କୋଲକତା,୯।୪: ଭୋଟରଙ୍କୁ ବିଭାଜନ କରିବାର କୌଣସି ପ୍ରୟାସ ବିରୋଧରେ ସ୍ସ୍ବର ଉତ୍ତୋଳନ କରିବେ ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ଏଥିପାଇଁ ଯଦି ନିର୍ବାଚନ ଆୟୋଗ ତାଙ୍କ ଯଦି ୧୦ଟି କାରଣ ଦର୍ଶାଅ ନୋଟିସ ପଠାଇବାକୁ ଚାହାଁନ୍ତି, ତେବେ ତାଙ୍କ ଆଭିମୁଖ୍ୟରେ କୌଣସି ପରିବର୍ତ୍ତନ ହେବ ନାହିଁ। ମମତା ମୁସଲମାନ ଭୋଟରଙ୍କୁ ଟିଏମସି ସପକ୍ଷରେ ଭୋଟ ଦେବାକୁ ନିବେଦନ କରିଥିବା ଅଭିଯୋଗ ହୋଇଛି। ଏହା ପରେ ନିର୍ବାଚନ ଆୟୋଗ ଆଚରଣ ବିଧି ଉଲ୍ଲଂଘନ ଅଭିଯୋଗରେ ମମତା ବାନାର୍ଜୀଙ୍କୁ ନୋଟିସ ପଠାଇଛନ୍ତି।
ଡୋମଜୁର ନିର୍ବାଚନ ପ୍ରଚାର ସମୟରେ ଟିଏମସି ମୁଖ୍ୟ ମମତା କହିଛନ୍ତିି ଯେ, ଭାଜପାର ତାରକା ପ୍ରଚାରକ ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଭାଷଣରେ ହିନ୍ଦୁ ଏବଂ ମୁସଲମାନ ଭୋଟ ବ୍ୟାଙ୍କ ବିଷୟରେ ଉଲ୍ଲେଖ କରିଛନ୍ତି, ତା’ହେଲେ ତାଙ୍କ ବିରୋଧରେ କୌଣସି ଅଭିଯୋଗ କାହିଁକି ଦାଖଲ କରାଯାଇ ନାହିଁ? ନିର୍ବାଚନ ଆୟୋଗ ଚାହିଁଲେ ମୋତେ ଦଶଟି କାରଣ ଦର୍ଶାଅ ନୋଟିସ ପଠାଇ ପାରିବ, କିନ୍ତୁ ମୋର ଉତ୍ତର ସମାନ ହେବ। ମୁଁ ସବୁବେଳେ ହିନ୍ଦୁ ଏବଂ ମୁସଲମାନ ଭୋଟର ବିଭାଜନ ବିରୋଧରେ କହିବି। ଧାର୍ମିକ ଆଧାରରେ ଭୋଟରଙ୍କୁ ଭାଗ କରିବା ବିରୋଧରେ ମୁଁ ଠିଆ ହେବି ବୋଲି ମମତା କହିଛନ୍ତି।
