Advertisement
Posted inଜାତୀୟ

ହିନ୍ଦୀରେ ଡାକ୍ତରୀ ପଢ଼ା: ଜ୍ଞାନକୁ ସୀମିତ କରିବ

ନୂଆଦିଲ୍ଲୀ,୨୧ା୧୧(ପି.ଟି.): ମଧ୍ୟପ୍ରଦେଶ ସରକାର ଛାତ୍ରୀଛାତ୍ରଙ୍କୁ ହିନ୍ଦୀରେ ଡାକ୍ତରୀ ପଢ଼ାଇବା ପାଇଁ ନିଷ୍ପତ୍ତି ନେଇଛନ୍ତି। ଏପରି କରିବା ଦ୍ୱାରା ପ୍ରାରମ୍ଭରେ ଗ୍ରାମାଞ୍ଚଳର ଛାତ୍ରୀଛାତ୍ର କିଛି ସୁବିଧା ପାଇପାରନ୍ତି। କିନ୍ତୁ ଏହା ସେମାନଙ୍କ ଅଭିବୃଦ୍ଧିର ପରିସର ଓ ଜ୍ଞାନକୁ ସୀମିତ କରିଦେବ ବୋଲି ଡାକ୍ତରମାନେ ମତବ୍ୟକ୍ତ କରିଛନ୍ତି।
ସରକାରଙ୍କ ମହତ୍ତ୍ୱାକାଂକ୍ଷୀ ଡାକ୍ତରୀ ଶିକ୍ଷା ପ୍ରକଳ୍ପ ଅଧୀନରେ ଏମ୍‌ବିବିଏସ୍‌ କୋର୍ସ ପ୍ରଥମ ବର୍ଷ ଛାତ୍ରୀଛାତ୍ରଙ୍କ ପାଇଁ ଗତ ଅକ୍ଟୋବରରେ ସ୍ବରାଷ୍ଟ୍ରମନ୍ତ୍ରୀ ଅମିତ୍‌ ଶାହା ତିନୋଟି ବିଷୟରେ ହିନ୍ଦୀରେ ପାଠ୍ୟପୁସ୍ତକ ଉନ୍ମୋଚନ କରିଥିଲେ। ଏଭଳି ପଦକ୍ଷେପ ନେବାରେ ମଧ୍ୟପ୍ରଦେଶ ହେଉଛି ଦେଶର ପ୍ରଥମ ରାଜ୍ୟ।

