ବଲିଉଡ୍ର ସଫଳ ତଥା ଲୋକପ୍ରିୟ ଅଭିନେତ୍ରୀଙ୍କ ମଧ୍ୟରେ ଅନ୍ୟତମ ମହିମା ଚୌଧୁରୀ। ଦୀର୍ଘ ଦିନ ହେବ ସେ ଫିଲ୍ମ ଦୁନିଆ ସହ ଲୋକଲୋଚନରୁ ଦୂରରେ ରହିଥିଲେ। ବର୍ତ୍ତମାନ ତାଙ୍କର ଏକ ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏହି ଫଟୋରେ ସେ ସମ୍ପୂର୍ଣ୍ଣ ଭିନ୍ନ ଦେଖାଯାଉଛନ୍ତି।
ଶାହାରୁଖ୍ ଖାନ୍ଙ୍କ ସହ ଫିଲ୍ମ ‘ପରଦେଶ’ରୁ ବଲିଉଡ୍ରେ ଡେବ୍ୟୁ କରିଥିଲେ ମହିମା। ଏହି ଫିଲ୍ମରେ ମହିଳାଙ୍କୁ ତାଙ୍କର ସୌନ୍ଦର୍ଯ୍ୟ, ହସ ଏବଂ ସୁନ୍ଦର ଅଭିନୟ ପାଇଁ ଅନେକ ଭଲପାଇବା ମିଳିଥିଲା। ଫିଲ୍ମଟି ବକ୍ସ ଅଫିସରେ ଭଲ ବ୍ୟବସାୟ ମଧ୍ୟ କରିଥିଲା।‘ପରଦେଶ’ ପାଇଁ ସେ ଲୋକପ୍ରିୟତାର ଶୀର୍ଷରେ ପହଞ୍ଚିଥିଲେ। ବିଶେଷକରି ତାଙ୍କ ହସ ପାଇଁ ଦର୍ଶକ ପାଗର ପ୍ରାୟ ହୋଇପଡିଥିଲେ। ସଫଳତାର ଶୀର୍ଷରେ ଥିବା ବେଳେ ମହିମାଙ୍କ ଏକ ଦୁର୍ଘଟଣା ଘଟିଥିଲା। ଏଥିରେ ତାଙ୍କ ମୁଁହ ସମ୍ପୂର୍ଣ୍ଣ ଖରାପ ହୋଇଯାଇଥିଲା। ଦୁର୍ଘଟଣା ପରେ ଯେତେବେଳେ ସେ ନିଜ ମୁହଁକୁ ଦର୍ପଣରେ ଦେଖିଥିଲେ ଭୟଭୀତ ହୋଇପଡ଼ିଥିଲେ। ତାଙ୍କ ମୁହଁର ସର୍ଜରୀ ହୋଇଥିଲା। ସମ୍ପୂର୍ଣ୍ଣ ସୁସ୍ଥ ହେବା ପାଇଁ ତାଙ୍କୁ ଅନେକ ସମୟ ଲାଗିଥିଲା। ଏହି ସମୟରେ ତାଙ୍କ ମୁହଁରୁ ୬୮ ଖଣ୍ଡ କାଚ ବାହାରିଥିଲା। ଏକ ସାକ୍ଷାତକାରରେ ନିଜେ ମହିଳା ଏହା କହିଥିଲେ। ଏହିକାରଣ ପାଇଁ ସେ ବଲିଉଡ୍ଠାରୁ ଦୂରେଇ ଯାଇଥିବା ଜଣାପଡ଼ିଛି।
