ଏକ ଗଛ ଉପରକୁ ଚଢ଼ିବା ଏବଂ ଫଳ ତୋଳିବା ଯେତିକି ସହଜ ମନେହୁଏ ବାସ୍ତବରେ ତାହା ସେତିକି ସହଜ ହୋଇ ନ ଥାଏ। ବିଶେଷକରି ନଡ଼ିଆ ଗଛ ଚଢ଼ିବା ଏତେ ସହଜ ନୁହେଁ। ଏହି ଗଛ ଉପରକୁ ଚଢ଼ିବାକୁ ହେଲେ ଶରୀର ଫିଟ୍ ହେବା ଆବଶ୍ୟକ, ସଠିକ୍ କୌଶଳ ସହିତ ଗଛର ଶୀର୍ଷରେ ପହଞ୍ଚିବା ଜରୁରୀ। ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ବ୍ୟକ୍ତି ଖୁବ୍ ତୀବ୍ର ବେଗରେ ଗଛରେ ଚଢ଼ି ନଡ଼ିଆ ତୋଳୁଛନ୍ତି।
ज़िंदगी भी कुछ ऐसी ही, बस लगे रहो, फल जरूर मिलेगा 😀😀 pic.twitter.com/5XiER1EuFF
— Prem Prakash Meena, IAS (@iaspremprakash) July 17, 2022
ଆଇଏଏସ୍ ଅଧିକାରୀ ପ୍ରେମ ପ୍ରକାଶ ମୀନା ତାଙ୍କ ଟୁଇଟରରେ ଏହି ଭିଡିଓଟି ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେଉଛି। ଏହି ଭିଡିଓରେ ଜଣେ ବ୍ୟକ୍ତି ଗଛ ଉପରକୁ ଖୁବ୍ ଶୀଘ୍ର ଶୀଘ୍ର ଚଢ଼ି ଯାଉଛନ୍ତି। ତାଙ୍କ ଚଢ଼ିବା ଶୈଳୀ ଦେଖିଲେ ଯେକେହି ଆଶ୍ଚର୍ଯ୍ୟ ହେବେ। କାରଣ ନଡ଼ିଆ ଗଛ ଚଢ଼ିବା ବେଳେ ଲୋକେ ନାନା କୌଶଳ ଆପଣାଇଥାନ୍ତି। ଏହି ବ୍ୟକ୍ତି ଜଣକ କିଛି ବି ସାହାରା ନ ନେଇ କେବଳ ହାତ ପାଦ ବ୍ୟବହାର କରି ବେଶ୍ ଆରାମରେ ଚଢ଼ି ଯାଇ ନଡ଼ିଆ ତୋଳି ତଳକୁ ଫିଙ୍ଗୁଛନ୍ତି।
ଭିଡିଓ ଶେୟାର କରି ପ୍ରେମ ପ୍ରକାଶ କ୍ୟାପଶନ ଲେଖିଛନ୍ତି, ‘ଜୀବନ ଏହିପରି, କେବଳ ଜାରି ରଖ, ତୁମେ ନିଶ୍ଚିତ ଭାବରେ ଫଳ ପାଇବ।’ଏହି ଭିଡିଓକୁ ବର୍ତ୍ତମାନ ସୁଦ୍ଧା ୮୬ ହଜାରରୁ ଅଧିକ ଲୋକ ଦେଖିଥିବାବେଳେ ହଜାର ହଜାର ଲୋକ ଏହାକୁ ପସନ୍ଦ କରିଛନ୍ତି। ଅନେକ ଲୋକ ଏଥିରେ ନିଜର ମତାମତ ମଧ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, କଳିଯୁଗ ସାର୍, ଏଠାରେ କାର୍ଯ୍ୟ ଜାରି ରଖନ୍ତୁ, ଆପଣ ଫଳାଫଳ ପାଇବେ କି ନାହିଁ ଏହାର କୌଣସି ଗ୍ୟାରେଣ୍ଟି ନାହିଁ। ସେହିପରି ଆଉ ଜଣେ ୟୁଜର କହିଛନ୍ତି, ଜୀବନ ବେଶୀ ଉଚ୍ଚତାରେ ନାହିଁ ସାର୍। ଜଣେ ମହିଳା ୟୁଜର କହିଛନ୍ତି, ଗଛ ଚଢୁଥିବା ବ୍ୟକ୍ତି ଜଣକ ଖୁବ୍ ସାହସୀ ଏବଂ ଆତ୍ମବିଶ୍ୱାସୀ।