ପୁସ୍ତକ ଉନ୍ମୋଚନ ଅବସରରେ ଶାହା କହିଥିଲେ, ଦେଶରେ ଅନ୍ୟ ୮ ଆଞ୍ଚଳିକ ଭାଷାରେ ବୈଷୟିକ ଓ ଡାକ୍ତରୀ ଶିକ୍ଷାଦାନ ଆରମ୍ଭ ନିମନ୍ତେ ଉଦ୍ୟମ ଚାଲିଛି। ସାରା ଦେଶର ଛାତ୍ରୀଛାତ୍ର ସେମାନଙ୍କ ଭାଷାଗତ ହୀନମନ୍ୟତାରୁ ବାହାରି ନିଜ ନିଜ ଭାଷାରେ ସେମାନଙ୍କ ଦକ୍ଷତା ପ୍ରଦର୍ଶନ କରିବା ଉଚିତ। କିନ୍ତୁ ଶାହାଙ୍କ ଏଭଳି ପରାମର୍ଶକୁ ଅନେକ ବିଶେଷଜ୍ଞ ନାପସନ୍ଦ କରିଛନ୍ତି। ଇଣ୍ଡିଆନ୍‌ ମେଡିକାଲ ଆସୋସିଏଶନ୍‌ (ଆଇଏମ୍‌ଏ)ର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ଡ. ଜେ.ଏ. ଜୟଲାଲ କହିଛନ୍ତି, ଆଞ୍ଚଳିକ ଭାଷାରେ ଡାକ୍ତରୀ ପାଠ ପଢ଼ାଇବା ଦ୍ୱାରା ଛାତ୍ରୀଛାତ୍ରଙ୍କ ଦକ୍ଷତା ବଢ଼ିବ ବୋଲି ଶାହା କହିଥାଇପାରନ୍ତି। କିନ୍ତୁ ଏହାଦ୍ୱାରା ସେମାନଙ୍କ ଅଭିବୃଦ୍ଧି ଉପରେ ନକାରାମତ୍କ ପ୍ରଭାବ ପଡ଼ିବ। ଆମେ ମଡର୍ନ ମେଡିସିନ ସମ୍ପର୍କରେ କହୁଛୁ, ଯାହାକି ୟୁନିଭର୍ସାଲ ମେଡିସିନ। ଏହା କେବଳ ଭାରତରେ ନୁହେଁ, ବରଂ ସାରା ବିଶ୍ୱରେ ପ୍ରାକ୍ଟିସ୍‌ କରାଯାଉଛି। ଏକ ଆଞ୍ଚଳିକ ଭାଷାରେ ତାଲିମ ନେଲେ ବାହାରକୁ ଯାଇ ଅଧ୍ୟୟନ କରିବା ଏବଂ ନିଜ ଜ୍ଞାନ ଓ ଦକ୍ଷତା ବୃଦ୍ଧି କରିବା ବନ୍ଦ ହୋଇଯାଏ। କେବଳ ବହିରେ ଡାକ୍ତରୀ ପଢ଼ାଯାଇପାରିବ ନାହିଁ। ଏଥିପାଇଁ ଅନ୍ତର୍ଜାତୀୟ ଗବେଷଣା ନିବନ୍ଧ, ଜର୍ନାଲ ଓ ଆର୍ଟିକଲଗୁଡ଼ିକୁ ଅଧ୍ୟୟନ କରିବାକୁ ପଡ଼ିଥାଏ। ସେଗୁଡ଼ିକ ଇଂଲିଶ ଭାଷାରେ ଉପଲବ୍ଧ। ହିନ୍ଦୀ ଭାଷାର ପୁସ୍ତକ ଜଣେ ଡାକ୍ତରଙ୍କୁ ଏକ ସ୍ଥାନୀୟ ଅଞ୍ଚଳରେ ସୀମିତ ରଖି ବିଶ୍ୱ ସମୁଦାୟ ସହ ଯୋଡ଼ି ହେବାରେ ଅନ୍ତରାୟ ସାଜିବ ବୋଲି ଡକ୍ଟର ଜୟଲାଲ ମତବ୍ୟକ୍ତ କରିଛନ୍ତି।

ପ୍ରଥମ ପର୍ଯ୍ୟାୟରେ ବାୟୋକେମିଷ୍ଟ୍ରି, ଅନାଟୋମି ଏବଂ ମେଡିକାଲ୍‌ ଫିଜିଓଲୋଜି ପାଠ୍ୟକ୍ରମର ୩ ବହି ହିନ୍ଦୀରେ ପ୍ରକାଶ ପାଇଛି। ମଧ୍ୟପ୍ରଦେଶ ପରେ ଉତ୍ତରାଖଣ୍ଡ ସରକାର ମଧ୍ୟ ଆସନ୍ତା ଶିକ୍ଷାବର୍ଷରୁ ଅନୁରୂପ ପଦକ୍ଷେପ ନେବା ପାଇଁ ଘୋଷଣା କରିଛନ୍ତି। ଉତ୍ତରାଖଣ୍ଡର ଡାକ୍ତରୀ ଶିକ୍ଷା ମନ୍ତ୍ରୀ ଧନସିଂ ରାଓ୍ବତ୍‌ଙ୍କ ମତରେ ମଧ୍ୟପ୍ରଦେଶର ସରକାରୀ ମେଡିକାଲ କଲେଜଗୁଡ଼ିକରେ ପ୍ରଚଳିତ ଏମ୍‌ବିବିଏସ୍‌ର ହିନ୍ଦୀ ସିଲାବସ୍‌ ସମ୍ପର୍କରେ ଅନୁଧ୍ୟାନ କରି ନୂଆ ପାଠ୍ୟକ୍ରମ ଉପରେ ଏକ ଚିଠା ପ୍ରସ୍ତୁତ କରାଯିବ। ଏଥିପାଇଁ ଏକ କମିଟି ଗଠନ କରାଯାଇଛି। ସେହିପରି ତାମିଲନାଡୁ ଉଚ୍ଚଶିକ୍ଷା ମନ୍ତ୍ରୀ କେ. ପୋନ୍‌ମୁଡି କହିଛନ୍ତି, ରାଜ୍ୟ ସରକାର ତାମିଲ ଭାଷାରେ ଏମ୍‌ବିବିଏସ୍‌ ଶିକ୍ଷାଦାନ ପାଇଁ ୩ ଜଣ ପ୍ରଫେସରଙ୍କୁ ନେଇ ଏକ କମିଟି ଗଠନ କରିଛନ୍ତି।

