ବାରିପଦା,୮।୭(ନୀଳାଦ୍ରି ବିହାରୀ ଦଣ୍ଡପାଟ) ବାରିପଦା ମୁର୍ଗାବାଡିଠାରେ ଜିଲା ଓ ଦୌରାଜଜ୍ଙ୍କ ଅଦାଲତର ନୂଆ କୋର୍ଟ ବିଲ୍ଡିଂର ଶିଳାନ୍ୟାସ ହୋଇଛି । ଏହି କାର୍ଯ୍ୟକ୍ରମକୁ ଭର୍ଚୁଆଲ ମାଧ୍ୟମରେ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଜଷ୍ଟିସ ଏସ. ମୁରଲୀଧର ଆନୁଷ୍ଠାନିକ ଭାବେ ଶିଳାନ୍ୟାସ କରିଛନ୍ତି। ଏହି ଅବସରରେ ଉଚ୍ଚ ନ୍ୟାୟାଳୟର ବିଚାରପତି ଜଷ୍ଟିସ ବି ଆର୍ ଷଢଙ୍ଗୀ, ଜଷ୍ଟିସ ଦେବବ୍ରତ ଦାସ ଓ ଜଷ୍ଟିସ ଏ କେ ମହାପାତ୍ର ପ୍ରମୁଖ ଉପସ୍ଥିତ ଥିଲେ। ଦୀର୍ଘ ଦିନରୁ ଏହି କୋର୍ଟ ସ୍ଥାନନ୍ତର ନେଇ ପକ୍ରିୟା ଆରମ୍ଭ ହୋଇଥିବା ବେଳେ ସବୁ ଦୃଷ୍ଟିକୁ ନଜରରେ ରଖି ୧୮ନଂ ଜାତୀୟ ରାଜପଥ ପାଶର୍ବ ବାରିପଦା ମଣ୍ଡଳ କାରଗାର ପରିସର ମୁର୍ଗାବାଡିଠାରେ ସ୍ଥାନକୁ ଚୟନ କରାଯାଇଥିଲା। ଏହି ସ୍ଥାନ କୋର୍ଟ ପରିସରର ପାଇଁ ଉପଯୁକ୍ତ ବୋଲି ବିଚାରପତିମାନେ ସମ୍ମତି ପ୍ରଦାନ କରିବା ପରେ ଶନିବାର ସେହି ସ୍ଥାନରେ ନୂଆ ବିଲ୍ଡିଂ ନିର୍ମାଣ ପାଇଁ
ଶିଳାନ୍ୟାସ କରାଯାଇଛି । କାର୍ଯ୍ୟକ୍ରମରେ ଜିଲା ଓ ଦୌରାଜଜଙ୍କ ସମେତ ଅଦାଲତର ସମସ୍ତ ବିଚାରପତି, ସ୍ଥାନୀୟ ଓକିଲ ସଂଘର ସଭାପତି, ସମ୍ପାଦକ ସମେତ ଅନ୍ୟ ନେତୃବୃନ୍ଦ, ଆଇନଜୀବୀ ଓ ସ୍ଥାନୀୟ ଜନସାଧାରଣ ଉପସ୍ଥିତ ଥିଲେ ।
