ମୁମ୍ବାଇ,୯।୪: କରୋନା ଭାଇରସ୍ ସଙ୍କଟ ବୃଦ୍ଧି ପାଇବା ପରେ ଦେଶରେ ପୁଣି ଥରେ କଡ଼ା ପଦକ୍ଷେପ ଗ୍ରହଣ କରାଯାଇଛି। ଦେଶର ବିଭିନ୍ନ ସ୍ଥାନରେ ନାଇଟ କର୍ଫ୍ୟୁ ଲାଗୁ ହୋଇଥିବା ବେଳେ କେତେକ ରାଜ୍ୟରେ ଲକ୍ଡାଉନ ଘୋଷଣା କରାଯାଇଛି। ଏହି କ୍ରମରେ ମହାରାଷ୍ଟ୍ରରେ ଶୁକବ୍ରାରଠାରୁ ଲକ୍ଡାଉନ ଆରମ୍ଭ ହେଉଛି। ଏହି ଲକ୍ଡାଉନ ଶୁକ୍ରବାର ସନ୍ଧ୍ୟାରୁ ଆରମ୍ଭ ହୋଇ ସୋମବାର ସକାଳେ ଶେଷ ହେବ। କରୋନା ବ୍ୟାପିବାରୁ ରୋକିବା ପାଇଁ ରାଜ୍ୟସରକାର ଏଭଳି ପଦକ୍ଷେପ ନେଇଥିବା ବେଳେ ଲୋକେ କିନ୍ତୁ ଏହାର ବିପରୀତ ପନ୍ଥା ଅପଣାଇଛନ୍ତି। ଲକ୍ଡାଉନ ଲାଗୁ ହେବା ପୂର୍ବରୁ ନିଜ ଘରେ ଆଗୁଆ ଖାଦ୍ୟ ସାମଗ୍ରୀ ଆଣିବା ପାଇଁ ବଜାରରେ ପହଞ୍ଚିଛନ୍ତି। ଯାହା ଏବେ ସରକାରଙ୍କ ପାଇଁ ଆହୁରି ଅଡ଼ୁଆ ସୃଷ୍ଟି କରିଛି। ସୂଚନା ମୁତାବକ ଶୁକ୍ରବାର ସକାଳେ ଦାଦର ବଜାରରେ ଲୋକଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା। ମହାରାଷ୍ଟ୍ର ଏବେ କରୋନାର ହଟସ୍ପଟ ପାଲଟିଥିବା ବେଳେ ଲୋକମାନେ ଉକ୍ତ ବଜାରରେ ସାମାଜିକ ଦୂରତ୍ୱ ରକ୍ଷା ନ କରି କିଣାକିଣି କରୁଥିବା ଦୃଶ୍ୟ ନଜର ଆସିଛି।
