ଭବାନୀପାଟଣା,୧୬।୭(ସ୍ବ.ପ୍ର): କଳାହାଣ୍ଡି ଜିଲା ଜୟପାଟଣା ଥାନା ଅନ୍ତର୍ଗତ କଲମପୁର ବ୍ଳକ ଖଣ୍ଡିଡଙ୍ଗରିଗୁଡା ଗାଁରେ ଶୁକ୍ରବାର ବିଳମ୍ବିତ ରାତିରେ ଏକ ବଡ଼ ଧରଣର ଡକାୟତି ପଣ୍ଡ ହୋଇଛି। ପ୍ରାୟ ୧୪ଜଣ ଦୁର୍ବୃତ୍ତ ରାତି ୧୨ଟାରେ ମୁହଁରେ ମୁଖା, ମାରଣାସ୍ତ୍ର ଧରି ଗାଁର ବ୍ୟବସାୟୀ ଗୌତମ ବିହାରୀଙ୍କ ଘରେ ପଶିବାକୁ ଚେଷ୍ଟା କରିଥିଲେ। କଟରରେ କବାଟକୁ କାଟୁଥିବା ସମୟରେ ଗୌତମ ଜାଣିପାରି କବାଟ ଖୋଲି ପୁଣି କବାଟକୁ ବନ୍ଦ କରି ଚିତ୍କାର କରିଥିଲେ। ଚିତ୍କାର ଶୁଣି ନିକଟରେ ଶୋଇଥିବା ମିସ୍ତ୍ରୀ ଔରଙ୍ଗଜେବ ସା ଓ ଜଲନ୍ଦର ଘି ଉଠି ଦୁର୍ବୁତ୍ତଙ୍କୁ କାବୁ କରିବାକୁ ଚେଷ୍ଟା କରିଥିଲେ। ତେବେ ଚିତ୍କାର କଲେ ଜୀବନରେ ମାରି ଦେବାକୁ ଧମକ ଦେଇଥିଲେ ଦୁର୍ବୃତ୍ତ। ତେବେ ଗାଁ ଲୋକେ ଉଠିବା ପରେ ଦୁର୍ବୁତ୍ତମାନେ ମିସ୍ତ୍ରୀଙ୍କ ହାତରେ ମାରଣାସ୍ତ୍ରରେ ଗଭୀର ଆଘାତ କରି ସେଠାରୁ ଦୌଡ଼ି ପଳାଇଥିଲେ। ତେବେ ଦୁର୍ବୁତ୍ତମାନେ କଳାହାଣ୍ଡିଆ ଭାଷାରେ କଥାବାର୍ତ୍ତା କରୁଥିବା ଜଣାପଡ଼ିଛି। ସେମାନେ ତ୍ରିଶୁଳ, ଖଣ୍ଡା, ଟାଙ୍ଗିଆ ଅସ୍ତ୍ର ଧରିଥିବା ବେଳେ ସ୍ଥାନୀୟ ଅଞ୍ଚଳର ବୋଲି ସନ୍ଦେହ କରାଯାଉଛି। ତେବେ ଘଟଣାସ୍ଥଳରେ ଜୟପାଟଣା ଥାନା ଅଧିକାରୀ ବାସୁଦେବ ଛତ୍ରିଆ ଓ ତାଙ୍କ ଟିମ୍ ସହ ସାଇଣ୍ଟଫିକ ଦଳ ପହଞ୍ଚିି ତଦନ୍ତ ଆରମ୍ଭ କରିଛି। କଳାହାଣ୍ଡି ଜିଲାରେ ଦିନକୁ ଦିନ ଚୋରି ଡକାୟତି ବୃଦ୍ଧି ପାଉଥିବା ବେଳେ ପୋଲିସ ପକ୍ଷରୁ କଡା କାର୍ଯ୍ୟାନୁଷ୍ଠାନ ଆବଶ୍ୟକ ରହିଛି।
