ଓଡ଼ିଶା ବିକଶିତ ଭାରତର ଦ୍ୱାର ହେଉ

ଯାଜପୁର/ଚଣ୍ଡିଖୋଲ(ହର୍ଷବର୍ଦ୍ଧନ ବେହେରା/ପ୍ରଦୀପ୍ତ କୁମାର ପୃଷ୍ଟି),୬ା୩: ଓଡ଼ିଶା ବିକଶିତ ଭାରତର ଦ୍ୱାର ହେଉ। ଆତ୍ମନିର୍ଭର ଭାରତକୁ ଓଡ଼ିଶା ଶକ୍ତି ଯୋଗାଉଛି ବୋଲି ଭାଜପାର ବରିଷ୍ଠ ନେତା ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।
ମଙ୍ଗଳବାର ଯାଜପୁର ଜିଲା ଚଣ୍ଡିଖୋଲଠାରେ ଆୟୋଜିତ ‘ମୋଦି ଗ୍ୟାରେଣ୍ଟି’ ସମାବେଶରେ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି, ଆଗାମୀ ନିର୍ବାଚନରେ ୪୦୦ ସିଟ୍‌ ଅତିକ୍ରମ କରିବା ହେଉଛି ଲକ୍ଷ୍ୟ। ଏ ଦିଗରେ ଓଡ଼ିଶାର ସଙ୍କଳ୍ପ କ’ଣ ରହିଛି ଏହି ବିପୁଳ ଜନସମାଗମ ଦେଖିଲେ ବୁଝାପଡ଼ୁଛି।
ଏହା କହିବା ବେଳେ ସେ ବିଜେଡି ବିଷୟରେ କିଛି ଉଲ୍ଲେଖ ନ କରି ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଅନ୍ୟପକ୍ଷରେ କଂଗ୍ରେସର ଦୁର୍ନୀତି ବିଷୟରେ ଅବତାରଣା କରିଥିଲେ।
ମୋଦି ପ୍ରଥମେ ଜୟ ଜଗନ୍ନାଥ, ଜୟ ମା’ ବିରଜା ଓ ଜୟ ସିଆରାମ କହିବା ପରେ ଓଡ଼ିଆରେ ସମସ୍ତ ଭାଇ, ଭଉଣୀମାନଙ୍କୁ ମୋର ନମସ୍କାର କହି ଭାଷଣ ଆରମ୍ଭ କରିଥିଲେ। ଦେଶ ପାଇଁ ଜୀବନ ସମର୍ପଣ କରିଥିବା ବିଜୁ ପଟ୍ଟନାୟକଙ୍କ ଜନ୍ମ ଦିବସରେ ସାରା ଦେଶବାସୀ ତାଙ୍କୁ ଆଦରର ସହ ମନେ ପକାଉଛନ୍ତି। ସୌଭାଗ୍ୟ ଯେ, ଓଡ଼ିଶା ମାଟିରେ ବିଜୁବାବୁଙ୍କୁ ନମସ୍କାର କରିବାର ଅବସର ତାଙ୍କୁ ମିଳିଛି ବୋଲି ମୋଦି କହିଥିଲେ। ଏହି ସମାବେଶରେ ଅଭୂତପୂର୍ବ ଭିଡ଼ ଦେଖି ସେ ଅଭିଭୂତ ହୋଇଯାଇଥିଲେ। ସେ କହିଥିଲେ ଓଡ଼ିଶାର ସଂକଳ୍ପ କ’ଣ ଏଠାରେ ତାହା ଜଳଜଳ ଦିଶୁଛି। ା ଏଥର ୪୦୦ ପାର ହେବ ବୋଲି ସେ ଦୃଢ଼ୋକ୍ତି