ପୁଣେ,୬।୧୦: ମହାରାଷ୍ଟ୍ରର ଗୋରେଗାଓଁରେ ଏକ ବିଲ୍ଡିଂରେ ବଡ଼ ଧରଣର ଅଗ୍ନିକାଣ୍ଡ ଘଟିଛି। ଏହି ଦୁର୍ଘଟଣାରେ ଅତି କମରେ ୬ ଜଣଙ୍କର ମୃତ୍ୟୁ ହୋଇଥିବାବେଳେ ୨୫ ରୁ ୩୦ ଜଣ ଆହତ ହୋଇଥିବା ସୂଚନା ମିଳିଛି। । ଆହତମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଶୁକ୍ରବାର ଭୋର ପ୍ରାୟ ୩ଟା ସମୟରେ ପଶ୍ଚିମ ଗୋରେଗାଓଁର ଅଫ ଏମଜି ରୋଡରେ ଥିବା ଜୟ ସନ୍ଦେଶ ବିଲ୍ଡିଂରେ ଏହି ଘଟଣା ଘଟିଛି। ଏହି ସମୟରେ ଅନେକ ଲୋକ ବିଲ୍ଡିଂରେ ଫସି ରହିଥିବା ସୂଚନା ମିଳିଛି, ସେମାନଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି।
ନିଆଁ ସମ୍ପର୍କରେ ସୂଚନା ପାଇବା ପରେ ପୋଲିସ ଏବଂ ଅଗ୍ନିଶମ ବାହିନୀ ଗାଡି ଘଟଣାସ୍ଥଳରେ ପହଞ୍ଚିଥିଲେ। ତଳ ମହଲା ଦୋକାନ, ସ୍କ୍ରାପ ସାମଗ୍ରୀ, ପାର୍କିଂ ଗାଡିରେ ଏହି ଅଗ୍ନିକାଣ୍ଡ ଘଟିଥିଲା, ଯେଉଁ କାରଣରୁ ଲୋକମାନେ ବିଭିନ୍ନ ମହଲାରେ ଫସି ରହିଥିଲେ। ଏହି ଅଗ୍ନିକାଣ୍ଡ କେବଳ ତଳ ମହଲା ଦୋକାନ, ସ୍କ୍ରାପ ସାମଗ୍ରୀ, ପାର୍କିଂ ଯାନ, ଯାନବାହାନରେ ସୀମିତ ରହିଥିଲା, ଯେଉଁଥିପାଇଁ ଲୋକମାନେ ବିଭିନ୍ନ ମହଲାରେ ଫସି ରହିଥିଲେ।
