ବ୍ୟାଙ୍କକ୍: ଥାଇଲାଣ୍ଡର ସୁପରମାର୍କେଟର ଏକ ଏଭଳି ଭିଡିଓ ଭାଇରାଲ ହେଉଛି, ଯାହାକୁ ଦେଖିଲେ ଆଖିକୁ ବିଶ୍ୱାସ କରିପାରିବେ ନାହିଁ। କାରଣ ଏଥିରେ ଏକ ୮ ଫୁଟ ଲମ୍ବର ଝିଟିପିଟିକୁ ଦେଖିବାକୁ ମିଳିଛି।
ଘଟଣାଟି ଥାଇଲ୍ୟାଣ୍ଡର ୭ ଇଲେଭେନ୍ ଷ୍ଟୋରର। ଥାଇ ଟ୍ରାଭେଲ ଏଜେନ୍ସି ମୁଣ୍ଡୋ ନୋମାଡା ଦ୍ୱାରା ଭିଡିଓଟିକୁ ପୋଷ୍ଟ କରାଯାଇଥିଲା। ଏଜେନ୍ସି ଏହାକୁ ଶେୟାର କରି ଏଭଳି ଝିଟିପିଟି ବ୍ୟାଙ୍କକ୍ ଏବଂ ଦେଶର ଅନ୍ୟାନ୍ୟ ସ୍ଥାନରେ ଦେଖିବାକୁ ମିଳିଥାଏ। ହେଲେ ସୁପରମାର୍କେଟ ଭିତରେ ଏମାନଙ୍କୁ ବିଚରଣ କରୁଥିବା ଦେଖିବା ବିରଳ ଘଟଣା ବୋଲି କୁହାଯାଇଛି।
ଭିଡିଓରେ ବିଶାଳକାୟ ଝିଟିପିଟିଟି ବ୍ୟବହାର୍ଯ୍ୟ ଜିନିଷରେ ପରିପୂର୍ଣ୍ଣ ର଼୍ୟାକ୍ ଉପରକୁ ଚଢ଼ୁଥିବା ଦେଖାଯାଉଛି। ଏହି ସମୟରେ ଅନେକ ଜିନିଷ ଥାକରୁ ଖସି ଯାଉଛି। ଜିଭ ବାହାରକୁ ଏବଂ ଭିତରକୁ କରିବା ସମୟରେ ଜନ୍ତୁଟି ବେଶ ଭୟଙ୍କର ଲାଗୁଛି। ଶେଷରେ ସେ ଥାକ ଉପରେ ଆରାମରେ ଶୋଇ ଯାଉଛି। ତେବେ ଅତ୍ୟଧିକ ଗରମ କାରଣରୁ ଝିଟିପିଟିଟି ଆଶ୍ରୟ ନେଉଥାଇପାରେ ବୋଲିି ଅନୁମାନ କରାଯାଉଛି।
ପ୍ରଥମେ ଏହି ଭିଡିଓକୁ ଟୁଇଟରରେ ଶେୟାର କରାଯିବା ପରେ କାଟି ଦିଆଯାଇଥିଲା। ଏବେ ଏହା ଅନ୍ୟାନ୍ୟ ପ୍ଲାଟଫର୍ମ ଯେପରିକି ଫେସବୁକ୍ ଏବଂ ୟୁଟ୍ୟୁବରେ ଘୁରି ବୁଲୁଛି। କେହି କେହି ଏହାକୁ ନେଇ ଭୟଭୀତ ହୋଇଯାଉଥିବା ବେଳେ କେହି ଅବିଶ୍ୱସନୀୟ ଏବଂ ଫିଲ୍ମ ଗର୍ଜିଲାର ଦୃଶ୍ୟ ପରି ଲାଗୁଥିବା କହିଛନ୍ତି।
