ନୂଆଦିଲ୍ଲୀ,୮ ।୧୦: ଉତ୍ତର ପ୍ରଦେଶ ଲକ୍ଷ୍ମୀପୁର ଖେରି ମାମଲା ବେଳକୁ ବେଳ ଜଟିଳ ହେବାକୁ ଯାଉଛି । ଏଥିରେ ମୁଖ୍ୟ ଅଭିଯୁକ୍ତ କୁହାଯାଉଥିବା କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରା ଶୁକ୍ରବାର ପୋଲିସ ପାଖରେ ପହଞ୍ଚିବାର ଥିଲା । ହେଲେ ସେ ନ ଆସିବାରୁ ଏବେ ନାନା ପ୍ରଶ୍ନ ଉଙ୍କି ମାରିଛି । ଏହାକୁ ନେଇ ପିତା ତଥା କେନ୍ଦ୍ରମନ୍ତ୍ରୀ ଅଜୟ ମିଶ୍ରା କହିଛନ୍ତି ମୋ ପୁଅ ନିର୍ଦ୍ଦୋଷ । କିଛି ବ୍ୟକ୍ତିଗତ କାରଣ ଯୋଗୁ ସେ ଆଜି ଉପସ୍ଥିତ ହୋଇ ପାରିଲେ ନାହିଁ । ହେଲେ ଶନିବାର ସେ ସମସ୍ତ ପ୍ରମାଣ ସହ ପୋଲିସ ସାମ୍ନାରେ ହାଜର ହେବେ । ଏହା ଭାରତୀୟ ଜନତା ପାର୍ଟି(ଭାଜପା) ସରକାର ତେଣୁ ଏଥିରେ ନିପେକ୍ଷ ଯାଞ୍ଚ କରାଯିବ ଓ ପ୍ରକୃତ ଦୋଷୀଙ୍କୁ ଦଣ୍ଡ ବିଧାନ କରାଯିବ ବୋଲି ଅଜୟ କହିଛନ୍ତି । ସୂଚନାଯୋଗ୍ୟ, ଆଶିଷଙ୍କୁ ଶୁକ୍ରବାର ହାଜର ହେବାକୁ ନୋଟିସ ଜାରି କରାଯାଇଥିବା ବେଳେ ଏବେ ପୁଣିଥରେ ଶନିବାର ଦିନ ୧୧ଟା ସୁଦ୍ଧା ପହଞ୍ଚିବାକୁ ନୋଟିସ ଜାରି କରାଯାଇଛି । ନଚେତ୍ ଏହା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
