Posted inଜାତୀୟ

ଲମ୍ପି ବ୍ୟାପୁଛି: ମଲେଣି ୭୫ ହଜାର ଗୋରୁ

ନୂଆଦିଲ୍ଲୀ,୧୫।୯ : କରୋନା ମହାମାରୀ ସମଗ୍ର ମାନବ ଜାତି ପାଇଁ ଅଭିଶାପ ପାଲଟିଥିବାବେଳେ ଗୋରୁଙ୍କ ଭଳି ଗୃହପାଳିତ ପ୍ରାଣୀଙ୍କ ଲାଗି ଘାତକ ସାଜିଛି ଲମ୍ପି ଭାଇରସ୍‌। ଗୁଜରାଟର କଚ୍ଛ ଅଞ୍ଚଳରେ ପ୍ରଥମେ ଚିହ୍ନଟ ହୋଇଥିବା ଲମ୍ପି ଭାଇରସ୍‌ ପରବର୍ତ୍ତୀ ସମୟରେ ଦେଶର ବିଭିନ୍ନ ଭାଗକୁ ମାଡ଼ିବାରେ ଲାଗିଛି। ଗୁଜରାଟ, ରାଜସ୍ଥାନ ସମେତ ଉତ୍ତର ପ୍ରଦେଶ, ମଧ୍ୟପ୍ରଦେଶ ଆଦି ରାଜ୍ୟରେ ଲମ୍ପି ଆତଙ୍କ ଦେଖି ଚାଷୀକୁଳ ଚିନ୍ତାରେ ପଡ଼ିଯାଇଛନ୍ତି। କାରଣ ଗତ ଜୁଲାଇରୁ ଅଦ୍ୟାବଧି ଏହି ଭୂତାଣୁରେ ସଂକ୍ରମିତ ପ୍ରାୟ ୭୫,୦୦୦ ଗୋରୁଙ୍କ ମୃତ୍ୟୁ ଘଟିସାରିଲାଣି। ଏଥିରୁ ସର୍ବାଧିକ ୫୦,୦୦୦ ଗୋରୁ ରାଜସ୍ଥାନର। ସଂକ୍ରମିତ ଗୋରୁଙ୍କ ମୃତ୍ୟୁହାର ୮-୧୦%ରେ ପହଞ୍ଚତ୍ଛି।
ଗୋମହିଷାଦିଙ୍କୁ ହେଉଥିବା ଚର୍ମବିଣ୍ଡି (ଲମ୍ପି) ଭୂତାଣୁଜନିତ ରୋଗ, ଯାହାକି ଲୋକଙ୍କୁ ପ୍ରଭାବିତ କରି ନ ଥାଏ। ଏହା ମଶା ଓ ମାଛିଙ୍କଠାରୁ ସଂକ୍ରମିତ ହୋଇ ଗୋରୁଙ୍କୁ ଆକ୍ରାନ୍ତ କରିଥାଏ। ଫଳରେ ସଂକ୍ରମିତ ଗୋରୁ ଚର୍ମରେ ଗଣ୍ଠି ପଡ଼ିବା ସହ ଘା’ ସୃଷ୍ଟି ହୋଇଥାଏ। ରାଜସ୍ଥାନ ଓ ଗୁଜରାଟରେ ଲମ୍ପି ସଂକ୍ରମିତ ଗୋରୁଙ୍କୁ ନେଇ ସଂଗୃହୀତ ଡ୍ରୋନ୍‌ ଫୁଟେଜ୍‌ରୁ ଉଦ୍‌ବେଗଜନକ ଚିତ୍ର ସାମ୍ନାକୁ ଆସିଛି। ଗତ ଜୁଲାଇରୁ ବର୍ତ୍ତମାନ ସୁଦ୍ଧା ୮ ପ୍ରଭାବିତ ରାଜ୍ୟରେ ଏହି ରୋଗ ଦ୍ରୁତଗତିରେ ବ୍ୟାପିଚାଲିଥିବା ଜଣାପଡ଼ିଛି। ଏହି ରାଜ୍ୟଗୁଡ଼ିକରେ ଲମ୍ପି ସଂକ୍ରମିତ ଗୋରୁଙ୍କୁ ‘ଗୋଟ୍‌ ପକ୍ସ ଭାକ୍ସିନ’ ଦିଆଯାଉଛି। ଏହି ଟିକା ଲମ୍ପି ଚର୍ମରୋଗ ପାଇଁ ଶତ ପ୍ରତିଶତ କାମ କରୁଥିବା କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି। ରାଜସ୍ଥାନରେ ୫୦,୦୦୦ ଗୋରୁ ଲମ୍ପିରେ ଆକ୍ରାନ୍ତ ହୋଇ ଆଖି ବୁଜିସାରିଲେଣି। ଏଠାରେ ଦୈନିକ ୬୦୦-୭୦୦ ଗୋରୁଙ୍କ ମୃତ୍ୟୁ ଘଟୁଥିବା ଜଣେ ଅଧିକାରୀ କହିଛନ୍ତି।

