ନିର୍ଯାତନାର ଲମ୍ବା ତାଲିକା

ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଭାରତୀୟ ମିଡିଆ ଧ୍ୟାନ ଦେଉ ନାହଁି ବୋଲି ଏନ୍‌ଡିଟିଭି ଆଙ୍କର ରବିଶ କୁମାର ଯାହା କହିଛନ୍ତି ତାହା ଠିକ୍‌। ଏହିି କାରଣରୁ ଆମେ ଉକ୍ତ ବିଷୟଗୁଡ଼ିକ ଉପରେ ଗୁରୁତ୍ୱ ଦେବା ଜରୁରୀ। ସେସବୁ ସମ୍ପର୍କରେ କ’ଣ ଲେଖୁଛୁ ଓ ପଢୁଛୁ ତାହା ଉପରେ ବି ଧ୍ୟାନ ଦେବାକୁ ପଡ଼ିବ। ଆଉ କିଛିମାସ ପରେ ଆମେ ଜାତୀୟ ଗଣତାନ୍ତ୍ରିକ ମେଣ୍ଟ ଶାସନର ନବମ ବର୍ଷରେ ପ୍ରବେଶ କରିବୁ। ଏହି ଲମ୍ବା ସମୟ ମଧ୍ୟରେ ଏକ ଦେଶ ରୂପେ ଆମକୁ କେଉଁଠିକୁ ନିଆଯାଇଛି ତାହା ସ୍ପଷ୍ଟ ହେବା ଦରକାର। ଏଥିପାଇଁ ଅନେକ ପ୍ରସଙ୍ଗ ରହିଛି, ଯାହା ପ୍ରକାଶ କରିବା ଆବଶ୍ୟକ। ତେବେ ଆଜି ଦୁଇଟି ବିଷୟ ଉପରେ ଆଲୋଚନା କରିବା। ପ୍ରଥମ ପ୍ରସଙ୍ଗ ହେଉଛି ଅର୍ଥ ବ୍ୟବସ୍ଥା। ପୂର୍ବରୁ ଭାରତର ଅର୍ଥ ବ୍ୟବସ୍ଥା ଆଗକୁ ବଢୁନାହଁି ବୋଲି ଚାଇନା, ତାଇଓ୍ବାନ, ସିଙ୍ଗାପୁର ଏବଂ ଦକ୍ଷିଣ କୋରିଆ କିମ୍ବା ଏବେ ଆର୍ଥିକ କ୍ଷେତ୍ରରେ ସଫଳ ହେଉଥିବା ଭିଏଟନାମ୍‌ ଓ ବାଂଲାଦେଶ ପ୍ରକାଶ କରିଥିଲେ। ଏହାର ସତ୍ୟାସତ୍ୟ ଜାଣିବାକୁ ହେଲେ ଦେଶରେ ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକ ଉପରେ ପୁନର୍ବାର ଏଠାରେ ଦୋହରାଇବାକୁ ପଡ଼ୁଛି ।
ପ୍ରଥମତଃ, ଆଜିର ତୁଳନାରେ ୨୦୧୩ରେ ୫ କୋଟିରୁ ଅଧିକ ଭାରତୀୟ ଚାକିରି କରିଥିଲେ ଓ ୧୨ କୋଟିରୁ ଊର୍ଦ୍ଧ୍ୱ ଲୋକ କର୍ମସ୍ଥଳୀକୁ ଯାଉଥିଲେ। କିନ୍ତୁ ଏହିସବୁ ଚାକିରି ମହାମାରୀ ପୂର୍ବରୁ ଚାଲିଯାଇଥିତ୍ଲା। କାମ କରୁଥିବା କିମ୍ବା କାମ କରିବାକୁ ଚାହଁୁଥିବା ୧୫ ବର୍ଷୀୟ ଭାରତୀୟଙ୍କ ସଂଖ୍ୟା ଆମେରିକା, ଚାଇନା, ବାଂଲାଦେଶ ଓ ପାକିସ୍ତାନ ଠାରୁ କମ୍‌। ମାନୁଫାକ୍‌ଚରିଂରେ ଚାକିରି କମିଛି। ଏମ୍‌ଜିଏନ୍‌ଆର୍‌ଇଜିଏସ୍‌ ବ୍ୟୟ ୨୦୧୪ରେ ଯାହା ଥିଲା ତାହା ୨୦୨୦ରେ ୪ଗୁଣ ବୃଦ୍ଧି ପାଇଥିଲା। ହେଲେ ଚାହିଦା ସେଇଠି ଅଟକିଗଲା। ଯେଉଁଥିପାଇଁ ଲୋକେ କାମ ଚାହଁୁଥିଲେ ମଧ୍ୟ ସେମାନଙ୍କ ଲାଗି ଚାକିରି ନାହଁି। ଦ୍ୱିତୀୟରେ, ଭାରତୀୟମାନେ କମ୍‌ ବ୍ୟୟ କରୁଛନ୍ତି। ଏକ ସରକାରୀ ସର୍ଭେ ଅନୁଯାୟୀ, ୨୦୧୨ ତୁଳନାରେ ୨୦୧୮ରେ ଭାରତୀୟମାନେ ଖାଦ୍ୟ ବାବଦରେ କମ୍‌ ଖର୍ଚ୍ଚ କରୁଥିଲେ। ତୃତୀୟରେ, ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ (ଆର୍‌ବିଆଇ) ଏକ ଦ୍ୱିମାସିକ ସର୍ଭେ କରିଛି। ଏଥିରେ ସାରା ଭାରତର ଅନେକ ହଜାର ପରିବାରକୁ ସାମିଲ କରାଯାଇଛି। ଗୋଟିଏ ବର୍ଷ ପୂର୍ବ ତୁଳନାରେ ଆର୍ଥିକ, ରୋଜଗାର ଏବଂ ମୁଦ୍ରସ୍ଫୀତି ଦୃଷ୍ଟିକୋଣରୁ ସେମାନେ ଭଲରେ ରହିଥିଲେ କି ନାହଁି ପ୍ରଶ୍ନ କରାଯାଇଥିଲା। ୬୦ ମାସ ଅର୍ଥାତ୍‌ ୫ ବର୍ଷ ମଧ୍ୟରେ ଏସବୁ ସ୍ଥିତିରେ ବିକାଶ ହୋଇଛି ବୋଲି ଅଳ୍ପ କେତେଜଣ ଲୋକ କହିଛନ୍ତି। ମାର୍ଚ୍ଚ-ଏପ୍ରିଲ ୨୦୧୯ ସମୟକୁ ବାଦ୍‌ ଦେଲେ, ସଂଖ୍ୟାଧିକ ଭାରତୀୟ ବହୁତ ଖରାପ ସ୍ଥିତିରେ ରହିଛନ୍ତି ବୋଲି କହିଛନ୍ତି। ଚତୁର୍ଥତଃ, ଜିଡିପି ଅଭିବୃଦ୍ଧି ହ୍ରାସ ଜାନୁୟାରୀ ୨୦୧୮ରୁ ଆରମ୍ଭ ହୋଇଥିଲା ଓ ତାହା କ୍ରମଶଃ କମିଚାଲିଛି। କୋଭିଡ୍‌-୧୯ ମହାମାରୀ ପୂର୍ବରୁ ୧୩ଟି ତ୍ରୈମାସିକରେ ଅଭିବୃଦ୍ଧି ତଳକୁ ଖସିଥିଲା। ମହାମାରୀ ପୂର୍ବରୁ ଏହା ପାଖାପାଖି ୩ ପ୍ରତିଶତ ରହିଥିଲା । ପୂର୍ବରୁ ଲାଗିରହିଥିବା ଆର୍ଥିକ ସଙ୍କଟକୁ କୋଭିଡ୍‌ ଏବଂ ଲକ୍‌ଡାଉନ ଆହୁରି ବିଗାଡ଼ି ଦେଲା ବୋଲି କୁହାଯାଉଛି। ହେଲେ ମହାମାରୀ ଏହାର ମୁଖ୍ୟ କାରଣ ନୁହେଁ। ୨୦୧୪ରେ ଭାରତର ମୁଣ୍ଡପିଛା ଜିଡିପିରେ ୫୦% ପଛରେ ରହିଥିଲା ବାଂଲାଦେଶ। କିନ୍ତୁ ଆମ ଅର୍ଥ ବ୍ୟବସ୍ଥା ତଳକୁ ଖସିବା ଯୋଗୁ ଏବେ ଏହି ଦେଶ ଆମଠାରୁ ଆଗରେ ରହିଛି। ପଞ୍ଚମରେ, ଆମ ମଧ୍ୟମ ବର୍ଗ ଅଭିବୃଦ୍ଧି ବନ୍ଦ ହୋଇଯାଇଛି। ଭାରତରେ ୨୦୧୩ରେ ୨୭ ଲକ୍ଷ ୟୁନିଟ୍‌ କାର୍‌ ବିକ୍ରି ହୋଇଥିଲା ଓ ଏହି ସଂଖ୍ୟା ୧୦ ବର୍ଷ ହେଲା ସ୍ଥିର ରହିଛି। ଦୁଇଚକିଆ ଯାନ ବିକ୍ରି ଏକ ଦଶନ୍ଧି ଧରି ୧.୬ କୋଟି ୟୁନିଟ୍‌ରେ ସ୍ଥିର ରହିଛି। ଭାରତର ମୁଖ୍ୟ ସହରଗୁଡ଼ିକରେ ୧୦ ବର୍ଷ ହେବ ବାସୋପଯୋଗୀ ଘର ବିକ୍ରି ୩ ଲକ୍ଷ ୟୁନିଟ ରହିଆସିଛି। ଷଷ୍ଠରେ, ୮୦ କୋଟି ଭାରତୀୟ ଯାହା ମୋଟ ଜନସଂଖ୍ୟାର ୬୦%, ସରକାରଙ୍କ ମାସିକ ୫ କିଲୋ ମାଗଣା ଚାଉଳ ବା ଗହମ ଉପରେ ନିର୍ଭରଶୀଳ। ସପ୍ତମରେ, ୫୩ଟି ବୈଶ୍ୱିକ ସୂଚକାଙ୍କ ମଧ୍ୟରୁ ୪୯ ଟିରେ ଭାରତର ର଼୍ୟାକିଙ୍ଗ ତଳକୁ ଖସିଛି ବୋଲି ବିଶ୍ୱ ବ୍ୟାଙ୍କ, ବିଶ୍ୱ ଆର୍ଥିକ ଫୋରମ( ଡାଭୋସ) ଏବଂ ଜାତିସଂଘ ପକ୍ଷରୁ କୁହାଯାଇଛି।
ଏବେ ଦ୍ୱିତୀୟ ପ୍ରସଙ୍ଗକୁ ଆସିବା। ସରକାର ମୁସଲମାନ ନାଗରିକଙ୍କୁ ନିର୍ଯାତନା ଦେବାକୁ ଚାହଁୁଛନ୍ତି। ୨୦୧୪ ପରେ ମୁସଲମାନଙ୍କୁ ଲକ୍ଷ୍ୟ କରି ଅନେକ ଆଇନ ଏବଂ ନୀତି ଅଣାଯାଇଛି। ଏସବୁ ମଧ୍ୟରେ ମାଂସ, ଗୋ-ଚାଲାଣ ଏବଂ ଆନ୍ତଃଧର୍ମୀୟ ବିବାହର ଅପରାଧୀକରଣ ଓ ମୁସିଲମାନ ଛାଡ଼ପତ୍ର ସମ୍ପର୍କିତ ଆଇନ ଅନ୍ତର୍ଭୁକ୍ତ। ଗୁଜରାଟରେ ଜମି ଲିଜ୍‌ ଓ କିଣାକୁ ନେଇ କଡ଼ା ଆଇନ କରାଯାଇଛି। କଶ୍ମୀରରେ ଉପତ୍ୀଡନ ଓ କ୍ରୂରତା ଲାଗିରହିଛି। ମୁସଲମାନ ଦୋକାନୀଙ୍କ ଉପରେ ଆକ୍ରମଣର ବହୁ ଦୃଷ୍ଟାନ୍ତ ରହିଛି। ବିଶେଷରୂପେ ପ୍ରଦାନ କରାଯାଇଥିବା ପ୍ରାର୍ଥନାସ୍ଥଳରୁ ସେମାନଙ୍କୁ ଜବରଦସ୍ତ ବାହାର କରି ଦିଆଯାଉଛି। ଏପରିକି କୋଭିଡ୍‌ ସଂକ୍ରମଣ ବଢ଼ାଇବା ଭଳି ମିଥ୍ୟା ଅଭିଯୋଗ ସେମାନଙ୍କ ଉପରେ ଲଦି ଦିଆଯାଇଛି। ଖୋଜି ବସିଲେ ଏଭଳି ନିର୍ଯାତନା ଓ ହିଂସାର ତାଲିକା ଖୁବ୍‌ ଲମ୍ବା। ଏବେ କର୍ନାଟକରେ କଲେଜଗୁଡ଼ିକରେ ମୁସଲମାନଙ୍କ ପ୍ରତି ନିର୍ଯାତନା ଜାରି ରହିଛି।
ଏସବୁ ବିଷୟକୁ ବିଚାର କଲେ ନିଷ୍କର୍ଷରେ ପହଞ୍ଚିବା ଯେ, ସରକାର ଅର୍ଥ ବ୍ୟବସ୍ଥା ପରିଚାଳନାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି। ଏହା ମଧ୍ୟ ଜାଣିପାରିବା ଯେ,ସରକାର କେବଳ ତାଙ୍କ ଯୋଜନାବଦ୍ଧ କାର୍ଯ୍ୟକ୍ରମରେ ହିଁ ସଫଳ ହୋଇଛନ୍ତି। ବାସ୍ତବରେ ମୁସଲମାନଙ୍କୁ ହଇରାଣ କରିବା ବା ନିର୍ଯାତନା ଦେବାର କିଛି ଲକ୍ଷ୍ୟ ନାହିଁ। ଏହି ନିର୍ଯାତନା ଚାଲୁରହିବ। ଦିନେ ହିଜାବ୍‌କୁ ନେଇ, ତା’ପରଦିନ ମାଂସ ତ ତୃତୀୟ ଦିନ ନମାଜକୁ କେନ୍ଦ୍ର କରି ଏହା ଜାରି ରହିବ। ଚତୁର୍ଥ ଦିନ ନାଁ ବଦଳାଇ ନିର୍ଯାତନା ଦିଆଯିବ। ଯାହା ହେଲେ ବି ଏହା ଜାରି ରହିବ। ଭାରତର ଗଣମାଧ୍ୟମ ମଧ୍ୟ ସରକାରଙ୍କ ସାଥୀ ପାଲଟିଛି। ଯେଉଁଥିପାଇଁ ରବିଶ କୁମାର କହିଛନ୍ତି ଯେ, ଅର୍ଥ ବ୍ୟବସ୍ଥାରେ ସରକାର ଯାହା କରିଛନ୍ତି ତାହା ଉପରେ ଗଣମାଧ୍ୟମ ଆଗ୍ରହ ପ୍ରକାଶ କରିନାହଁି। ଏହା କେବଳ ସଂଖ୍ୟାଲଘୁ ଭାରତୀୟଙ୍କ ପ୍ରତି ନିର୍ଯାତନାକୁ ଉସୁକାଉଥିବା ସମାଜ ଉପରେ ଅଧିକ ଆଗ୍ରହ ପ୍ରକାଶ କରିଛି।
Email:aakar.patel@gmail.com


