ଜରିମାନା ଦେବାକୁ ଲୁଟ୍‌ ଜୋରଦାର

ଯାଜପୁର ଅଫିସ,୨୧ା୫: ଯାଜପୁର ଜିଲା ଧର୍ମଶାଳା ତହସିଲ ଅଞ୍ଚଳରେ ମୂଲ୍ୟବାନ କଳାପଥର ଚୋରି ଏବେ ଆହୁରି ଜୋର ଧରିଛି। ବିଭିନ୍ନ ପର୍ଯ୍ୟାୟରେ ୨୨ ଜଣ ଲିଜ୍‌ଧାରୀଙ୍କୁ ୩୨୦ କୋଟି ଟଙ୍କା ଜରିମାନା ନିର୍ଦ୍ଦେଶ ହେବା ପରେ ଏପରି ପରିସ୍ଥିତି ସୃଷ୍ଟି ହୋଇଛି। ଉକ୍ତ ଜରିମାନା ରାଶି ଭରିବାକୁ ଲିଜ୍‌ଧାରୀମାନେ ଜିଲା ପ୍ରଶାସନ, ତହସିଲଦାର ଏବଂ ସମ୍ପୃକ୍ତ ଥାନାଧିକାରୀଙ୍କ ଚାନ୍ଦା ପରିମାଣକୁ ଦ୍ୱିଗୁଣିତ କରି ଦିନରାତି ଲୁଟ୍‌ କରୁଥିବା ଅଭିଯୋଗ ହେଉଛି। ଏନେଇ ଅଞ୍ଚଳବାସୀ ତହସିଲଦାରଙ୍କ ହ୍ବାଟ୍‌ସଆପ ନମ୍ବରକୁ ନିୟମିତ ଭାବେ କଳାପଥର ଲୁଟ୍‌ ହେଉଥିବା ଫଟୋ ଓ ଭିଡିଓ ପଠାଉଥିଲେ ହେଁ କୌଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ। ବରଂ ରାଜ୍ୟର ବିପୁଳ ଲଘୁ ଖଣିଜ ସମ୍ପଦ ଲୁଟ୍‌ କରୁଥିବା ଲିଜ୍‌ଧାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସ୍ଥାନୀୟ ଅଞ୍ଚଳବାସୀଙ୍କ ଲିଖିତ ଅଭିଯୋଗକୁ ଉପେକ୍ଷା କରାଯାଉଛି। ଏଥିରୁ ଲିଜ୍‌ଧାରୀଙ୍କୁ ପରୋକ୍ଷ ସହଯୋଗ କରିବାରେ ପ୍ରଶାସନ ଅତି ଚାଲାକି କରୁଥିବା ମତପ୍ରକାଶ ପାଉଛି।
ଲଘୁ ଖଣିଜ ଦ୍ରବ୍ୟ ଚୋରି ନିବାରଣ ପାଇଁ ପ୍ରଶାସନ ପକ୍ଷରୁ ସାଟେଲାଇଟ୍‌ ମାପଚୁପ କରାଯାଇ ଅନୁମୋଦନଠାରୁ ଅଧିକ କଳାପଥର ଉତ୍ତୋଳନ କରିଥିବା ଲିଜ୍‌ଧାରୀଙ୍କୁ ଜରିମାନା ନିର୍ଦ୍ଦେଶ କରାଯାଉଛି। ଏଥିପାଇଁ ଯାଜପୁର ଉପଜିଲାପାଳ ଓ ଯାଜପୁର ରୋଡ୍‌ ଡେପୁଟି ଡାଇରେକ୍ଟର ଅଫ ମାଇନ୍ସ(ଡିଡିଏମ୍‌)ଙ୍କୁ ନେଇ ଜଏଣ୍ଟ ଡିଷ୍ଟ୍ରିକ୍ଟ ଆସେସ୍‌ମେଣ୍ଟ କମିଟି ଗଠନ କରାଯାଇଛି। ଏହିକ୍ରମରେ ଆରୁହା ପାହାଡ଼ର ସୈରାତ ନମ୍ବର ୩୪/୨୦୨୧-୨୨ରୁ ଲିଜଧାରୀ ମନୋଜ ସାମଲଙ୍କୁ ୫ ବର୍ଷ ପାଇଁ ୭୦ ହଜାର ଘନମିଟର ଉତ୍ତୋଳନ କରିବାକୁ ଅନୁମତି ମିଳିଥିବାବେଳେ ମାତ୍ର ୯ ମାସରେ ୧ ଲକ୍ଷ ୨୨ ହଜାର ୧୧୨ ଘନମିଟର କଳାପଥର ଉତ୍ତୋଳନ କରିଛନ୍ତି। ମାପଚୁପରେ ଏହା ଜଣାପଡ଼ିବା ପରେ ଧର୍ମଶାଳା ତହସିଲଦାର ୧୫ା୪ା୨୦୨୩ରେ କାରଣ ଦର୍ଶାଅ ନୋଟିସ ଏବଂ ୧୦ା୫ା୨୦୨୩ରେ ଲିଜ୍‌ଧାରୀଙ୍କୁ ୮ କୋଟି ୬୩ ଲକ୍ଷ ୩୩ ହଜାର ୯୧୯ ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି। ଆଇନ ଅନୁସାରେ କାରଣ ଦର୍ଶାଅ ନୋଟିସର ୧୫ ଦିନ ପରେ ଡିମାଣ୍ଡ ନୋଟିସ, ଡିମାଣ୍ଡ ନୋଟିସର ୧୫ ଦିନ ପରେ ଖାଦାନ କ୍ଲୋଜର ସହ ଲିଜ୍‌ଧାରୀଙ୍କ ବିରୋଧରେ ଥାନାରେ ଏଫ୍‌ଆଇଆର୍‌ ଏବଂ କ୍ଲୋଜର ନୋଟିସର ୧୫ ଦିନ ପରେ ଲିଜ୍‌ଧାରୀଙ୍କ ନାମରେ ସାର୍ଟିଫିକେଟ କେସ୍‌ ରୁଜୁ ହେବା କଥା। ଯାଜପୁର ଜିଲା ପ୍ରଶାସନ ଲିଜ୍‌ଧାରୀଙ୍କୁ ସୁରକ୍ଷା ଦେବାକୁ ଯାଇ ଏହି ଆଇନକୁ ଖୋଲାଖୋଲି ଉଲ୍ଲଂଘନ କରିଛନ୍ତି। ଫଳରେ ଲିଜ୍‌ଧାରୀମାନେ ସମୟ ପାଇ ଖାଦାନଗୁଡ଼ିକରୁ ପୁଣି ବହୁ ପରିମାଣରେ ଲୁଟ୍‌ ଜାରି ରଖିଛନ୍ତି। ଖାଦାନଗୁଡ଼ିକର ଚାରିପଟେ କେତେଜଣ ଯୁବକଙ୍କୁ ମୁତୟନ କରି ଦିନରେ କମ୍ପ୍ରେସର ହୋଲ, ସନ୍ଧ୍ୟାରେ ବ୍ଲାଷ୍ଟିଂ ଏବଂ ରାତିସାରା ଲୋଡିଂ ହେଉଛି। ଢେଙ୍କାନାଳ ଜିଲା ଚଡକମରା କ୍ରଶର ଏବଂ କାଏମା ନଦୀବନ୍ଧ କାର୍ଯ୍ୟରେ ବହୁ କୋଟି ଟଙ୍କାର ଉକ୍ତ ବେଆଇନ କଳାପଥର ବ୍ୟବହାର କରାଯାଉଛି। ଏଥିପାଇଁ ଲିଜ୍‌ଧାରୀ ନକଲି ଆର୍‌ ଫର୍ମ ବ୍ୟବହାର କରୁଥିଲେ ହେଁ ପ୍ରଶାସନ ଓ ପୋଲିସ ଜାଣିଶୁଣି ନୀରବ ବସିଛନ୍ତି। ଏହିସବୁ ବେଆଇନ କାର୍ଯ୍ୟରେ ପ୍ରଭାବଶାଳୀ ନେତାଙ୍କ ସମ୍ପୃକ୍ତି ଥିବାରୁ ପ୍ରଶାସନ ହାତ ମାରିବାକୁ ସାହସ ଜୁଟାଇ ପାରୁ ନ ଥିବା ଆଲୋଚନା ହେଉଛି।
