ମଣ୍ଡାସୁଣି ଓ ସିଲିପଥର କମ୍ପାନୀର ବାର୍ଷିକ ସାଧାରଣସଭା ଏବଂ ନାବାର୍ଡର ସ୍ବଚ୍ଛତା ହିଁ ସେବା କାର୍ଯ୍ୟକ୍ରମ
8:22 amDecember 16, 2020 / 21

ରିଆମାଳ, ୧୬।୧୨ (ଡି.ଏନ.ଏ)- ଦେବଗଡ଼ ଜିଲା ରିଆମାଳ କଲ୍ୟାଣ ମଣ୍ଡପଠାରେ ନାବାର୍ଡ ସହାୟତାରେ ସିଏସକି.ଆର ଦ୍ୱାରା ଅନୁଷ୍ଠିତ ମଣ୍ଡାସୁଣି ଓ ସିଲିପଥର ପ୍ରଡ୍ୟୁସର କମ୍ପାନୀ ଲିଃର ବାର୍ଷିକ ସାଧାରଣ ସଭା ଏବଂ ନାବାର୍ଡର ସ୍ବଚ୍ଛତା ହିଁ ସେବା କାର୍ଯ୍ୟକ୍ରମ ସୋମବାର ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ନାବାର୍ଡର ଡିଡିଏମ ଦେବେଶ ବେହେରା ଯୋଗଦେଇ ପ୍ରଡ୍ୟୁସର କମ୍ପାନୀର ବିଭିନ୍ନ ଦିଗ, ୱେବସାଇଟରେ ବିଭିନ୍ନ ବିଭାଗ ସହିତ ସମ୍ପୃକ୍ତ ହୋଇ କିପରି କାର୍ଯ୍ୟକ୍ରମରେ କରାଯିବ ସେ ବିଷୟରେ ଅବଗତ କରିଥିଲେ। ଉକ୍ତ କାର୍ଯ୍ୟକ୍ରମରେ ବିଡିଓ ଦିବ୍ୟଶଙ୍କର ଜୟପୁରିଆ, ଏ.ଡି.ଏଚ କିଶୋରଚନ୍ଦ୍ର ମହାଲିକ, ସହକାରୀ କୃଷି ଅଧିକାରୀ ଅନନ୍ତଚରଣ ଦାଶ, ବି.ପି.ଏମ ଜ୍ୟୋତି କୁଜୁର, ଇ.ନାମର ଟିକାୟତ ନନ୍ଦ, ଏଫଆଇସି ଚେୟାରମ୍ୟାନ ତରଣୀସେନ ପ୍ରଧାନ ପ୍ରମୁଖ ଯୋଗଦେଇ ମହିଳାମାନେ କିପରି ସ୍ବୟଂସହାୟକ ଗୋଷ୍ଠୀ ଏବଂ କମ୍ପାନୀ ମାଧ୍ୟମରେ ବିଭିନ୍ନ ଦିଗ ଉପରେ ଆଲୋଚନା କରାଯାଇଥିଲା ଏବଂ ପରେ ନାବାର୍ଡ ତରଫରୁ ଏକ ସ୍ବଚ୍ଛତା ହିଁ ସେବା କାର୍ଯ୍ୟକ୍ରମ କରାଯାଇଥିଲା। ସମସ୍ତେ କିପରି କରୋନା କୁମୁକାବିଲା କରିବେ ସେ ବିଷୟରେ ଅବଗତ କରାଯାଇଥିଲା ା ଏହି କାର୍ଯ୍ୟକ୍ରମକୁ ସିଏସଡିଆର ସଂପାଦିକା ରୀତାରାଣୀ ରାଉତ ପରିଚାଳନା କରିବା ସହିତ ସଭାପତି ପଣ୍ଡା ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ସି.ଏମ.ଡି.ଆର ସମସ୍ତ କର୍ମୀ ସରୋଜ ସାଗର, ଶ୍ରୀମାନ ଦେହୁରୀ, ସୁଶାନ୍ତ ମିଞ୍ଜ, ସତ୍ୟଭାମାସାହୁ ଓ ହେମାନନ୍ଦ ଲର୍ମା ସହଯୋଗ କରିଥିଲେ ା