ମୁମ୍ବାଇ: ଶୋ’ ଲକ୍ଅପ୍ ଆରମ୍ଭରୁ ଆଜି ପର୍ଯ୍ୟନ୍ତ ଥିଲା ଖୁବ୍ ଚର୍ଚ୍ଚାରେ । ପ୍ରତିଦିନ କଣ୍ଟେଷ୍ଟାଣ୍ଟଙ୍କ ସମ୍ପର୍କରେ ନୂଆ ନୂଆ କଥା ଜାଣିବାକୁ ମିଳୁଥିଲା । ଆଉ ଏହାକୁ ଶୁଣି ଦର୍ଶକେ ବେଳେ ବେଳେ ଆଶ୍ଚର୍ଯ୍ୟ ହୋଇଯାଉଥିଲେ । ଆଉ ସବୁଠାରୁ ଅଧିକ ଯାହାକୁ ଦର୍ଶକେ ଅପେକ୍ଷା ରଖିଥିଲେ ତାହା ଶନିବାର ରାତିରେ ମିଳିଯାଇଛି । ଅର୍ଥାତ୍ ‘ଲକ୍ଅପ୍’ର ବିଜେତାଙ୍କ ନାମ ଘୋଷଣା ହୋଇଯାଇଛି । ‘ଲକ୍ଅପ୍’ର ପ୍ରଥମ ସିଜନର ବିଜେତା ହୋଇଛନ୍ତି ମୁନାୱର ଫାରୁକି । ପ୍ରଥମ ଟ୍ରଫିକୁ ସେ ନିଜ ନାଁରେ କରିପାରିଛନ୍ତି । ତେବେ ବିଜେତାଙ୍କ ନାମ ଘୋଷଣା ହେବା ପରେ ଶୋ’ର ହୋଷ୍ଟ ତଥା ବଲିଉଡ ନାୟିକା କଙ୍ଗନା ରାନାୱତ ମୁନାୱରଙ୍କୁ ଆଲିଙ୍ଗନ କରିଥିଲେ । ଆଉ ମୁନାୱର ଏଥିରେ ଭାବୁକ ହୋଇ ଯାଇଥିଲେ । ଏହାର ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଆସିବା ପରେ ମୁନାୱରଙ୍କ ପ୍ରଶଂସକଙ୍କ ମହଲରେ ଖୁସିର ଲହରି ଖେଳି ଯାଇଛି ।
ବିଜେତାଙ୍କୁ ଟ୍ରଫି ସହ ୨୦ ଲକ୍ଷ ଟଙ୍କା ଓ ଏକ କାର ମିଳିଛି । ଏହା ବ୍ୟତୀତ ଇଟାଲି ଟ୍ରିପ ବି ମିଳିଛି । ଏହି ପ୍ରତିଯୋଗୀତାରେ ଟପ ଥ୍ରୀରେ ୩ ଜଣ ଥିବା ବେଳେ ମୁନାୱର ବିଜେତା ଘୋଷିତ ହୋଇଛନ୍ତି । ୩ ଜଣଙ୍କ ମଧ୍ୟରେ ଥିଲେ ପାୟଲ ରୋହତଗି, ଅଞ୍ଜଳି ଆରୋରା ଓ ମୁନାୱାର ଫାରୁକି ।