ମହାରାଷ୍ଟ୍ର ସରକାର ଏହାର ନିରାକରଣ ଉପାୟ ଖୋଜିବା ପାଇଁ ଏକ ସ୍ବତନ୍ତ୍ର ଟାସ୍କଫୋର୍ସ ଗଠନ କରିଛନ୍ତି। ଏଥିସହ ଜଲଗାଓଁ ଏବଂ ଅମରାବତୀ ଭଳି ଅଞ୍ଚଳ ଉପରେ ସ୍ବତନ୍ତ୍ର ଦୃଷ୍ଟି ଦିଆଯାଉଛି। ଦକ୍ଷିଣ କଶ୍ମୀରରେ ୩୦,୦୦୦ ଗାଈ ସଂକ୍ରମିତ ହୋଇଛନ୍ତି। ଅନନ୍ତନାଗ ଜିଲା ମହମୁଦାବାଦ ନିବାସୀ ମହମ୍ମଦ ଇକ୍‌ବାଲ କହିଛନ୍ତି, କ୍ଷୀର ବିକି ପରିବାର ଚଳାଇବା ଛଡ଼ା ଅନ୍ୟ ଉପାୟ ନାହିଁ। କିନ୍ତୁ ଗାଈକୁ ଚର୍ମରୋଗ ହେବା ପରେ କ୍ଷୀର ଦେବା ବନ୍ଦ କରିଦେଇଛି। ଫଳରେ ପରିବାର ଚଳାଇବା ତାଙ୍କ ପକ୍ଷେ କଷ୍ଟକର ହେଲାଣି। ଅନୁକ୍ରମରେ ସଂକ୍ରମିତ ରୋରୁଙ୍କଠାରୁ ଭୂତାଣୁ ଯେପରି ନ ବ୍ୟାପିବ ତାହା ସୁନିଶ୍ଚିତ କରିବା ବର୍ତ୍ତମାନ ସବୁଠୁ ବଡ଼ ଚ୍ୟାଲେଞ୍ଜ ପାଲଟିଛି। ଲମ୍ପି ସଂକ୍ରମଣରେ ଗୃହପାଳିତ ପ୍ରାଣୀର ଜୀବନ ଚାଲିଗଲେ ତାକୁ କିପରି ସୁରକ୍ଷିତ ଭାବେ ଓ କେଉଁ ସ୍ଥାନରେ ଫୋପଡ଼ାଯିବ ତାହା ଆଉ ଏକ ମୁଣ୍ଡବ୍ୟଥା। ଏହି ଭାଇରସ୍‌ ସଂସ୍ପର୍ଶରେ ଆସିଥିବା ଗୋରୁଙ୍କଠାରେ ଜ୍ୱର ଦେଖାଯିବା ସହ ଦୁଗ୍ଧ ଉତ୍ପାଦନ କ୍ଷମତା ୫୦% ପର୍ଯ୍ୟନ୍ତ ହ୍ରାସ ପାଇଥାଏ। ବିପଦ ଆଶଙ୍କା କରି ଲମ୍ପି ସଂକ୍ରମିତ ଗୋରୁଙ୍କ କ୍ଷୀର ମଧ୍ୟ କିଣିବାକୁ ଲୋକେ ଆଗ୍ରହ ପ୍ରକାଶ କରୁନାହାନ୍ତି। କ୍ଷୀରକୁ ଭଲ ଭାବେ ଫୁଟାଇବା ପରେ ବ୍ୟବହାର କରିବା ନିରାପଦ ବୋଲି ପ୍ରାଣୀ ଚିକିତ୍ସକମାନେ ମତ ଦେଇଛନ୍ତି। ତେବେ ଏହା ମଣିଷଙ୍କୁ ପ୍ରଭାବିତ କରୁ ନ ଥିବା କେତେଜଣ ବିଶେଷଜ୍ଞ କହିଛନ୍ତି।
ଅନ୍ୟପକ୍ଷେ ଲମ୍ପି ପ୍ରଭାବିତ ରାଜ୍ୟଗୁଡ଼ିକର ଚାଷୀ ନିଜ ଗୋରୁଙ୍କୁ ନେଇ ଚିନ୍ତିତ ହୋଇଯାଇଛନ୍ତି। ଏହାର ନିରାକରଣ ପାଇଁ ଭାରତରେ ଏକ ଟିକା ବିକଶିତ ହୋଇଛି। ଆସନ୍ତା ୩ରୁ ୪ ମାସ ମଧ୍ୟରେ ଏହା ଉପଲବ୍ଧ ହେବ ବୋଲି ଜଣାପଡ଼ିଛି। କେନ୍ଦ୍ର ସରକାର ୨୦୨୫ ସୁଦ୍ଧା ଦେଶର ସମସ୍ତ ଗୃହପାଳିତ ପ୍ରାଣୀଙ୍କୁ ୧୦୦% ଟିକାକରଣ କରିବାକୁ ଲକ୍ଷ୍ୟ ରଖିଥିବା ଚଳିତ ସପ୍ତାହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିମାନରେ ଛୋଟ ପିଲାଙ୍କୁ ଅଭିଭାବକଙ୍କ ପାଖରେ ବସାଇବା ବାଧ୍ୟତାମୂଳକ

