ମୁମ୍ବାଇ,୨୧।୫ : ଆଇପିଏଲ ୨୦୨୩ର ୬୯ ତମ ମ୍ୟାଚରେ ପାଞ୍ଚ ଥର ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ(ଏମଆଇ) ରବିବାର ଅପରାହ୍ନ ସାଢ଼େ ୩ଟାରେ ମୁମ୍ବାଇର ଓ୍ବାଙ୍ଖେଡେ ଷ୍ଟାଡିୟମରେ ସନରାଇଜର୍ସ ହାଇଦ୍ରାବାଦ (ଏସଆରଏଚ) ମଧ୍ୟରେ ଲଢ଼େଇ ହେବ। ଏମଆଇ ଏସଆରଏଚ ବିପକ୍ଷରେ ଏକ ବଡ଼ ବିଜୟ ହାସଲ କରିବାକୁ ଚେଷ୍ଟା କରିବ ଏବଂ ପ୍ଲେ ଅଫ ହେବାର ଆଶା ଦୃଢ଼ କରିବାକୁ ଉଦ୍ୟମ କରିବ॥ ଯଦିଓ, ଏମଆଇ ହାରିଯାଏ ତେବେ ଆଇପିଏଲ ସିଜନରେ ଏହା ଦଳ ପାଇଁ ଶେଷ ମ୍ୟାଚ ହୋଇପାରେ।
ଉଭୟ ଦଳ ଏପର୍ଯ୍ୟନ୍ତ ୨୦ ଥର ମୁହାଁମୁହିଁ ହୋଇଛନ୍ତି। ଏଥିମଧ୍ୟରୁ ୧୧ ଟି ମ୍ୟାଚ ମୁମ୍ବାଇ ଏବଂ ନଅ ମ୍ୟାଚ ହାଇଦ୍ରାବାଦ ଜିତିଛି। ମୁମ୍ବାଇର ଓ୍ବାଙ୍ଖେଡେ ଠାରେ ଦୁଇ ଦଳ ୬ ଥର ଭେଟିଛନ୍ତି। ମୁମ୍ବାଇ ଚାରିଟିରେ ଏବଂ ହାଇଦ୍ରାବାଦ ଦୁଇଟିରେ ଜିତିଛି। ପ୍ଲେ ଅଫ ପାଇଁ ସନରାଇଜର୍ସ ଦଳ ପୂର୍ବରୁ ଦୌଡ଼ରୁ ଦୂରେଇ ଯାଇଛି। କିନ୍ତୁ ମୁମ୍ବାଇର ଏକ ସୁଯୋଗ ରହିଛି ଏବଂ ଏହାର ଫାଇଦା ନେବାକୁ ଦଳ ଆଗ୍ରହୀ ଅଛି। ଓ୍ବାଙ୍ଖେଡେ ଷ୍ଟାଡିୟମରେ ମୁମ୍ବାଇ ନିଜ ଘରୋଇ ଗ୍ରାଉଣ୍ଡରେ ଭଲ ପ୍ରଦର୍ଶନ କରିଛି। ସେ ଏପର୍ଯ୍ୟନ୍ତ ଏଠାରେ ଚାରୋଟି ମ୍ୟାଚ ଜିତିଥିବାବେଳେ ତାଙ୍କୁ ଦୁଇଟି ମ୍ୟାଚରେ ପରାଜୟର ସମ୍ମୁଖୀନ ହୋଇଛି। ରୋହିତ ଶର୍ମାଙ୍କ ନେତୃତ୍ୱାଧୀନ ଦଳ ଘରୋଇ ସ୍ଥିତିର ସମ୍ପୂର୍ଣ୍ଣ ଫାଇଦା ନେବାକୁ ଚେଷ୍ଟା କରିବ। ତାଙ୍କର ନେଟ ରନ ହାରରେ ଉନ୍ନତି ଆଣିବା ପାଇଁ ଏହା ମଧ୍ୟ ତାଙ୍କର ଶେଷ ସୁଯୋଗ ହେବ।
ମୁମ୍ବାଇ ଇଣ୍ଡିଆନ୍ସ ପ୍ଳେଇଙ୍ଗ ୧୧ରେ ଇଶାନ କିଶନ (ଓ୍ବିକେଟ କିପର), ରୋହିତ ଶର୍ମା (ଅଧିନାୟକ), କ୍ୟାମେରନ ଗ୍ରୀନ, ସୂର୍ଯ୍ୟକୁମାର ଯାଦବ, ନେହଲ ୱାଡେରା / ତିଲକ ବର୍ମା, ଟିମ ଡେଭିଡ, କ୍ରିସ ଜୋର୍ଡାନ, ବିଷ୍ଣୁ ବିନୋଦ, ପୀୟୁଷ ଚାୱଲା, ଜେସନ ବେହେରେଣ୍ଡୋର୍ଫ, କୁମାର କାର୍ତ୍ତିକେୟ ପ୍ରମୁଖ ଅଛନ୍ତି।
ସନରାଇଜର୍ସ ହାଇଦ୍ରାବାଦ ପ୍ଲେଇଙ୍ଗ ୧୧ରେ ଅଭିଷେକ ଶର୍ମା, ରାହୁଲ ତ୍ରିପାଠୀ, ଆଡେନ ମାର୍କ୍ରାମ (ଅଧିନାୟକ), ହେନ୍ରିଚ କ୍ଲାସେନ (ଓ୍ବିକେଟ କିପର), ହ୍ୟାରି ବ୍ରୁକ, ଗ୍ଲେନ ଫିଲିପ୍ସ, ଅବଦୁଲ ସମାଦ, କାର୍ତ୍ତିକ ତାଇଗୀ, ଉମରନ ମଲିକ, ମାୟାନକ ଦାଗର, ଭୁବନେଶ୍ୱର କୁମାର, ନୀତୀଶ ରେଡ୍ଡୀ ଅଛନ୍ତି।
