ଲକ୍ଷ୍ନୌ,୨।୨ : ଜାମିନ ମଞ୍ଜୁର ହେବାର ଦିନକ ପରେ କେରଳର ଗଣମାଧ୍ୟମ ପ୍ରତିନିଧି ସିଦ୍ଦିକ କପ୍ପନ ୨୮ ମାସର ଆଇନଗତ ଲଢ଼େଇ ପରେ ଗୁରୁବାର ଜେଲରୁ ମୁକୁଳିଛନ୍ତି। ଅକ୍ଟୋବର ୨୦୨୦ରେ କପ୍ପନ ଏବଂ ଅନ୍ୟ ତିନିଜଣ ହା୍ଥରସ ଅଭିମୁଖେ ଯାଉଥିବାବେଳେ ଗିରଫ ହୋଇଥିଲେ, ଯେଉଁଠାରେ ଜଣେ ଦଲିତ ମହିଳାଙ୍କର ବଳାତ୍କାର ପରେ ମୃତ୍ୟୁ ଘଟିିଥିବା ଅଭିଯୋଗ ହୋଇଥିଲା।
ସିଦ୍ଦିକିଙ୍କୁ ବୁଧବାର (ଫେବୃଆରୀ ୨) ମୁକ୍ତ କରାଯିବାର ଥିଲା। କିନ୍ତୁ ସ୍ବତନ୍ତ୍ର କୋର୍ଟର ବିଚାରପତି ବାର ପରିଷଦ ନିର୍ବାଚନରେ ବ୍ୟସ୍ତ ଥିଲେ।
ସିଦ୍ଦିକଙ୍କ ବିରୋଧରେ ପୋଲିସ ଅଶାନ୍ତି ସୃଷ୍ଟି କରିବାକୁ ଯାଉଥିବା ଅଭିଯୋଗ କରିଥିଲା। ଉତ୍ତରପ୍ରଦେଶ ପୋଲିସ ସିଦ୍ଦିକଙ୍କୁ ଦେଶଦ୍ରୋହ ତଥା କଠୋର ଆତଙ୍କବାଦ ବିରୋଧୀ ଆଇନ ୟୁଏପିଏ ଅଧୀନରେ ଦୋଷୀ ସାବ୍ୟସ୍ତ କରିଥିଲା। ଫେବୃଆରୀ ୨୦୨୨ରେ, ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ମଧ୍ୟ ତାଙ୍କ ବିରୋଧରେ ମନି ଲଣ୍ଡରିଂ ମାମଲା ଦାୟର କରିଥିଲା ଯେଉଁଥିରେ ସେ ନିଷିଦ୍ଧ ପିପୁଲ୍ସ ଫ୍ରଣ୍ଟ ଅଫ ଇଣ୍ଡିଆ (ପିଏଫଆଇ) ରୁ ଅର୍ଥ ପାଇଛନ୍ତି ବୋଲି ଅଭିଯୋଗ କରିଥିଲେ।
ସିଦ୍ଦିକ ପୋଲିସର ଅଭିଯୋଗକୁ ଖଣ୍ଡନ କରିଥିଲେ। ତେବେ ଗତ ବର୍ଷ ସେପ୍ଟେମ୍ବରରେ ସେ ଆତଙ୍କବାଦୀ ମାମଲାରେ ଏବଂ ଡିସେମ୍ବରରେ ମନି ଲଣ୍ଡରିଂ ମାମଲାରେ ଜାମିନ ପାଇଥିଲେ। ଆଶ୍ଚର୍ଯ୍ୟର କଥା, ସିଦ୍ଦିକିଙ୍କୁ ଜାମିନ ଦେବାକୁ ବହୁତ ସମୟ ଲାଗିଥିଲା। ପୋଲିସ ଦାବି କରିଛି ଯେ ସିଦ୍ଦିକି ଏବଂ ତାଙ୍କ ସହ ଗିରଫ ହୋଇଥିବା ଅନ୍ୟମାନେ ନିଷିଦ୍ଧ ପପୁଲାର ଫ୍ରଣ୍ଟ ଅଫ ଇଣ୍ଡିଆ ଏବଂ ଏହାର ଛାତ୍ର ୱିଙ୍ଗ କ୍ୟାମ୍ପସ ଫ୍ରଣ୍ଟ ଅଫ ଇଣ୍ଡିଆର ସଦସ୍ୟ ଅଟନ୍ତି। ତେବେ ଆତଙ୍କବାଦୀ କାର୍ଯ୍ୟକଳାପ କିମ୍ବା ଆର୍ଥିକ କାର୍ଯ୍ୟରେ କୌଣସି ସମ୍ପୃକ୍ତିକୁ କପାନ ଅସ୍ବୀକାର କରିଥିଲେ। ସେ କହିଥିଲେ ଯେ ଗଣମାଧ୍ୟମ କାମ ପାଇଁ ସେ ହାଥରସ ଯାଉଥିଲେ।