ଅନୁମତିଠାରୁ ଅଧିକ ଉତ୍ତୋଳନ ପାଇଁ ଲୁଣିବର ପାହାଡ଼ର କଳାପଥର ଖାଦାନ ଲିଜ୍‌ଧାରୀ ରଙ୍ଗାଧର ପ୍ରଧାନଙ୍କୁ ୧୬ କୋଟି, ଗଙ୍ଗାଧର ଓଝାଙ୍କୁ ୧୯ କୋଟି ଏବଂ ରାହାପୁର ପାହାଡ଼ ଖାଦାନ ଲିଜ୍‌ଧାରୀ ପ୍ରହଲ୍ଲାଦ ଲେଙ୍କାଙ୍କୁ ୧୬ କୋଟି ଟଙ୍କା ଜରିମାନା ହୋଇଛି। ଅନୁରୂପ ଭାବେ ଅଞ୍ଜିରା ଖାଦାନ ଲିଜ୍‌ଧାରୀ କୃଷ୍ଣ ସାହୁ, ବରଡ଼ା ଖାଦାନ ଲିଜ୍‌ଧାରୀ ଅଜିତ ସାହୁଙ୍କୁ ମଧ୍ୟ ଜରିମାନା ଦେବାକୁ ନୋଟିସ୍‌ ହୋଇଛି। ତଥାପି କୌଣସି ଖାଦାନରୁ ବେଆଇନ ଉତ୍ତୋଳନ ବନ୍ଦ ହୋଇପାରୁନାହିଁ। ପୋଲିସ ପ୍ରଶାସନକୁ ହାତ କରି ଜରିମାନା ଭରଣା ପାଇଁ ଲୁଟ୍‌ ଜୋରଦାର କରାଯାଉଛି। ଏପରି କି ରାହାପୁର ପାହାଡ଼ ଖାଦାନକୁ ଖୋଳ କରିଦିଆଯିବା ସହ ମାଲଗୋଡ଼ା ପାହାଡ଼ ଖାଦାନରୁ ମଧ୍ୟ ବିନା ଅନୁମତିରେ ଉତ୍ତୋଳନ କରାଯାଉଛି। ଗୋଟିଏ କଳାପଥର ଖାଦାନରୁ ଦୈନିକ ୫ ଲକ୍ଷ ଟଙ୍କା ଲୁଟ୍‌ ହେଉଥିବା କୁହାଯାଉଛିି। ଏଥିପାଇଁ ୭୦ରୁ ୧୦୦ଟି ହାଇଓ୍ବା ବ୍ୟବହାର କରାଯାଉଥିବା ଦେଖିବାକୁ ମିଳିଛି।
ଏ ସଂକ୍ରାନ୍ତରେ ଯାଜପୁର ଜିଲାପାଳ ଚକ୍ରବର୍ତ୍ତୀ ସିଂହ ରାଠୋରଙ୍କୁ ପଚାରିବାରୁ ସେ ପୁରୁଣା ମତାମତକୁ ଦୋହରାଇ କହିଥିଲେ ସ୍ଥାନୀୟ ଅଞ୍ଚଳରୁ ଏଯାଏ କୌଣସି ଅଭିଯୋଗ ହୋଇନାହିଁ। ସରକାରଙ୍କ ଲଘୁ ଖଣିଜ ସମ୍ପଦ ଲୁଟ୍‌ର ସୁରକ୍ଷା ପ୍ରଶାସନର ଏବଂ ଏଥିପାଇଁ ନିଜଆଡୁ ପ୍ରଶାସନ ପଦକ୍ଷେପ ନେବା ଉଚିତ ନୁହେଁ କି ବୋଲି ପ୍ରଶ୍ନ କରିବାରୁ ଜିଲାପାଳ ତାହାକୁ ଏଡ଼ାଇ ଯାଇ କହିଛନ୍ତି, ଆପଣମାନେ ଅଭିଯୋଗ କରନ୍ତୁ ନିଶ୍ଚିତ ଭାବେ ପଦକ୍ଷେପ ନିଆଯିବ ।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?