ଘଟଗାଁ,୯।୪(ସ୍ବ.ପ୍ର.): ଆଜିଠୁ ଆରମ୍ଭ ହୋଇଛି ପ୍ରସିଦ୍ଧ କେନ୍ଦୁଝର ଘଟଗାଁ ମା’ ତାରିଣୀଙ୍କ ଚଇତି ପର୍ବ । କରୋନା କଟକଣା ଭିତରେ ଚଳିତବର୍ଷ ଏହି ପର୍ବ ପାଳନ କରାଯାଉଛି। ଏଥିପାଇଁ ଜିଲା ପ୍ରଶାସନ ଏବଂ ମନ୍ଦିର କର୍ତ୍ତୃପକ୍ଷଙ୍କ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି। ଭୋର୍ରୁ ମା’ଙ୍କର ସ୍ନାନ ପରେ ମାଜଣା ଓ ସୁନାବେଶ ଅନୁଷ୍ଠିତ ହୋଇଥିଲା। ପରେ ଆଳତି କରାଯାଇ ଭକ୍ତଙ୍କୁ ଦର୍ଶନ ପାଇଁ ଅନୁମତି ଦିଆଯାଇଛି।
୧୫ ତାରିଖ ଯାଏ ଏହି ପର୍ବ ଚାଲିବ। ଶୁକ୍ରବାରଠାରୁ ୧୨ ତାରିଖ ଯାଏ ମନ୍ଦିର ଖୋଲା ୧୩ ଓ ୧୪ ତାରିଖ ମନ୍ଦିର ବନ୍ଦ ରହିବ। ଆସନ୍ତା ୧୫ ତାରିଖରେ ଭକ୍ତମାନେ ମା’ଙ୍କର ଦର୍ଶନ କରି ପାରିବେ। ଶ୍ରଦ୍ଧାଳୁ ସକାଳ ୭ଟାରୁ ମଧ୍ୟାହ୍ନ ୧୨ଟା ୩୦ ଏବଂ ଅପରାହ୍ନ ୩ଟା ୩୦ରୁ ସା ୭ଟା ଯାଏ ମା’ଙ୍କ ଦର୍ଶନ କରିପାରିବେ। ପ୍ରବଳ ଭିଡ଼କୁ ଦୃଷ୍ଟିରେ ରଖି ପଣା ସଂକ୍ରାନ୍ତିରେ ମା’ଙ୍କ ଦର୍ଶନ ବନ୍ଦ ରହିବ।
