ୱାଶିଂଟନ; ବହୁତ ଲୋକ ବିଦେଶରେ ରହିବାକୁ ସ୍ବପ୍ନ ଦେଖିଥାନ୍ତି। ସେଥିପାଇଁ ସେଠାରେ ଚାକିରି କରିବାକୁ ଚେଷ୍ଟା କରିଥାନ୍ତି। ଅନେକ ଲୋକ ଭାବୁଥିବେ ଯେ ବିଦେଶରେ ଜୀବନଶୈଳୀ ଅତ୍ୟନ୍ତ ସୁଖଦାୟକ। ହେଲେ ନିକଟରେ ଆମେରିକାର ଜଣେ ଯୁବତୀ ତାଙ୍କ ଜୀବନଶୈଳୀ ସମ୍ପର୍କରେ କହିଛନ୍ତି। ରିପୋର୍ଟ ମୁତାବକ, ଆମେରିକା ନ୍ୟୁୟର୍କରେ ୨୫ ବର୍ଷୀୟା ଅଲାଇନା ରାଣ୍ଡାଜୋ ବର୍ଷେ ହେବ ରହୁଛନ୍ତି। ମାତ୍ର ୮୦ ବର୍ଗଫୁଟ ଘରେ ସେ ରହୁଥିବା କହିଛନ୍ତି। ଏତିକି ଛୋଟ ଅଞ୍ଚଳରେ ଶୋଇବା ଘର, ଲିଭିଂ ରୁମ୍ ଏବଂ ରୋଷେଇ ଘର ସେଠାରେ ମିଳୁଛି। ହେଲେ ସେଠାରେ ଗାଧୁଆ ଘର, ଝରକା ନ ଥିବା ସେ କହିଛନ୍ତି। ଅଲାଇନା ତାଙ୍କର ଏହି ଛୋଟଘରର ଫଟୋ ଶେୟାର କରିଛନ୍ତି। ପ୍ରକୃତରେ ସେ ମିଶୋରୀର ବାସିନ୍ଦା। ସେ ସେଠାରେ ଏକ ଆଲିଶାନ୍ ଘରେ ରହୁଥିଲେ। ସେଥିପାଇଁ ତାଙ୍କୁ ମାସକୁ ୨ ଲକ୍ଷ ଟଙ୍କା ଘରଭଡ଼ା ଦେବାକୁ ପଡୁଥିଲା। ପରେ ତାଙ୍କୁ ନ୍ୟୁୟର୍କର ଏହି ଘର ବାବଦରେ ଜଣାପଡ଼ିଲା। ସେଥିପାଇଁ ସେ ନିଷ୍ପତ୍ତି ନେଲେ ଯେ ସେ ନ୍ୟୁୟର୍କରେ ରହିବେ। ସେ ଏହି ଘରକୁ ଆସିବା ପରେ ତାଙ୍କୁ ଘରଟି ବହୁତ ଛୋଟ ଲାଗିଲା। ହେଲେ ସେ ଟଙ୍କା ବଞ୍ଚାଇବାକୁ ଯାଇ ତାଙ୍କ କୁକୁର ସହ ଏଠାରେ ରହିଗଲେ। ଏଠାରେ ତାଙ୍କୁ ମାସିକ ୫୪ ହଜାର ଟଙ୍କା ଦେବାକୁ ପଡୁଛି।
