ଆଇଆଇଏଫ୍‌ଏଲ୍‌ରୁ ଲୁଟ ଘଟଣା:ସଂସ୍ଥାର ମହିଳା ଅଧିକାରୀଙ୍କ ସମେତ ୭ ଗିରଫ

କଟକ ଅଫିସ,୨୬ା୧୧:କଟକ ନୟାସଡ଼କ ଅଞ୍ଚଳରେ ଥିବା ଅର୍ଥ ଲଗାଣକାରୀ ସଂସ୍ଥା ଇଣ୍ଡିଆନ ଇନ୍‌ଫୋଲାଇନ ଫାଇନାନ୍ସ ଲିମିଟେଡ(ଆଇଆଇଏଫ୍‌ଏଲ୍‌) ଶାଖାରୁ ଲୁଟ୍‌ ଘଟଣାରେ ଦିନକୁ ଦିନ ନୂଆ ତଥ୍ୟ ପଦାକୁ ଆସୁଛି। ଏଥିରେ ସଂସ୍ଥାର କର୍ମଚାରୀ ଲାଲା ଅମ୍ରିତ ରାୟ ସମ୍ପୃକ୍ତ ଥିବା ମଙ୍ଗଳବାର ଜଣାପଡ଼ିବା ପରେ ବୁଧବାର ଉକ୍ତ ସଂସ୍ଥାର ଜଣେ ମହିଳା ଅଧିକାରୀ ସାମିଲ ଥିବା ପୋଲିସ ଜାଣିବାକୁ ପାଇଥିଲା। ଏହି ଘଟଣାରେ ଲାଲାଙ୍କ ସମେତ ୭ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ମର୍କତନଗର ଥାନା ଅଞ୍ଚଳରେ ରହୁଥିବା ଲାଲା ଅମ୍ରିତ ରାୟ, କିଶୋରନଗର ଥାନା ବିଲାହାଟ ବିଶ୍ୱନାଥପୁରର ବାପି ଓରଫ ରଞ୍ଜନ କୁମାର ବେହେରା, ପ୍ରକାଶ କୁମାର ସାହୁ, ପବିତ୍ର କୁମାର ବେହେରା, ରାଜକିଶୋର ସାହୁ, ପୁରୀଘାଟ ଥାନା ଭଗତପୁରର ନିଳିମା ଲେଙ୍କା ଓ ଜଗତ୍‌ପୁର ବହୁଗ୍ରାମର ବାପି ଓରଫ ସନ୍ତୋଷ ଭୋଇ। ଏହି ଘଟଣାରେ ସମ୍ପୃକ୍ତ ସଂସ୍ଥାର ମହିଳା ଅଧିକାରୀ ନୀଳିମା ମାଷ୍ଟର ମାଇଣ୍ଡ ଥିବା ଜଣାପଡ଼ିଛି। ପୋଲିସ ଅଭିଯୁକ୍ତଙ୍କଠାରୁ ୩ କେଜି ଓଜନର ସୁନାଗହଣା, ଗୋଟିଏ ଦାମୀ କାର, ୫ଲକ୍ଷ ଟଙ୍କା, ୨ଟି ବାଇକ୍‌, ଗୋଟିଏ ବୁଲେଟ୍‌ ଓ ଅନ୍ୟାନ୍ୟ ସାମଗ୍ରୀ ଜବତ କରିଛି। ସମ୍ପୃକ୍ତ ମହିଳା ଅଧିକାରୀଜଣକ କର୍ମଚାରୀ ଲାଲାଙ୍କ ସହଯୋଗରେ ଏହି ଲୁଟ କରିବାରେ ସଫଳ ହୋଇଥିଲେ ବୋଲି ଡିସିପି ପ୍ରତୀକ୍‌ ସିଂ ସୂଚନା ଦେଇଛନ୍ତି।
ମିଳିଥିବା ସୂଚନା ଅନୁଯାୟୀ, ଲାଲା ଦୀର୍ଘ ୪ ବର୍ଷ ହେବ ଏଭଳି ହେରଫେର କରୁଥିଲେ। ଏଥିରେ ତାଙ୍କୁ ସହଯୋଗ କରୁଥିଲେ ନୀଳିମା। ଉଭୟ ମିଶି ଲୁଟ୍‌ ଯୋଜନାର ମାଷ୍ଟର ପ୍ଲାନ ପ୍ରସ୍ତୁତ କରିଥିଲେ। ନୀଳିମା ଉକ୍ତ ସଂସ୍ଥାରେ କ୍ୱାଲିଟି ଚେକ୍‌ ଅଫିସର ଭାବେ କାମ କରୁଛନ୍ତି। ସଂସ୍ଥାରେ ବନ୍ଧକ ରଖାଯାଉଥିବା ସୁନା ଅସଲି କି ନକଲି ତାହା ଯାଞ୍ଚ କରିବା ନିଳିମାଙ୍କ କାମ ଥିଲା। ଲାଲା ବନ୍ଧକ ରଖାଯାଉଥିବା ସୁନାକୁ ନେଇ ଅନ୍ୟ ଅର୍ଥଲଗାଣକାରୀ ସଂସ୍ଥାରେ ବନ୍ଧକ ରଖି ମୋଟା ଅଙ୍କର ଋଣ ଆଣୁଥିଲେ। ଏଭଳି ଭାବେ ସେ କଟକର ଅନେକ ସଂସ୍ଥାରେ ସୁନା ବନ୍ଧକ ରଖି ଋଣ ଆଣିଛନ୍ତି। ଅର୍ଥାତ୍‌ ଗୋଟିଏ ସୁନା ଉପରେ ଡବଲ ଋଣ। ଅଡିଟ୍‌ ବେଳେ ନକଲି ସୁନା ଅଳଙ୍କାର ମିଶାଇ ଦେଖାଉଥିଲେ। ଯାହାଫଳରେ ସୁନାର ପରିମାଣ ଉପରେ କୌଣସି ସନ୍ଦେହ କରାଯାଇ ପାରୁନଥିଲା। ଏହାଛଡା ନକଲି କାଗଜପତ୍ର ଓ ପ୍ରମାଣପତ୍ର ବ୍ୟବହାର କରି ସୁନା ହେରଫେର କରୁଥିଲେ। ତେବେ ସଂସ୍ଥାରେ ନୂଆ ଅଡିଟର ଯୋଗଦେବା ପରେ ଦୁହିଁଙ୍କ କଳାକାରନାମା ଧରାପଡିଯିବା ଭୟ ରହିଥିଲା। ତେଣୁ ଉଭୟ ଲୁଟ୍‌ ଯୋଜନା ରଚିଥିଲେ। ପୂର୍ବ ଯୋଜନା ମୁତାବକ, ଗତ ୧୯ ତାରିଖ ପୂର୍ବାହ୍ନ ୯.୪୫ରେ ୪ ଦୁର୍ବୃତ୍ତ ମୁହଁରେ ମାସ୍କ ଓ ହେଲମେଟ୍‌ ପିନ୍ଧି କାର୍ଯ୍ୟାଳୟ ଭିତରେ ପଶିଥିଲେ। ଏହି ସମୟରେ ଲାଲା ଓ ନିଳିମା କିଛି ନ ଜାଣିଲା ଭଳି ଅଭିନୟ କରିଥିଲେ। ଦୁର୍ବୃତ୍ତମାନେ ବନ୍ଧୁକ ଦେଖାଇବାରୁ ଦୁହେଁ ଭୟଭୀତ ହେଲା ଭଳି ଅଭିନୟ କରି ଲକ୍କର ଚାବି ଦେଇଦେବାକୁ କହିଥିଲେ। ଏଥିସହିତ ଲାଲା ଦୁର୍ବୃତ୍ତମାନଙ୍କ ସହ ଲକ୍କରକୁ ଯାଇ ସୁନା ଅଳଙ୍କାରକୁ ବ୍ୟାଗରେ ଦେଇଥିଲେ। ଏପରି କି ଲୁଟ୍‌ ଘଟଣାକୁ ସଫଳ ରୂପ ଦେବା ଲାଗି ଲାଲା ଦୁଇଦିନ ଆଗରୁ ସଂସ୍ଥା କାର୍ଯ୍ୟାଳୟରେ ଲାଗିଥିବା ସିସିଟିଭି ଓ ଆଲାର୍ମକୁ ଅଚଳ କରିଦେଇଥିଲେ। ତଦନ୍ତ ବେଳେ ଘଟଣା ଦିନ ରାତିରେ ଲାଲା ପେଟାନାଳରେ ଫିଙ୍ଗିଥିବା କିଛି ସୁନାକୁ ମଧ୍ୟ ପୋଲିସ ଜବତ କରିଛି। ସେହିପରି ବୁଧବାର ଅନ୍ୟ ଏକ ଅର୍ଥଲଗାଣକାରୀ ସଂସ୍ଥାରେ ଚଢାଉ କରି ପୋଲିସ୍‌ ବିପୁଳ ପରିମାଣର ସୁନା ଜବତ କରିଛି। ଅନ୍ୟପକ୍ଷରେ ପ୍ରକୃତରେ ଲୁଟ୍‌ ଦିନ ସଂସ୍ଥାର ଲକରରେ କେତେ ପରିମାଣର ସୁନା ଥିଲା ତାହା ସ୍ପଷ୍ଟ ହୋଇନାହିଁ। ଲାଲା ହେର୍‌ଫେର୍‌ କରିଥିବା ଅର୍ଥରେ ନାମୀଦାମୀ ହୋଟେଲରେ ରହିବା ସହ ଦାମୀ ଗାଡି ଚଢି ଅୟେଶ କରୁଥିଲେ। ଏନେଇ ଅଭିଯୋଗ ହେବା ପରେ ପୋଲିସ ଏକ ମାମଲା ରୁଜୁ କରିଥିଲା।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?