ଆଇଏମ୍‌ଏ ଜୁନିୟର ଡକ୍ଟର୍ସ ନେଟ୍‌ଓ୍ବର୍କ ରାଷ୍ଟ୍ରୀୟ ସମ୍ପାଦକ ତଥା ଏମ୍‌ବିବିଏସ୍‌ ଡାକ୍ତର କରଣ ଜୁନେଜା କହିଛନ୍ତି, ଆଞ୍ଚଳିକ ଭାଷାରେ ଡାକ୍ତରୀ ଶିକ୍ଷାଦାନ ପରିବର୍ତ୍ତେ ସରକାର ବିଦ୍ୟାଳୟ ଶିକ୍ଷା ଏବଂ ଭିତ୍ତିଭୂମିରେ ବିକାଶକୁ ଗୁରୁତ୍ୱ ଦେବା ଉଚିତ। ଅନ୍ୟପକ୍ଷେ ଦିଲ୍ଲୀ ଏମ୍ସ ରେସିଡେଣ୍ଟ ଡକ୍ଟର୍ସ ଆସୋସିଏଶନ ଅଧ୍ୟକ୍ଷ ଯଶଓ୍ବନ୍ତ ଜଙ୍ଗ୍‌ରଙ୍କ ମତରେ ବେଳେବେଳେ କେତେଜଣ ଡାକ୍ତର ରୋଗୀଙ୍କୁ ଯାହା କହିବାକୁ ଚାହଁାନ୍ତି, ତାହା ସେମାନେ କହିପାରି ନ ଥାଆନ୍ତି। ସ୍ଥାନୀୟ ଭାଷାରେ ପଢ଼ିଲେ ଏହି ସମସ୍ୟାର ସମାଧାନ ସମ୍ଭବ। କୌଣସି ଭାରତୀୟ ଭାଷାରେ ମେଡିକାଲ ଜର୍ନାଲ ପ୍ରକାଶ ପାଉ ନ ଥିବାରୁ ଆଞ୍ଚଳିକ ଭାଷାରେ ମେଡିକାଲ ଶିକ୍ଷାଦାନର ଉପକାରିତା ଓ ଅପକାରିତାକୁ ସରକାର ଠିକ୍‌ ଭାବେ ବୁଝି ନୀତି ପ୍ରଣୟନ କରିବା ଉଚିତ ବୋଲି ଯଶଓ୍ବନ୍ତ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମଦ ହୋମ୍‌ ଡେଲିଭରି ପାଇଁ ବିଚାର କର

ନୂଆଦିଲ୍ଲୀ,୯ା୫(ପି.ଟି.): ଲକ୍‌ଡାଉନ୍‌ ଯୋଗୁ ମଦ ବିକ୍ରି ବନ୍ଦ ଥିବାବେଳେ ଗତ ୪ ତାରିଖରେ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏହାକୁ ସସର୍ତ୍ତ ଅନୁମତି ମିଳିଥିଲା। ଫଳରେ ୪୦...

ପ୍ରଧାନମନ୍ତ୍ରୀ ପଦ ଦୌଡ଼ରେ ଆଗରେ ଥିଲେ ବି ଶେଷରେ ହୋଇଥିଲେ ନିରାଶ…

ନୂଆଦିଲ୍ଲୀ,୧୦।୧୦ : ମୁଲାୟମ ସିଂ ଯାଦବଙ୍କ ରାଜନୈତିକ ଜୀବନ ବହୁ ସଂଘର୍ଷ ଦେଇଗତି କରିଥିଲା। ୧୯୯୬ ରେ, ମୁଲାୟମ ସିଂ ଯାଦବ ମେନପୁରୀ ଆସନରୁ ଏକାଦଶ...