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଖରାଦିନ ଆରମ୍ଭରୁ ବେଙ୍ଗାଲୁରୁ ଜଳ ସଙ୍କଟ ଏବେ ଚିନ୍ତାର ବିଷୟ ହୋଇଛି। ପରିସ୍ଥିତି ଏମିତି ଯେ ସେଠାରେ ଲୋକେ ସହର ଛାଡ଼ିବାକୁ ବାଧ୍ୟ ହେଉଛନ୍ତି। ଏହି...

ଅଦୃଶ୍ୟ ଶତ୍ରୁ

ମାୟାଧର ନାୟକ   ସତ୍ୟ, ତ୍ରେତୟା, ଦ୍ୱାପର, କଳିକାଳରେ ଯେତେ ଯୁଦ୍ଧ ହୋଇଯାଇଛି- ଶତ୍ରୁକୁ ଜାଣି ହେଉଥିଲା- କିନ୍ତୁ ଏ ମହାକଳିକାଳରେ ଅଜଣା ରୋଗ ଓ...

ଚୋରକୁ ବୁଦ୍ଧି

ଅଲେଖ ଚନ୍ଦ୍ର ମିଶ୍ର   ‘ଚୋରକୁ ବୁଦ୍ଧି ଶିଖେଇବା’ ଆପ୍ତବାଣୀଟି ଯେଉଁ ପୃଷ୍ଠଭୂମି ଉପରେ ଆଧାରିତ ତାହା ଥିଲା ଏକ ବାସ୍ତବଧର୍ମୀ କାହାଣୀ, ଯାହାର ମର୍ମ...

ଅପ୍ରକାଶ୍ୟ ଋଣ ସମସ୍ୟା

ଗତ କିଛି ବର୍ଷ ମଧ୍ୟରେ କୋଭିଡ୍‌-୧୯ ମହାମାରୀଠାରୁ ଆରମ୍ଭକରି ଉନ୍ନତ-ଅର୍ଥ ବ୍ୟବସ୍ଥାର ସୁଧ ହାର ବୃଦ୍ଧି ଭଳି ଘଟଣା ଭିନ୍ନ ସ୍ଥିତି ସୃଷ୍ଟି କରିଛି। ଏଥିରେ...

ଏଇ ଭାରତରେ

ଦେଶ ଗଠନରେ ଯୁବ ପ୍ରଶାସକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଅନୁଭବ କରିଛନ୍ତି ୨୦୧୧ ବ୍ୟାଚ୍‌ ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ରବି କପୁର। ସେ...

ରାମ ରାଜ୍ୟ ସମ୍ଭବ କି

ବୈକୁଣ୍ଠନାଥ ମିଶ୍ର   ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷିତ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସମ୍ଭାଷଣ...

ମତଦାତାଙ୍କ ବୁଦ୍ଧି ବିମୂଢ଼ତା

ଡ.ଛାୟାକାନ୍ତ ଷଡ଼ଙ୍ଗୀ   ସମ୍ପ୍ରତି ଭାରତ ତଥା ବିଭିନ୍ନ ପ୍ରଦେଶରେ ରାଜନୀତିର ବିଚିତ୍ର ଗତି ଦେଖି ମତଦାତାମାନେ ଉଇଲିଅମ ଜେମ୍‌ସଙ୍କ ଭଳି ସମସ୍ୟାର ସମ୍ମୁଖୀନ ହେଲେଣି।...

ବୁଝିହେଉଛି

ଆମ୍‌ ଆଦ୍‌ମୀ ପାର୍ଟି (ଆପ୍‌) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍‌ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରି ଆସନ୍ତା ୨୮ ତାରିଖ ପର୍ଯ୍ୟନ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri