ଦମ୍ପତିଙ୍କ ମଧ୍ୟରେ ବୟସର ତାରତମ୍ୟ କମ୍ ରହିଲେ ବୈବାହିକ ଜୀବନ ସୁଖମୟ ହୋଇଥାଏ ବୋଲି ଅନେକ ମତ ଦିଅନ୍ତି। ହେଲେ ଏହାକୁ ଭୁଲ୍ ପ୍ରମାଣ କରିଛନ୍ତି କଲମ୍ବିଆର ଦମ୍ପତି ଷ୍ଟିଫନି ଏଣ୍ଡରଶନ ଓ ତାଙ୍କ ସ୍ବାମୀ ଡୋନ ଓ୍ବେପ୍ଲର। ଡୋନଙ୍କୁ ଯେତେବେଳେ ୬୯ ବର୍ଷ ଷ୍ଟିଫନିଙ୍କୁ ସେତେବେଳେ ୨୪ ବର୍ଷ। ହେଲେ ଦୀର୍ଘ ୪ ବର୍ଷ ଧରି ଏମାନେ ଡେଟିଂ କରିବା ପରେ ବିବାହ ବନ୍ଧନରେ ବାନ୍ଧି ହୋଇଥିଲେ। ଏହି ସମ୍ପର୍କକୁ ଷ୍ଟିଫନିଙ୍କ ପରିବାର ଲୋକେ ଗ୍ରହଣ କରୁ ନ ଥିବା ବେଳେ ଶେଷରେ କିନ୍ତୁ ତାଙ୍କ ଜିଦ୍ ଆଗରେ ପରିବାର ସଦସ୍ୟ ହାର ମାନିଥିଲେ। ଆଉ ଉଭୟଙ୍କର ବିବାହ କରି ଦେଇଥିଲେ। ଷ୍ଟିଫନି କଲମ୍ବିଆର ଏକ ବାର୍ରେ କାମ କରୁଥିବା ସମୟରେ ଡୋନ୍ ସେତେବେଳେ ଜଣେ ଅବସରପ୍ରାପ୍ତ କଣ୍ଟ୍ରାକ୍ଟର ଭାବେ ସେଠାକୁ ଆସୁଥିଲେ। ସେହିଠାରେ ହିଁ ଡୋନଙ୍କ ପ୍ରେମରେ ପଡିଯାଇଥିଲେ ଷ୍ଟିଫାନି। ଏବେ ସେମାନଙ୍କ ବୈବାହିକ ଜୀବନ ସୁଖମୟ ବୋଲି ସେମାନେ କୁହନ୍ତି। ଆଉ ଏହାର ରାଜ୍ ହେଉଛି ଉଭୟେ ସବୁବେଳେ ଖୁସି ରୁ୍ହନ୍ତି ଓ ନିୟମିତ ଭାବେ ଶାରୀରିକ ସମ୍ପର୍କ ରଖନ୍ତି। ଏବେ ଏହି ଦମ୍ପତିଙ୍କର ଗୋଟିଏ ପୁଅ ଥିବା ବେଳେ ସେ ହିଁ ତାଙ୍କ ଜୀବନର ସବୁକିଛି ବୋଲି ସେମାନେ ଧରି ନେଇଛନ୍ତି।