୨୦ ଦେଶକୁ ବ୍ୟାପିଲାଣି ମଙ୍କିପକ୍ସ

ଜେନେଭା,୨୮।୫: ମଙ୍କିପକ୍ସ ଏବେ ୨୦ରୁ ଊର୍ଦ୍ଧ୍ୱ ଦେଶକୁ ବ୍ୟାପିଲାଣି। ଏହା ଗୋଷ୍ଠୀ ସଂକ୍ରମଣର ରୂପ ନେଇପାରେ ବୋଲି ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ)ର ଜଣେ ବରିଷ୍ଠ...

ଅକ୍ଟୋବରରୁ ଲକ୍ଷ୍ନୌ. ଗୋରଖପୁରରେ ଆରମ୍ଭ ହେବ କୋଭାକ୍ସିନର ପରୀକ୍ଷଣ

ଲକ୍ଷ୍ନୌ,୨୫ ।୯: ଆସନ୍ତା ଅକ୍ଟୋବରରୁ ଉତ୍ତର ପ୍ରଦେଶର ଗୋରଖପୁର ଓ ଲକ୍ଷ୍ନୌରେ କରୋନା ଭାଇରସ ପାଇଁ ପ୍ରସ୍ତୁତ ଟିକା କୋଭାକ୍ସିନର ଫେଜ୍‌-୩ ଟ୍ରାଏଲ ପରୀକ୍ଷା ହେବ...

କେବେ ଆସିବ କରୋନା ଟିକା, ଏମିତି କହିଲେ ସ୍ବାସ୍ଥ୍ୟମନ୍ତ୍ରୀ

ନୂଆଦିଲ୍ଲୀ,୨୩।୮: କରୋନା ମହାମାରୀ ମଧ୍ୟରେ ବିଶ୍ୱର ଅନେକ ଦେଶ ଏହାର ଟିକା ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି। ରୁଷ ବିଶ୍ୱର ପ୍ରଥମ କରୋନା ଟିକା ପ୍ରସ୍ତୁତ...

କରୋନା ଯୋଗୁ ସ୍କୁଲ ଛାଡିଲେଣି ୩୦ ପ୍ରତିଶତ ପିଲା!

ନୂଆଦିଲ୍ଲୀ,୨୨ ।୭: ଦେଶରେ କେରାନା ମହାମାରୀର ଦ୍ୱିତୀୟ ଲହର ଜାରି ରହିଥିବା ବେଳେ ଆସନ୍ତା ୩ ମାସ ମଧ୍ୟରେ ତୃତୀୟ ଲହର ଆସିବ ବୋଲି ବିଶେଷଜ୍ଞମାନେ...

‘ନେହେରୁ, ଗାନ୍ଧୀ ପରିବାର ପାଇଁ ଦେଶ ବଞ୍ଚିଛି’

ମୁମ୍ବାଇ, ୯ା୫: ଭାରତରେ କରୋନାର ଘାତକ ସଂକ୍ରମଣବେଳେ ବାହାର ଦେଶଗୁଡ଼ିକ ସହାୟତାର ହାତ ବଢ଼ାଇଛନ୍ତି। କିନ୍ତୁ ମୋଦି ସରକାର ଦିଲ୍ଲୀରେ ସେଣ୍ଟ୍ରାଲ ଭିଷ୍ଟା ନିର୍ମାଣ କାର୍ଯ୍ୟ...

ଜମ୍ମୁ-କଶ୍ମୀରର ପ୍ରଥମ ନାଗରିକ ଗିରିଶ

ଶ୍ରୀନଗର,୩୧।୧୦: କେନ୍ଦ୍ରଶାସିତ ଅଞ୍ଚଳ ଜମ୍ମୁ-କଶ୍ମୀରର ପ୍ରଥମ ଉପରାଜ୍ୟପାଳ ଭାବେ ଗିରିଶଚନ୍ଦ୍ର ମୁର୍ମୁ ଶପଥ ଗ୍ରହଣ କରିଛନ୍ତି। ୧୯୮୫ ଗୁଜରାଟ କ୍ୟାଡ଼ର ଆଇଏଏସ୍‌ ଅଫିସର ଗିରିଶଙ୍କୁ ଜମ୍ମୁ-କଶ୍ମୀର...

Advertisement
Archives

Model This Week