ପ୍ରକାଶ କରିଥିଲେ। ଭାରତକୁ ବିଶ୍ୱର ୩ୟ ବୃହତ୍‌ ଅର୍ଥନୈତିକ ଦେଶ ଭାବେ ପରିଗଣିତ ହେବାର ଅଛି। କୃଷକ, ଯୁବକ, ନାରୀଶକ୍ତି ଏବଂ ଗରିବମାନଙ୍କ ଜୀବନଧାରାରେ ପରିବର୍ତ୍ତନ କରିବାରେ ଓଡ଼ିଶାର ବଡ଼ ଭୂମିକା ରହିବ ବୋଲି ସେ କହିଥିଲେ। ବିଗତ ୧୦ ବର୍ଷରେ ଭାଜପା ସରକାର ଓଡ଼ିଶାରେ ୨ ଲକ୍ଷ କୋଟି ଟଙ୍କାରୁ ଊର୍ଦ୍ଧ୍ୱ ନିବେଶ କରିଆସୁଛି। ସେଥିପାଇଁ ଓଡ଼ିଶା ବିକଶିତ ଭାରତର ଗେଟ୍‌ଓ୍ବେ ହେବାକୁ ଯାଉଛି। ଓଡ଼ିଶା ଆତ୍ମନିର୍ଭର ଭାରତକୁ ଉର୍ଜ୍ଜା ଦେଉଛି। ଏଠାରୁ ଗ୍ୟାସ୍‌ ପାଇପ୍‌ ଲାଇନ୍‌ ଅନ୍ୟ ରାଜ୍ୟରେ ପହଞ୍ଚୁଛି। ଓଡ଼ିଶା ପଲିଷ୍ଟର କ୍ଷେତ୍ରରେ ମଧ୍ୟ ଏକ ବଡ଼ କେନ୍ଦ୍ର ।
ଟେକ୍ସଟାଇଲ ପାର୍କ ପାଇଁ ଏଠାରୁ କଞ୍ଚାମାଲ ଉତ୍ପାଦନ ହେଉଛି। ଫଳରେ ନିଯୁକ୍ତି ପାଇଁ ବହୁତ ବଡ଼ ସୁଯୋଗ ସୃଷ୍ଟି ହୋଇଛି। ଏହିସବୁ କାର୍ଯ୍ୟ ପ୍ରଥମେ ମଧ୍ୟ ହୋଇପାରିଥାନ୍ତା। କିନ୍ତୁ ୨୦୧୪ ପୂର୍ବରୁ କଂଗ୍ରେସ ସରକାରର ନେତାମାନେ କେବଳ ନିଜର ସମ୍ପତ୍ତି ବଢ଼ାଉଥିଲେ। କୋଇଲା, ୟୁରିଆ, ନିଯୁକ୍ତି ଆଦି କ୍ଷେତ୍ରରେ ଦୁର୍ନୀତି ହେଉଥିଲା। ନିଜର ସମସ୍ୟା ପାଇଁ ଗରିବ ଲୋକ କଂଗ୍ରେସ ପାଖକୁ ଯାଉଥିଲା ବେଳେ ପ୍ରାୟ ସବୁ କ୍ଷେତ୍ରରେ ଗ୍ୟାରେଣ୍ଟି ଆଣିବାକୁ କୁହାଯାଉଥିଲା। ବ୍ୟାଙ୍କରେ ଖାତା ଖୋଲିବା ପାଇଁ ଗ୍ୟାରେଣ୍ଟି ଆଣ, ଚାଷୀ ଋଣ ସକାଶେ ଗ୍ୟାରେଣ୍ଟି ଆଣ ବୋଲି କୁହାଯାଉଥିଲା। ଗରିବର ପୁଅ ଯେତେବେଳେ ପ୍ରଧାନମନ୍ତ୍ରୀ ହେଲେ ସେତେବେଳେ ମୋଦି ହେଲେ ଗରିବ ଲୋକଙ୍କ ଗ୍ୟାରେଣ୍ଟି । ବିନା ଗ୍ୟାରେଣ୍ଟିରେ ଅନେକ ଯୋଜନା ପ୍ରଣୟନ କରାଗଲା। ଫଳରେ ଗରିବଙ୍କ ଆତ୍ମବିଶ୍ୱାସ ବଢ଼ିଲା। ଏହିକ୍ରମରେ ମୋଦି ଗରିବଙ୍କ ସାଥିରେ ଅଛନ୍ତି। ଓଡ଼ିଶାରେ ବହୁ ପଛରେ ଥିବା ଜନଜାତିଙ୍କ ଦୁଃଖ କେହି ବୁଝି ନ ଥିଲେ। କିନ୍ତୁ ମୋଦି ସରକାର ସେମାନଙ୍କ ପାଇଁ ୨୪ ହଜାର କୋଟି ଟଙ୍କାର ପିଏମ୍‌ଜନମନ ଯୋଜନା କରିଛି। ଫୁଟ୍‌ପାଥ୍‌, ଠେଲାଗାଡ଼ିବାଲା, କୃଷକ, ମତ୍ସ୍ୟଜୀବୀଙ୍କ ବିକାଶ ପାଇଁ ପିଏମ୍‌ସ୍ବନିଧି ଓ ପିଏମ୍‌ମତ୍ସ୍ୟସମ୍ପଦ ଯୋଜନାରେ ବ୍ୟାଙ୍କଠାରୁ ସିଧାସଳଖ ଲାଭ ମିଳୁଛି। ଗରିବ ଲୋକଙ୍କ ପାଇଁ ଯାହା ସ୍ବପ୍ନ ହେଉଥିଲା, ତାହା ଆଜି ବାସ୍ତବରେ ପରିଣତ ହୋଇଛି ବୋଲି ମୋଦି କହିଛନ୍ତି ା
ପ୍ରଧାନମନ୍ତ୍ରୀ କହିଛନ୍ତି, ଅନ୍ୟଠାରୁ ଯେତେବେଳେ ନିରାଶ ମିଳୁଛି, ସେଠାରେ ମୋଦିଙ୍କ ଗ୍ୟାରେଣ୍ଟି ଆରମ୍ଭ ହେଉଛି। ଏଠାରେ ଉପସ୍ଥିତ ଯୁବକମାନଙ୍କ ଉତ୍ସାହ ଓ ଉଦ୍ଦୀପନା ତାଙ୍କୁ କାମ କରିବାରେ ଆହୁରି ଉତ୍ସାହିତ କରୁଛି, ଯାହାକି ସେ କେବେ ବି ଭୁଲି ପାରିବେ ନାହିଁ ବୋଲି କହିଛନ୍ତି। ଓଡ଼ିଶା ସୂର୍ଯ୍ୟଦେବଙ୍କ ମାଟି। ତେଣୁ ଓଡ଼ିଶାବାସୀଙ୍କୁ ମାଗଣାରେ ବିଜୁଳି ପ୍ରଦାନ କରିବାକୁ ‘ମୋଦି ଗ୍ୟାରେଣ୍ଟି’ ଦେଇଛି। ଭାଜପା ସରକାର ପିଏମ୍‌ସୂର୍ଯ୍ୟଘର ମୁକ୍ତ ବିଜୁଳି ଯୋଜନା ପ୍ରଣୟନ କରିଛନ୍ତି। ଘର ଛାତରେ ସୋଲାର ପ୍ୟାନେଲ ନିର୍ମାଣ କରି ୩୦୦ ୟୁନିଟ ପର୍ଯ୍ୟନ୍ତ ମାଗଣାରେ ବିଜୁଳି ମିଳିପାରିବ। ଅତିରିକ୍ତ ବିଜୁଳିକୁ ସରକାରଙ୍କ ପାଖରେ ବିକ୍ରି ମଧ୍ୟ କରିପାରିବେ। କୃଷକମାନଙ୍କୁ ମଧ୍ୟ ଉର୍ଜ୍ଜାଦାତା କରାଯାଉଛି। ଜମିରେ ସେମାନେ ସୋଲାର ପ୍ୟାନେଲ ଲଗାଇ ଲାଭବାନ ହୋଇପାରିବେ। ଭଗବାନଙ୍କ କୃପା ବିନା ଏତେ ସ୍ନେହ କାହାକୁ ମିଳି ପାରିବ ନାହିଁ। ଆପଣମାନେ ଦେଉଥିବା ସ୍ନେହ ଭଗବାନ ଜଗନ୍ନାଥଙ୍କ କୃପାରୁ ମିଳୁଛି ବୋଲି ସେ କହିଥିଲେ। ମାଗଣା ଏବଂ ଠିକ୍‌ ସମୟରେ ରାଶନ ମିଳୁଛି କି ନାହିଁ ବୋଲି ଉପସ୍ଥିତ ଜନତାଙ୍କୁ ସେ ପ୍ରଶ୍ନ କରି ଆସନ୍ତା ୫ ବର୍ଷ ପାଇଁ ରାଶନ ଯୋଗାଣ ବଢ଼ାଇ ଦିଆଯାଇଥିବା କହିଥିଲେ। ଗ୍ରାମଗୁଡ଼ିକରେ ମହିଳା ସ୍ବୟଂ ସହାୟକ ଗୋଷ୍ଠୀଗୁଡ଼ିକୁ ଲକ୍ଷପତି କରିବାକୁ ଯୋଜନା କରାଯାଉଛି। ଏହା ବିରୋଧୀଙ୍କୁ ପସନ୍ଦ ହେଉନି। ସେମାନେ କହୁଛନ୍ତି ମୋଦିଙ୍କ ପରିବାର ନାହିଁ। ତେଣୁ ମୋଦିଙ୍କୁ ହଟେଇବାକୁ ପଡ଼ିବ। କିନ୍ତୁ ଭାରତର ୧୪୦ କୋଟି ଜନତା ମୋଦିଙ୍କ ପରିବାର। ବିରୋଧୀମାନଙ୍କ ପାଇଁ ‘ପରିବାର ପ୍ରଥମ’ ହୋଇଥିବା ବେଳେ ମୋଦିଙ୍କ ବିଚାରଧାରାରେ ରାଷ୍ଟ୍ର ହେଉଛି ପ୍ରଥମ। ସେମାନେ କେବଳ ନିଜ ପରିବାର ପାଇଁ ବଞ୍ଚୁଛନ୍ତି। କିନ୍ତୁ ମୋଦି ଭାରତର ସମସ୍ତ ପରିବାରଙ୍କ ପାଇଁ ଖଟୁଛନ୍ତି। ପ୍ରତ୍ୟେକ ପରିବାରଙ୍କ ପାଇଁ ପକ୍କା ଘର ନିର୍ମାଣ କରିବା ମୋଦିଙ୍କ ଗ୍ୟାରେଣ୍ଟି। ତେଣୁ ଭାରତ ହେଉଛି ମୋଦିଙ୍କ ପରିବାର ବୋଲି ସେ କହିଥିଲେ ା
ରାଜ୍ୟ ଭାଜପା ସଭାପତି ମନମୋହନ ସାମଲ, ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା, ଏମ୍‌ପି ଅପରାଜିତା ଷଡ଼ଙ୍ଗୀ, ସୁରେଶ ପୂଜାରୀ, ଜୁଏଲ ଓରାମ, ବରିଷ୍ଠ ନେତା ସମ୍ବିତ ପାତ୍ର, ଡ.ପୂର୍ଣ୍ଣଚନ୍ଦ୍ର ମହାପାତ୍ର, ଯାଜପୁର ଜିଲା ସଭାପତି ଗୌତମ ରୟ, ବିଧାୟକ ସୂର୍ଯ୍ୟବଂଶୀ ସୁରଜ, ପୂର୍ବତନ ଏମ୍‌ପି ବିଭୁ ପ୍ରସାଦ ତରାଇ, ଅନନ୍ତ ନାୟକ, ବଡ଼ଚଣା ନେତା ଅମର ନାୟକ, ବିରଞ୍ଚି ତ୍ରିପାଠୀ, ରୁଦ୍ର ନାରାୟଣ ପାଣି, ରାଜ୍ୟ ପ୍ରଭାରୀ ବିଜୟ ସିଂହ ପାଲ ଯାଦବଙ୍କ ସହ ରାଜ୍ୟର ପ୍ରମୁଖ ନେତାମାନେ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?