ଗଞ୍ଜାମ,୧୫।୧୧,(ବିଦ୍ୟାଧର ସାହ): ଗଞ୍ଜାମ ବ୍ଲକ ମଲାଡ଼ ପଞ୍ଚାୟତ କୁଶପଲ୍ଲୀ ଠାକୁରାଣୀ ମନ୍ଦିର ରାସ୍ତା ବିପର୍ଯ୍ୟସ୍ତ ହୋଇ ପଡିଥିଲା l ଦୈନଦିନ ମନ୍ଦିରରକୁ ଯାଉଥିବା ଭକ୍ତଙ୍କ ମଧ୍ୟରେ ଘୋର ଅସନ୍ତୋଷ ଦେଖା ଦେଉଥିଲା l ସରପଞ୍ଚ ମମତା ବେହେରାଙ୍କ ନିଜସ୍ବ ପ୍ରଚେଷ୍ଟାରେ ନରେଗା ଯୋଜନାରେ ରାସ୍ତା ଓ ଗାର୍ଡ ୱାଲ ନିର୍ମାଣ ପାଇଁ ୮ ଲକ୍ଷ ଟଙ୍କା ମଞ୍ଜୁର ହୋଇଥିଲା l ଶନିବାର ଉକ୍ତ ରାସ୍ତା ଓ ଗାର୍ଡ ୱାଲ ନିର୍ମାଣ ପାଇଁ ସରପଞ୍ଚ ବେହେରା ଭୂମି ପୂଜନ କରିବା ସହ ଶୁଭ ଦେଇଛନ୍ତି l ଭୂମି ପୂଜନ ବେଳେ ଜିଆରଏସ ରଘୁନାଥ ରେଡି, କୁଶପଲ୍ଲୀ ଗ୍ରାମ୍ୟ କମିଟି ସଭାପତି ବଟ ବିଶ୍ୱାଳ, ସମ୍ପାଦକ ପ୍ରକାଶ ବିଶ୍ୱାଳ, ସରପଞ୍ଚ ପ୍ରତିନିଧି ସୁଦାମ ବେହେରା, ଗାଁ ସାଥି ସମୀର ବିଶ୍ୱାଳ, ନବଘନ ମାହାଙ୍ଗୁଡ଼ ପ୍ରମୁଖ ଉପସ୍ଥିତ ଥିଲେ l ଏକ ମାସ ମଧ୍ୟରେ ରାସ୍ତା ଓ ଗାର୍ଡ ନିର୍ମାଣ କାର୍ଯ୍ୟ ସମ୍ପୂର୍ଣ କରିବାକୁ ସରପଞ୍ଚ ନିର୍ଦ୍ଦେଶ ଦେଇଥିବା ଜଣା ପଡିଛି l
Dharitri – The Largest & Most Trusted Odia Daily
