ରାଉରକେଲା,୧୭ା୬(ଦିନେଶ ମିଶ୍ର) ରାଉରକେଲା ବିର୍ସା ମୁଣ୍ଡା ଆନ୍ତର୍ଜାତୀୟ ହକି ଷ୍ଟାଡିୟମରେ ତ୍ରୟୋଦଶ ଜାତୀୟ ଜୁନିୟର ପୁରୁଷ ହକି ଚାମ୍ପିୟନଶିପ୍ର ପଞ୍ଚମ ଦିନରେ ୬ଟି ମ୍ୟାଚ ଖେଳାଯାଇଥିଲା। ସେଥିମଧ୍ୟରୁ ପ୍ରଥମ ମ୍ୟାଚ ମଧ୍ୟପ୍ରଦେଶ ଓ କେରଳ ମଧ୍ୟରେ ହୋଇଥିଲା। ଏଥିରେ ମଧ୍ୟପ୍ରଦେଶ ଦଳ ୧୪-୦ ଗୋଲରେ କେରଳକୁ ପରାସ୍ତ କରିଥିଲା। ମଧ୍ୟପ୍ରଦେଶ ଦଳ ଖେଳ ଆରମ୍ଭରୁ ଆକ୍ରମଣ ଖେଳ ପ୍ରଦର୍ଶନ କରି ଫରଓ୍ବାର୍ଡ ଖେଳାଳି ମହମ୍ମଦ କନିନ୍ ସର୍ବାଧିକ ୪ଟି ଗୋଲ କରିଥିଲେ। ପରେ ମହମ୍ମଦ ଜାହିଦ ଖାନ ୩ଟି ହ୍ୟାଟ୍ରିକ ଗୋଲ ମାରିଥିଲେ। ଦଳ ପକ୍ଷରୁ ଅଲ୍ଲୀ ଅହମ୍ମଦ ଓ ଶ୍ରୀୟାସ ଧୁପେ ଦୁଇଟି ଲେଖାଏଁ ଗୋଲ କରିଥିବାବେଳେ ଏମଡି କରୀମ ମନସୁରୀ, କସିଫ ଖାନ, ଅଧିନାୟକ ଅଙ୍କିତ ପାଲ ଗୋଟିଏ ଲେଖାଏଁ ଗୋଲ କରି ଦଳକୁ ବିଜୟୀ କରିଥିଲେ। ଦ୍ୱିତୀୟ ମ୍ୟାଚ ଛତିଶଗଡ ଓ ଆନ୍ଧ୍ରପ୍ରଦେଶ ମଧ୍ୟରେ ଖେଳାଯାଇଥିଲା। ଏଥିରେ ଛତିଶଗଡ ଦଳ ଆନ୍ଧ୍ରପ୍ରଦେଶକୁ ୧୩-୩ ଗୋଲରେ ପରାସ୍ତ କରିଥିଲା। ଛତିଶଗଡ ଦଳ ପକ୍ଷରୁ କରନ ଲାକ୍ରା ସର୍ବାଧିକ ୪ଟି ଗୋଲ ମାରିଥିଲେ। ସଞ୍ଜୀପ କୁମାର ଓ ବିଷ୍ଣୁ ୟାଦବ ଉଭୟ ହ୍ୟାଟ୍ରିକ ୩ଟି ଗୋଲ ମାରି ଦଳକୁ ୧୦-୦ ଗୋଲରେ ଆଗୁଆ ରଖିଥିଲେ। ପରେ ସୋନୁ ନିସାଦ, ଅର୍ଜୁନ ୟାଦବ ଓ ଅଧିନାୟକ ତରୁଣ ୟାଦବ ଗୋଟିଏ ଲେଖାଏଁ ଗୋଲ ମାରି ଦଳକୁ ବିଜୟୀ କରିଥିଲେ। ଆନ୍ଧ୍ରପ୍ରଦେଶ ପକ୍ଷରୁ କରଭୁ ପ୍ରଧାସାଇ, ଗିଦୁତୁରି ସାଇ ଓ ଅଖିଲ ଭିନକେତ ଗୋଟିଏ ଲେଖାଏଁ ଗୋଲ କରିଥିଲେ। ତୃତୀୟ ମ୍ୟାଚ ଉତ୍ତାଖଣ୍ଡ ଓ ହିମାଚଳ ପ୍ରଦେଶ ମଧ୍ୟରେ ଖେଳାଯାଇଥିଲା। ଉତ୍ତରାଖଣ୍ଡ ଦଳ ୧୦-୨ ଗୋଲରେ ହିମାଚଳପ୍ରଦେଶକୁ ପରାସ୍ତ କରିଥିଲା। ଉତ୍ତରାଖଣ୍ଡ ଦଳ ପକ୍ଷରୁ ଦୀପକ ସିଂ ସର୍ବାଧିକ ୪ଟି ଗୋଲ କରିଥିଲେ। ପରେ ଅନୁରାଗ କୁମାର ଓ ମହିନ୍ଦ୍ର ସିଂ ଦୁଇଟି ଲେଖାଏଁ ଗୋଲ କରିଥିଲେ। ଅମିତ ସୋରେଲ ଓ ଅଧିନାୟକ ଫିଆଜ ହୁସେନ ଗୋଟିଏ ଲେଖାଏଁ ଗୋଲ କରି ଦଳକୁ ବିଜୟୀ କରିଥିଲେ। ହିମାଚଳପ୍ରଦେଶ ପକ୍ଷରୁ ଆକାଶଦୀପ ସିଂ ଓ ଅନମୋଲ ରାଣା ଗୋଟିଏ ଲେଖାଏଁ ଗୋଲ କରିଥିଲେ। ଚତୁର୍ଥ ମ୍ୟାଚ ଓଡିଶା ଓ ଜମୁକଶ୍ମୀର ମଧ୍ୟରେ ଖେଳା ଯାଇଥିବାବେଳେ ଓଡିଶା ୧୦-୦ ଗୋଲରେ ଜମୁକଶ୍ମୀରକୁ ପରାସ୍ତ କରିଥିଲା। ଓଡିଶା ଦଳ ପକ୍ଷରୁ ଆକାଶ ସୋରେଙ୍ଗ ୩ଟି ଗୋଲ ମାରିଥିଲେ। ସେହିଭଳି ରିତିକ୍ କୁଜୁର ଓ ଅରବିନ୍ ଟୋପୋ ୨ଟି ଲେଖାଏଁ ଗୋଲ କରିଥିଲେ। ପରେ ପାଉଲ୍ସ ଲାକ୍ରା, ସିଲିଭା ଲିସମ୍, ଦୀପକ ମିଞ୍ଜ ଗୋଟିଏ ଲେଖାଏଁ ଗୋଲ କରି ଦଳକୁ ବିଜୟୀ କରିଥିଲେ। ପଞ୍ଚମ ମ୍ୟାଚ୍ ମଣିପୁର ଓ ଗୁଜୁରାଟ ମଧ୍ୟରେ ଖେଳାଯାଇଥିଲା। ଏଥିରେ ମଣିପୁର ୧୭-୦ ଗୋଲରେ ଗୁଜୁରାଟକୁ ପରାସ୍ତ କରିଥିଲା। ମଣିପୁର ଦଳର ଖେଳାଳି ଡିଙ୍ଗ୍କୁ ଶର୍ମା ସର୍ବାଧିକ ୫ଟି ଗୋଲ ମାରିଥିଲେ। ପରେ ଅଧିନାୟକ ଇନଗ୍ଲେମ୍ପା ଲୁଆଙ୍ଗୋ ହ୍ୟାଟ୍ରିକ ୩ଟି ଗୋଲ ମାରିଥିଲେ। ପ୍ରିୟବ୍ରତ ଓ ସୋମିକାନ୍ତ ସିଙ୍ଗ ଦୁଇଟି ଗୋଲ ମାରିଥିଲେ। ଶେଷ ମ୍ୟାଚ କର୍ନାଟକ ଓ ଦାଦ୍ରାନଗର ହାବେଳି ମଧ୍ୟରେ ଖେଳ ଜାରି ରହିଥିଲା।
