ଗଞ୍ଜାମ,୧।୭(ଡି.ଏନ୍.ଏ.): ଗଞ୍ଜାମ ବିଡିଓ ଜ୍ୟୋତି ଶଙ୍କର ରାୟଙ୍କୁ ଡିଆରଡିଏ ଏପିଡି ଭାବେ ପଦୋନ୍ନତି ମିଳିଛି। ଏହାକୁ ବିଭିନ୍ନ ପଞ୍ଚାୟତର ଜନ ପ୍ରତିନିଧି ସହଜରେ ଗ୍ରହଣ କରିପାରୁ ନାହାନ୍ତି। ରାୟଙ୍କୁ ପୁନଃ ବିଡିଓ ଭାବେ ବ୍ଲକରେ ଅବସ୍ଥାପିତ କରିବା ନେଇ ବୁଧବାର ଗଞ୍ଜାମ ଗସ୍ତରେ ଆସିଥିବା ଜଲାପାଳ ବିଜୟ ଅମୃତା କୁଲାଙ୍ଗେଙ୍କୁ ସ୍ମାରକ ପତ୍ର ପ୍ରଦାନ କରିଛନ୍ତି l ଉକ୍ତ ବ୍ଲକର ଦାୟିତ୍ୱ ବିଡିଓ ରାୟ ନେବା ଦିନଠାରୁ ସମସ୍ତ ପଞ୍ଚାୟତର ବହୁ ଉନ୍ନୟନ କାର୍ଯ୍ୟ ହୋଇ ପାରିଥିବା ବେଳେ ବନ୍ୟାବାତ୍ୟା ସମୟରେ ତାଙ୍କର ଅନେକ ଅବଦାନ ଥିବା ଜନ ପ୍ରତିନିଧିମାନେ ସ୍ମାରକପତ୍ରରେ ଦର୍ଶାଇଛନ୍ତି । ସେଥିପାଇଁ ବିଡିଓ ରାୟଙ୍କୁ ଶ୍ରେଷ୍ଠ ବିଡିଓ ଓ ଗଞ୍ଜାମ ବ୍ଲକକୁ ଆଦର୍ଶ ବ୍ଲକ ଭାବେ ମୁଖ୍ୟମନ୍ତ୍ରୀ ପୁରସ୍କୃତ କରିଛନ୍ତି l ଏଥିସହିତ ବଡିଓ ରାୟଙ୍କ ସମୟରେ ବହୁମୁଖୀ ବାତ୍ୟା ଆଶ୍ରୟ ସ୍ଥଳ ଓ କାଇଁଚପୁର ପଞ୍ଚାୟତକୁ ଶ୍ରେଷ୍ଠ ପଞ୍ଚାୟତ ଭାବେ ପରିଗଣିତ କରିପାରିଥିଲେ ବୋଲି ଜନ ପ୍ରତିନିଧିମାନେ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏହି ଅବସରରେ ସରପଞ୍ଚ ନିରଞ୍ଜନ ରେଡ୍ଡୀ, ଶ୍ୟାମା ରେଡ୍ଡୀ, ପ୍ରଭାତ ସେଠି, ସମିତିସଭ୍ୟ ଗଗନ ସ୍ବାଇଁ ପ୍ରମୁଖ ଉପସ୍ଥିତି ଥିଲେ।
