ବମ୍ବେ: ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ତଦନ୍ତ ପରିସରକୁ ଆସିଛନ୍ତି ମହେଶ ଭଟ୍ଟ। ନିକଟରେ ମୁମ୍ବାଇ ପୋଲିସ ତାଙ୍କୁ ବିଭିନ୍ନ ପ୍ରସଙ୍ଗରେ ପଚରାଉଚରା କରିଥିଲା। ତେବେ ଏହା ପ୍ରଥମ ଥର ନୁହେଁ ଯେଉଁଠି ମହେଶ ବିବାଦ ଘେରକୁ ଆସିଛନ୍ତି। ପୂର୍ବରୁ ଏକାଧିକ ଥର ସେ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାର ପରିସରକୁ ଆସିଛନ୍ତି। ଏପରି ଏକ ଘଟଣା ଥିଲା, ଯେତେବେଳେ ମହେଶ ନିଜ ଝିଅ ପୂଜା ଭଟ୍ଟଙ୍କୁ ବିବାହ କରିବାକୁ ଚାହୁଁଥିବା କହିଥିଲେ। ଏପରିକି ତାଙ୍କ ଓଠକୁ ଚୁମ୍ବନ ଦେଇଥିଲେ। ଘଟଣା ସେତେବେଳେ ଗଣମାଧ୍ୟମର ଶିରୋନାମା ପାଲଟିଥିଲା।
ଏକ ଫିଲ୍ମ ମାଗାଜିନ୍ ପାଇଁ ପୂଜାଙ୍କ ସହ ମହେଶ ବୋଲ୍ଡ ଫଟୋଶୁଟ୍ କରିଥିଲେ। ଏଥିରେ ସେ ପୂଜାଙ୍କୁ ଲିପ୍ ଟୁ ଲିପ୍ କିସ୍ କରୁଥିବା ଦେଖାଯାଇଥିଲା। ଫଟୋ ପ୍ରକାଶ ପାଇବା ପରେ ବିଭିନ୍ନ ମହଲରେ ସମାଲୋଚିତ ହୋଇଥିଲା। ଗଣମାଧ୍ୟମରେ ଏନେଇ ବିକୃତ ଖବର ପ୍ରକାଶ ପାଇବା ସହ ମହେଶଙ୍କୁ ଜୀବନରେ ମାରି ଦେବାକୁ ଧମକ ମିଳିଥିଲା।
ବିବାଦ ଏତେ ବଢ଼ିଯାଇଥିଲା ଯେ ଏହାକୁ ରୋକିବା ଲାଗି ମହେଶ ଖବରଦାତା ସମ୍ମିଳନୀ ଡାକିଥିଲେ। ହେଲେ ସେଠାରେ ସେ ଏପରି କଥା କହିଲେ ଯେ ଆଲୋଚନା କମିବା ବଦଳରେ ବଢ଼ିଯାଇଥିଲା। କାରଣ ମହେଶ କହିଥିଲେ ପୂଜା ମୋ ଝିଅ ହୋଇ ନ ଥିଲେ ମୁଁ ତାଙ୍କୁ ବିବାହ କରିନେଇଥାନ୍ତି। ପରେ ସେ ଏନେଇ ସଫେଇ ଦେଇଥିଲେ। ସେ ମାନସିକ ଦୁଃଶ୍ଚିନ୍ତାରେ ଥିବା ଯୋଗୁ ଏଭଳି ମନ୍ତବ୍ୟ ଦେଇଥିବା କହିଥିଲେ। ଏବେ ସୁଶାନ୍ତଙ୍କ ପ୍ରେମିକା ରିୟାଙ୍କ ସହ ସମ୍ପର୍କକୁ ନେଇ ସେ ବିବାଦ ଘେରକୁ ଆସିଛନ୍ତି।