ନୂଆଦିଲ୍ଲୀ,୨୪ା୪:ବିମାନରେ ୧୩ ବର୍ଷରୁ କମ୍‌ ବୟସର ପିଲାମାନେ ଯେପରି ସେମାନଙ୍କ ମାଆବାପା କିମ୍ବା ଅଭିଭାବକଙ୍କ ପାଖ ସିଟ୍‌ରେ ବସନ୍ତି, ତାହା ସୁନିଶ୍ଚିତ କରିବାକୁ ବେସାମରିକ ବିମାନ...

ଦ୍ୱିତୀୟ ପର୍ଯ୍ୟାୟ ଭୋଟ ପାଇଁ ଆଜି ସରିବ ପ୍ରଚାର, ୮୮ ଆସନରେ ହେବ ମତଦାନ

ନୂଆଦିଲ୍ଲୀ,୨୪।୪: ଲୋକ ସଭା ନିର୍ବାଚନ ୨୦୨୪ ପାଇଁ ଦ୍ୱିତୀୟ ପର୍ଯ୍ୟାୟ ଭୋଟ ପାଇଁ ଗଣନା ଆରମ୍ଭ ହୋଇଯାଇଛି। ଦ୍ୱିତୀୟ ପର୍ଯ୍ୟାୟ ପାଇଁ ନିର୍ବାଚନୀ ପ୍ରଚାର ଆଜି...

ରାସେଶ୍ୱରୀଙ୍କ ଇସ୍ତଫା ନେଇ ବିଜେଡିକୁ ଝଟକା ଚର୍ଚ୍ଚା

ସମ୍ବଲପୁର,୨୪ା୪(ପ୍ରମୋଦ ବହିଦାର):ସମ୍ବଲପୁରର ପୂର୍ବତନ ବିଧାୟିକା ଡା. ରାସେଶ୍ୱରୀ ପାଣିଗ୍ରାହୀ ମଙ୍ଗଳବାର ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ସମ୍ବଲପୁର ବିଧାନ ସଭା ଓ ଲୋକ...

ନୁଡୁଲ୍ସ ପ୍ୟାକେଟ୍‌ରୁ ୨ କୋଟିର ହୀରା ଜବତ

ମୁମ୍ବାଇ,୨୪ା୪:ସୀମାଶୁଳ୍କ ବିଭାଗ ଅଧିକାରୀମାନେ ମୁମ୍ବାଇ ବିମାନବନ୍ଦରରୁ ୬.୪୬ କୋଟି ଟଙ୍କାର ସୁନା ଓ ହୀରା ଜବତ କରିଛନ୍ତି। ଜଣେ ଯାତ୍ରୀ ନୁଡୁଲ୍ସ ପ୍ୟାକେଟରେ ହୀରାକୁ ଲୁଚାଇଥିବାବେଳେ...

ପବନକୁ ସମ୍ଭାଳି ପାରିଲାନି ବ୍ରିଜ୍‌

ହାଇଦ୍ରାବାଦ୍‌,୨୪ା୪:ତେଲଙ୍ଗାନାର ପେଦ୍ଦାପଲ୍ଲୀରେ ସୋମବାର ରାତି ୯ଟା ୪୫ରେ ଏକ ନିର୍ମାଣାଧୀନ ବ୍ରିଜ୍‌ ପବନକୁ ସମ୍ଭାଳି ନ ପାରି ଭୁଶୁଡ଼ିପଡ଼ିଛି। ଉକ୍ତ ବ୍ରିଜ୍‌ର ଏକ ଅଂଶ ଭାଙ୍ଗିଯାଇଛି।...

ମତଦାନ କମିବା ଆଶଙ୍କା

ନୂଆଦିଲ୍ଲୀ,୨୪ା୪: ଲୋକ ସଭା ନିର୍ବାଚନରେ ବିଜୟୀ ହୋଇ ଭାଜପା ତୃତୀୟ ଥର ସରକାର ଗଢ଼ିବାକୁ ଲକ୍ଷ୍ୟ ରଖିଥିବାବେଳେ ଏହାକୁ ଅଟକାଇବା ପାଇଁ ଇଣ୍ଡିଆ ମେଣ୍ଟ ଜୋର୍‌ଦାର...

ଏସିଆ ଦେଶରେ ଅଧିକ ପଡିଲା ଜଳବାୟୁ ପରିବର୍ତ୍ତନର ପ୍ରଭାବ, ୨ ମାସରେ ଭାରତରେ ୧୦୦ରୁ ଅଧିକ ମୃତ୍ୟୁ: ରିପୋର୍ଟ

ନୂଆଦିଲ୍ଲୀ/ଜେନେଭା,୨୩।୪: ସର୍ବାଧିକ ବିପର୍ଯ୍ୟୟ ପ୍ରଭାବିତ ଅଞ୍ଚଳ ସମ୍ପର୍କରେ ମିଳିତ ଜାତିସଂଘ (ଜାତିସଂଘ) ରିପୋର୍ଟ ପ୍ରକାଶ ପାଇଛି। ଏହି ଅନୁଯାୟୀ, ୨୦୨୩ରେ ପାଗ, ଜଳବାୟୁ ଏବଂ ଜଳ...

କଂଗ୍ରେସ ଶାସନ ସମୟରେ କାହିଁକି ପାକିସ୍ତାନ ଆକ୍ରମଣର ଜବାବ ଦିଆଯାଇ ନ ଥିଲା, କାରଣ କହିଲେ ଶାହା

ନୂଆଦିଲ୍ଲୀ,୨୩।୪: ଲୋକ ସଭା ନିର୍ବାଚନ -୨୦୨୪ର ଦ୍ୱିତୀୟ ପର୍ଯ୍ୟାୟ ପାଇଁ ଅଭିଯାନ ଜୋରସୋରରେ ଚାଲିଛି। କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ମଙ୍ଗଳବାର ମହାରାଷ୍ଟ୍ରର ଆକୋଲା ଠାରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri