ଲାଠୋର,୨୨ା୫(ଭୁବନେଶ୍ୱର ବାରିକ):ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର ପଞ୍ଚାୟତ ସଦର ଗ୍ରାମରେ ଏକ ମିନି ଷ୍ଟାଡିୟମ ନିର୍ମାଣ ହୋଇ ନିକଟରେ ଉଦ୍ଘାଟିତ ହୋଇଛି l ତେବେ ଏହି ଅଞ୍ଚଳରେ ଗତ ୧୩ ତାରିଖରେ ହୋଇଥିବା କାଳବୈଶାଖୀ ବର୍ଷାରେ ଷ୍ଟାଡିୟମର କେତେକ ଜାଗାରୁ ମାଟି ଧୋଇ ହୋଇଯାଇଛି l ଫଳରେ ଷ୍ଟାଡିୟମର ସ୍ଥାୟିତ୍ୱକୁ ନେଇ ସ୍ଥାନୀୟ ଜୟ ମା’ ବସ୍ତ୍ରେନ କ୍ରିକେଟ କ୍ଲବ ଓ କ୍ରୀଡାପ୍ରେମୀ ପ୍ରଶ୍ନ ଉଠାଇଛନ୍ତି l ପ୍ରକାଶ ଯେ, ଲାଠୋର ଦୁର୍ଗେଶ୍ୱରୀ ନୋଡାଲ ଉଚ୍ଚ ବିଦ୍ୟାଳୟ ନିକଟରେ ଏକ ଖେଳପଡ଼ିଆ ଥିଲା l ଉକ୍ତ ଖେଳ ପଡ଼ିଆରେ ଗ୍ରାମର ବିଭିନ୍ନ ବିଦ୍ୟାଳୟର ବାର୍ଷିକ କ୍ରୀଡ଼ା ଆୟୋଜନ ସହ ଫୁଟବଲ ଏବଂ କ୍ରିକେଟ ଟୁର୍ନାମେଣ୍ଟ ଅନୁଷ୍ଠିତ ହେଉଥିଲା l ଏପରି କି ଆନ୍ତଃରାଜ୍ୟ ଏବଂ ଡେ-ନାଇଟ କ୍ରିକେଟ ଟୁର୍ନାମେଣ୍ଟର ଆୟୋଜନ ମଧ୍ୟ ହେଉଥିଲା l ଖେଳପଡ଼ିଆର ଅବସ୍ଥା ଶୋଚନୀୟ ଯୋଗୁ ନା ନା ସମସ୍ୟାର ସମ୍ମୁଖୀନ ହେବାକୁ ପଡୁଥିଲା l ତେବେ ଏହି ଖେଳପଡ଼ିଆରେ ଏକ ମିନି ଷ୍ଟାଡିୟମ ନିର୍ମାଣ ପାଇଁ ଦୀର୍ଘବର୍ଷ ଧରି କ୍ରିକେଟ କ୍ଲବ ଦାବି କରି ଆସୁଥିଲା l ଦାବି ଅନୁସାରେ ଏଠାରେ ମିନି ଷ୍ଟାଡିୟମ ନିର୍ମାଣ କରାଯାଇଥିଲା ା ହେଲେ ଏହାର କାମ ସମ୍ପୂର୍ଣ୍ଣ ହୋଇନାହିଁ ା ଦୁଇ ଗୋଟି ଗ୍ୟାଲେରି ନିର୍ମାଣ କରାଯାଇଛି ା ହେଲେ ଗୋଟିଏ ଗ୍ୟାଲେରି ପଛ ପଟେ ବାଲି ଜାଗାରେ ମାଟି ଭରା ଯାଇଥିବା ବେଳେ ଆଉ ଗୋଟିଏ ଗ୍ୟାଲେରିରେ ମାଟି କିମ୍ବା ବାଲି କିଛି ଭରା ଯାଇନାହିଁ ବୋଲି କ୍ରିକେଟ କ୍ଲବ କହିଛି l ଘଟଣାର ତଦନ୍ତ କରି ବାକି ଥିବା କାମ ଶୀଘ୍ର ସମ୍ପୂର୍ଣ୍ଣ କରିବାକୁ କ୍ରିକେଟ କ୍ଲବ ଦାବି କରିଛି l
Dharitri – Odisha’s No.1 Odia Daily
