ ପଡ଼ିବ। ବିଶ୍ୱକପ୍‌ ପରି ଏକ ବଡ଼ ପ୍ରତିଯୋଗିତାର ସେମିଫାଇନାଲରେ ପହଞ୍ଚତ୍ବା ଭଲ ଫିନିଶ୍‌ ବୋଲି ହୁଏତ ଅଧିନାୟକ ରୋହିତ ଶର୍ମା ଓ କୋଚ୍‌ ରାହୁଲ ଡ୍ରାଭିଡ ଭାବୁଥାଇ ପାରନ୍ତି, ମାତ୍ର ଭାରତୀୟ କ୍ରିକେଟ ପ୍ରଶଂସକ ଏହାକୁ ସହଜରେ ହଜମ କରିପାରିନାହାନ୍ତି।
ବିଶ୍ୱସ୍ତରୀୟ ପ୍ରତିଯୋଗିତାର ନକ୍‌ଆଉଟ ପର୍ଯ୍ୟାୟରେ ୯ ବର୍ଷରେ ଭାରତର ୬ ପରାଜୟର ଅନେକ କାରଣ ରହିଛି। ଏଥର ଦ୍ରୁତ ବୋଲର ଯଶପ୍ରୀତ୍‌ ବୁମ୍‌ରା ଓ ଅଲ୍‌ରାଉଣ୍ଡର ରବୀନ୍ଦ୍ର ଜାଡେଜାଙ୍କ ଅନୁପସ୍ଥିତି ଅନୁଭୂତ ହୋଇଥିଲା। ବୁମ୍‌ରାଙ୍କ ଉପସ୍ଥିତି ଡେଥ୍‌ ଓଭରରେ ଭାରତୀୟ ବୋଲିଂରେ ପ୍ରଭେଦ ଆଣିଥାନ୍ତା। ଜାଡେଜା ପରିସ୍ଥିତି ଅନୁସାରେ ଉଭୟ ବ୍ୟାଟ୍‌ ଓ ବଲ୍‌ରେ କରିସ୍ମା ଦେଖାଇଥାନ୍ତି। ଏହା ବ୍ୟତୀତ ସେ ବାମହାତୀ ହୋଇଥିବାରୁ ଟିମ୍‌ ଲାଇନ୍‌ଅପ୍‌ରେ ସନ୍ତୁଳନ ମଧ୍ୟ ରକ୍ଷା ହୋଇଥାଏ। ମାତ୍ର ସେମାନେ ଆହତ ଥିବାରୁ ଏହା ନିୟନ୍ତ୍ରଣ ବାହାରେ ଥିଲା। ଭାରତର ବିପର୍ଯ୍ୟୟ ପଛରେ ଯେଉଁ କେତେକ ମୁଖ୍ୟ କାରଣ ଥିଲା ତାହା ଆଲୋଚନା କରାଯାଇପାରେ..
ପାଓ୍ବାରପ୍ଲେରେ ଟପ୍‌-୩ଙ୍କ ରକ୍ଷଣଶୀଳ ମନୋଭାବ
ଭାରତୀୟ ବ୍ୟାଟିଂ ଅର୍ଡରରେ ଟପ୍‌-୩ରେ ଲୋକେଶ ରାହୁଲ, ଅଧିନାୟକ ରୋହିତ ଶର୍ମା ଓ ବିରାଟ କୋହଲି ଖେଳିଥିଲେ। ତେବେ କୋହଲିଙ୍କ ଅପେକ୍ଷା ରାହୁଲ ଓ ରୋହିତଙ୍କ ପ୍ରଦର୍ଶନକୁ ନେଇ ଚର୍ଚ୍ଚା ଜୋର ଧରିଛି। ପାଓ୍ବାରପ୍ଲେରେ ଏମାନେ ଖେଳ ମୋଡ଼ ବଦଳାଇବାରେ ସକ୍ଷମ ହୋଇ ନ ଥିଲେ ବୋଲି ନିଶ୍ଚିତ ସ୍ବୀକାର କରିବେ। ପାଓ୍ବାରପ୍ଲେ ସମୟରେ ଭାରତୀୟ ଦଳର ପୁରୁଣାକାଳିଆ ଖେଳ ଦେଖି ପୂର୍ବତନ ଇଂଲଣ୍ଡ ଅଧିନାୟକ ନାସିର ହୁସେନ ବିସ୍ମୟ ପ୍ରକାଶ କରିଥିଲେ। ଏହି ସମୟରେ ଭାରତ ନିର୍ଭୀକ ଖେଳ ଦେଖାଇବାରେ ଅସମର୍ଥ ରହିଲା ବୋଲି ଡ୍ରାଭିଡ ମଧ୍ୟ ସ୍ବୀକାର କରିଛନ୍ତି। ଟପ୍‌ ଅର୍ଡରରେ ୩ ଜଣଙ୍କ ମଧ୍ୟରୁ ଜଣେ ଆଙ୍କରର ଭୂମିକା ନେଇଥାଏ ଏବଂ ଅନ୍ୟ ୨ ଜଣ ଆକ୍ରମଣାତ୍ମକ ଖେଳିବା କଥା। ମାତ୍ର ରାହୁଲ (୧୨୦.୭୫ ଷ୍ଟ୍ରାଇକରେଟ୍‌), ରୋହିତ (୧୦୬.୪୨) ଏବଂ କି କୋହଲି (୧୩୬.୪୦) ରକ୍ଷଣଶୀଳ ମନୋବୃତ୍ତି ଆପଣେଇଥିଲେ। ପେସ୍‌ ପିଚ୍‌ରେ ଦକ୍ଷିଣ ଆଫ୍ରିକା ବିପକ୍ଷ ପାଓ୍ବାରପ୍ଲେରେ ୩୩/୨ ଓ ପାକିସ୍ତାନ ବିପକ୍ଷରେ ୩୧/୩ ଗ୍ରହଣଯୋଗ୍ୟ ହୋଇଥିଲେ ମଧ୍ୟ ଆଡିଲେଡ୍‌ରେ ୩୮/୧ ଆଦୌ କ୍ଷମଣୀୟ ନ ଥିଲା। ଟୁର୍ନାମେଣ୍ଟରେ ମୋଟ ୧୬ଟି ଦଳ ଖେଳିଥିଲେ। ସେମାନଙ୍କ ମଧ୍ୟରୁ ପାଓ୍ବାରପ୍ଲେରେ ଧିମା ଖେଳିବାରେ ଭାରତ ସ୍ଥାନ ୧୫ ନମ୍ବରରେ ରହିଥିଲା। ଏହାର ରନ ହାର ୬.୦୨ ରହିଥିଲା। କେବଳ ୟୁଏଇ (୪.୭୧ ରନହାର) ଭାରତ ତଳକୁ ରହିଥିଲା। ବିଶ୍ୱକପ୍‌ ପୂର୍ବ ପ୍ରି-ଗେମ୍‌ରେ ରୋହିତଙ୍କ ସହ ରିଷଭ ପନ୍ତ ଓ ଦୀପକ ହୁଦାଙ୍କୁ ଓପନରଭାବେ ପରୀକ୍ଷା କରାଯାଇଥିଲା। ସେମାନେ ନିଭୀକ ଖେଳ ମଧ୍ୟ ଦେଖାଇଥିଲେ। ମାତ୍ର ରାହୁଲ ଫିଟ୍‌ହୋଇ ଯିବା ପରେ ସବୁକିଛି ବଦଳି ଯାଇଥିଲା। ରାହୁଲଙ୍କ ଟି୨୦ ରେକର୍ଡ ଭଲ, ମାତ୍ର ଯଦି ଇଣ୍ଡିଆନ ପ୍ରିମିୟର ଲିଗ୍‌ ମଧ୍ୟ ଦେଖାଯାଏ ତେବେ ସେ ସେଟ୍‌ ହେବାପାଇଁ ସମୟ ନେଉଥିବା ସ୍ପଷ୍ଟ ପରିଲକ୍ଷିତ। ସେ ପାଓ୍ବାରପ୍ଲେରେ ୨ଟି ମେଡେନ ଓଭର ଦେଇଥିଲେ, ଯାହାକି ଏହି ଫର୍ମାଟରେ ଆଦୌ ଗ୍ରହଣୀୟ ନୁହେଁ।
ରିଷଭ ବନାମ କାର୍ତ୍ତିକ
ସୀମିତ ଓଭର କ୍ରିକେଟରେ ଇନିଂସ ଓପନ କଲେ ରିଷଭ ପନ୍ତ ଶ୍ରେଷ୍ଠ ପ୍ରଦର୍ଶନ ଦେଇଥାନ୍ତି। ସେ ବଡ଼ ସ୍କୋର କରି ନ ପାରିଲେ ମଧ୍ୟ ନିଜର ଆକ୍ରମଣାତ୍ମକ ସ୍ବଭାବ ଦେଖାଇଥାନ୍ତି। ମାତ୍ର ତାଙ୍କ ସ୍ଥାନରେ ମିଡିଲ ଅର୍ଡରରେ ଦୀନେଶ କାର୍ତ୍ତିକଙ୍କୁ ସୁଯୋଗ ଦିଆଗଲା। ଆଇପିଏଲ୍‌ରେ ଉପମହାଦେଶୀୟ ପିଚ୍‌ରେ କାର୍ତ୍ତିକ ହୁଏତ ୧୦ ବଲ୍‌ରୁ ୨୫ କିମ୍ବା ୩୦ ରନକରି ଫିନିଶରର ଭୂମିକା ତୁଲାଇଥିଲେ। ତେବେ ଅଷ୍ଟ୍ରେଲିଆ ପିଚ୍‌, ଯେଉଁଠି ବୋଲରଙ୍କୁ ଅତିରିକ୍ତ ବାଉନ୍ସ ମିଳୁଥିଲା ସେଠାରେ ସେ ବିଫଳ ହେଲେ। ହଠାତ ସେମିଫାଇନାଲ ପୂର୍ବରୁ ପନ୍ତଙ୍କୁ ପରୀକ୍ଷା କରାଗଲା। ମାନସିକ ସ୍ତରରେ ପ୍ରସ୍ତୁତିର ଅଭାବ ହେଉ କି ଅନ୍ୟକିଛି ସେ ମଧ୍ୟ ଫେଲ୍‌ ମାରିଲେ। ତାଙ୍କୁ ଟପ୍‌ ଅର୍ଡରରେ ପଠା ଯାଇଥିଲେ ହୁଏତ ସ୍ଥିତି ଭିନ୍ନ ହୋଇଥାନ୍ତା।
ଚହଲଙ୍କୁ ବ୍ୟବହାର କରାଗଲାନି
ୟୁଜବେନ୍ଦ୍ର ଚହଲ ହେଉଛନ୍ତି ଟି୨୦ରେ ଭାରତର ସର୍ବାଧିକ ଉଇକେଟ ହାସଲକାରୀ। ମାତ୍ର ବିଶ୍ୱକପ୍‌ରେ ତାଙ୍କୁ ଗୋଟିଏ ହେଲେ ମ୍ୟାଚ ଖେଳା ନ ଯିବା ହାସ୍ୟାସ୍ପଦ ହୋଇଛି। ସେ ଲେଗ୍‌ ବ୍ରେକ୍‌ ମାଧ୍ୟମରେ ଟର୍ନ କରିବା ସହିତ ଭଲ ଗୁଗ୍‌ଲି ମଧ୍ୟ ବୋଲିଂ କରିପାରନ୍ତି। ଇଂଲଣ୍ଡ ବ୍ୟାଟିଂ ଲାଇନ୍‌ଅପ୍‌ ବିପକ୍ଷରେ ସେ ସମ୍ଭବତଃ ଉପାଦେୟ ହୋଇଥାନ୍ତେ। ମାତ୍ର ତାଙ୍କ ସ୍ଥାନରେ ଅକ୍ଷର ପଟେଲଙ୍କୁ ନିଆଗଲା, ଯିଏକି ନିରାଶ କଲେ।
ଡ୍ରାଭିଡଙ୍କ ନିଷ୍ପତ୍ତି
ରାହୁଲ ଡ୍ରାଭିଡ ଗତ ୧ ବର୍ଷ ଧରି ମୁଖ୍ୟ କୋଚ୍‌ଭାବେ କାର୍ଯ୍ୟ କରି ଆସୁଛନ୍ତି। ବିଭିନ୍ନ ପ୍ରସଙ୍ଗରେ ନିଷ୍ପତ୍ତି ନେବାର ଅଧିକାର ତାଙ୍କର ଅଛି। ମାତ୍ର ସମୟ ଅନୁସାରେ ସେ ଦଳ ଚୟନରେ କଠୋର ହୋଇପାରି ନ ଥିଲେ। ଶୁବମନ ଗିଲ, ପୃଥ୍ବୀ ଶ’, ରାହୁଲ ତ୍ରିପାଠୀ, ରଜତ ପଟିଦାର ଭଲ ପ୍ରଦର୍ଶନ କରୁଥିବାରୁ ଆଗାମୀ ଟି୨୦ ବିଶ୍ୱକପ ପୂର୍ବରୁ ତାଙ୍କୁ ଏଥିପ୍ରତି ଧ୍ୟାନ ଦେବାକୁ ପଡ଼ିବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆହତ ସମସ୍ୟାରୁ ମୁକ୍ତ ହେଲେ ଷ୍ଟୋଇନିସ

