ନୂଆଦିଲ୍ଲୀ: ଆପଣ ଲୋକଙ୍କୁ ଘୋଡ଼ା ପିଠିରେ ବସିଥିବା ଦେଖିଥିବେ ନିଶ୍ଚୟ। ହେଲେ ଯଦି କୁହାଯାଏ ଘୋଡାକୁ ନିଜ କାନ୍ଧରେ ଉଠାଇ ଚାଲିବା, ଏଭଳି ଘଟଣା ବିରଳ। ସୋସିଆଲ ମିଡିଆରେ ଏଭଳି ଜଣେ ବ୍ୟକ୍ତିଙ୍କ କାରନାମା ଭାଇରାଲ ହେଉଛି। ବ୍ୟକ୍ତିଜଣଙ୍କ ନିଜ କାନ୍ଧରେ ଏକ ଘୋଡାକୁ ଉଠାଇ ଚାଲିଥାନ୍ତି। ଏହାଛଡ଼ା ସେ ଗୋଟିଏ ହାତରେ ଅନେକ ଏଭଳି କାମ କରି ସମସ୍ତଙ୍କୁ ଚକିତ କରିଦେଇଥାନ୍ତି। ସେ ହେଲେ ଦ୍ରିମିତ୍ରୀ ଖଲାଦଜୀ। ସେ ୟୁକ୍ରେନ୍ର ବାସିନ୍ଦା। ବିଶ୍ୱର ସବୁଠାରୁ ଶକ୍ତିଶାଳି ଲୋକଙ୍କ ତାଲିକାରେ ତାଙ୍କର ଗଣନା କରାଯାଏ।
ଦ୍ରିମିତ୍ରୀ ଏକାସହ ୬ ଲୋକଙ୍କୁ ଟେକି ପାରନ୍ତି। ସୋସିଆଲ ମିଡିଆରେ ସେ ବେଶ ସକ୍ରିୟ ଥିବା ବେଳେ ଇନ୍ଷ୍ଟ୍ରାଗ୍ରାମରେ ଏଭଳି ଅନେକ ଭିଡିଓ ଦେଖିବାକୁ ମିଳିଥାଏ। ଏଭଳି କାମ ଯୋଗୁ ତାଙ୍କ ନାମ ଗିନିଜ ବୁକ୍ ଅଫ୍ ରେକର୍ଡରେ ମଧ୍ୟ ସ୍ଥାନ ପାଇଛି। ସେ ବି ଗୋଟିଏ କିମ୍ବା ଦୁଇ ଥର ନୁହେଁ, ୬୦ ଥର ସେ ଏଭଳି କରିଛନ୍ତି।
ପୂର୍ବରୁ ସର୍କସରେ କାମ କରୁଥିଲେ ଦିମିତ୍ରୀ। ସେ ପ୍ରଥମେ ଲୁହା ରଡ୍କୁ ହାତରେ ମୋଡି ଦେଇଥାନ୍ତି। ଏହାଛଡ଼ା ଗୋଟିଏ ହାତରେ ୧୫୨ କିଲୋ ଓଜନ ଉଠାଇ ପାରିଥାନ୍ତି। ତାଙ୍କ ଉପରେ ଯାତ୍ରୀ ବସିଥିବା ଏସ୍ୟୁଭି ଚଢ଼ିଗଲେ ମଧ୍ୟ କୌଣସି ଫରକ ପଡ଼ି ନ ଥାଏ। ସେ କେବଳ ଘୋଡା ନୁହେଁ, ଓଟ ଏବଂ ଅନ୍ୟ ଓଜନ ପ୍ରାଣୀଙ୍କୁ କାନ୍ଧରେ ଉଠାଇ କିଛି ଦୂର ଚାଲିପାରିଥାନ୍ତି, ଯାହା ତାଙ୍କ ପୋଷ୍ଟରୁ ଯେ କେହି ସ୍ପଷ୍ଟ ଭାବେ ଠଉରାଇପାରିବ।