ନଟିଂହାମ,୧୯।୬(ପିଟି)- ଅଲରାଉଣ୍ଡର ମାର୍କସ ଷ୍ଟୋଇନିସ ଏବେ ସମ୍ପୂର୍ଣ୍ଣ ଫିଟ୍‌। ଫଳରେ ଅଷ୍ଟ୍ରେଲିଆ ଦଳକୁ ବଡ଼ ଆଶ୍ୱସ୍ତି ମିଳିଛି। ସେ ଦଳ ପାଇଁ ବଳକା ଥିବା ମ୍ୟାଚ୍‌ଗୁଡ଼ିକରେ...

ଆଇପିଏଲ୍‌ରେ କରୋନା: ସିଏସ୍‌କେର ୧୩ ପଜିଟିଭ୍‌, ରାଇନାଙ୍କ ଘରବାହୁଡ଼ା

ନୂଆଦିଲ୍ଲୀ/ଦୁବାଇ, ୩୦ା୮ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ପୂର୍ବରୁ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ଫ୍ରାଞ୍ଚାଇଜ୍‌ରେ ବିଭ୍ରାଟ ଦେଖା ଦେଇଛି। ଦୁଇଜଣ କ୍ରିକେଟରଙ୍କ ସମେତ...

ରୋହିତଙ୍କ ଛଡ଼ା ସବୁ ଫେଲ୍‌

କୋଲକାତା,୨୧।୧୧: ଐତିହାସିକ ଇଡେନ ଗାର୍ଡେନ୍ସରେ ଚାଲିଥିବା ନ୍ୟୁଜିଲାଣ୍ଡ ବିପକ୍ଷ ତୃତୀୟ ତଥା ଅନ୍ତିମ ଟି୨୦ ମ୍ୟାଚ୍‌ରେ ରୋହିତ ଶର୍ମାଙ୍କୁ ଛାଡ଼ି ଦେଲେ ଫେଲ୍‌ ମାରିଛନ୍ତି ପ୍ରତ୍ୟେକ...

ଲଙ୍କା ପ୍ରିମିୟର ଲିଗ୍‌ରେ ଭାଗ ନେବେ ନାହିଁ ଏହି ଦେଶର ଖେଳାଳି

କଲମ୍ବୋ, ୨୯।୯: ନଭେମ୍ବରରେ ଖେଳାଯିବାକୁ ଥିବା ଲଙ୍କା ପ୍ରିମିୟର ଲିଗ୍‌ (ଏଲ୍‌ପିଏଲ୍‌)କୁ ବଡ଼ ଝଟ୍‌କା ଲାଗିଛି। ବାଂଲାଦେଶ କ୍ରିକେଟ୍‌ ବୋର୍ଡ (ବିସିବି) ଏହାର ଖେଳାଳିଙ୍କୁ ଲଙ୍କା...

ଓ୍ବିଲିୟମସନଙ୍କ ବିଶ୍ୱକପ୍‌ ରେକର୍ଡ

ଲଡର୍‌ସ,୧୪।୭(ପିଟି)- ନ୍ୟୁଜିଲାଣ୍ଡ ଅଧିନାୟକ କେନ ଓ୍ବିଲିୟମସନ ରବିବାର ସ୍ବତନ୍ତ୍ର ବିଶ୍ୱକପ୍‌ ରେକର୍ଡର ଅଧିକାରୀ ହୋଇଛନ୍ତି। ଏଠାରେ ଖେଳାଯାଇଥିବା ଇଂଲଣ୍ଡ ବିପକ୍ଷ ଫାଇନାଲ ମ୍ୟାଚ୍‌ରେ ୩୦ ରନ୍‌ର...

ଭାରତ ପକ୍ଷରୁ ଖେଳିବା ପାଇଁ ଅନ୍ୟ ଦେଶର ଅଧିନାୟକ ପଦ ଛାଡିଲେ, ଏବେ ରଣଜୀ ଟ୍ରଫିରେ ଦେଖାଇବେ ଜଲଓ୍ବା

ନୂଆଦିଲ୍ଲୀ,୩୧।୧୦:୨୦୧୮ ଦୁବାଇରେ ଖେଳାଯାଇଥିବା ଏସିଆ କପରେ ଭାରତୀୟ ଦଳ ପାଇଁ ମୁଣ୍ଡବିନ୍ଧାର କାରଣ ସାଜିଥିବା ଖେଳାଳି ଅଶୁଂମାନ ରଥ ଏବେ ଭାରତ ପାଇଁ ରଣଜୀ ଖେଳିବାକୁ...

ଦୋକାନ ଖୋଲିଲେ ଧୋନୀ, ଜମିଲା ଭିଡ

ରାଞ୍ଚି,୨୧।୩: ଭାରତର ପୂର୍ବତନ ଦଳର କ୍ରିକେଟର ମହେନ୍ଦ୍ର ସିଂ ଧୋନୀ ଅବସର ନେବା ପରେ ମଧ୍ୟ ତାଙ୍କ କ୍ରେଜ୍‌ ଆଜି ବି ରହିଛି। ନିଜ ସହର...

‘ତୁମେ ମ୍ୟାଚ୍‌ ଶେଷ କରିପାରିବ’

ଦୁବାଇ,୯।୧୦: ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍‌ରେ ଅନ୍ତିମ ବଲରେ ଛକା ମାରି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି)କୁ ମ୍ୟାଚ୍‌ ଜିତାଇଥିଲେ ଶ୍ରୀକର ଭରତ। ଦଳକୁ ଅନ୍ତିମ...

Advertisement
Archives

Model This Week