ୟୁରିଆ ଅଭାବ ଉଜାଡ଼ିବ ଚାଷ

ଗଁଦିଆ, ୩।୧୦: ଚଳିତ ବର୍ଷ ଖରିଫ ଧାନ ଉପରେ ଘନେଇବାରେ ଲାଗିଛି ବିପଦ। ପ୍ରଥମେ ସ୍ବଳ୍ପବୃଷ୍ଟି, ଏହାପରେ ଲଘୁଚାପଜନିତ ଲଗାଣ ବର୍ଷା ଏବଂ ଏବେ ଧାନ ଗଛ ବଢ଼ିବା ବେଳକୁ ଦେଖାଦେଇଛି ୟୁରିଆର ଉତ୍କଟ ଅଭାବ। ଠିକ୍‌ ସମୟରେ ସାର ପ୍ରୟୋଗ ନ ହେଲେ ଥୋଡ଼ ବାହାରିବ ନାହିଁ। ଧାନ ସବୁ ଅଗାଡ଼ି ପାଲଟିଯିବ। ବର୍ଷକର ଝାଳବୁହା କଷ୍ଟ ବୃଥାରେ ଯିବ। ଏହାକୁ ନେଇ ଚିନ୍ତାରେ ପଡ଼ିଛନ୍ତି ଢେଙ୍କାନାଳ ଜିଲା ଗଁଦିଆ ବ୍ଲକର ଚାଷୀକୁଳ। ପରିବହନରେ ଅଧିକ ଖର୍ଚ୍ଚ ହେଉଥିବା କହି ସମବାୟ ସମିତିଗୁଡ଼ିକ ସାର କିଣିବା ଲାଗି କୁନ୍ଥୁକୁନ୍ଥୁ ହେଉଛନ୍ତି। ଏହାର ସୁଯୋଗରେ ଖୋଲାବଜାରରେ ସରକାରୀ ମୂଲ୍ୟଠାରୁ ଦୁଇଗୁଣା ଦରରେ ସାର ବିକ୍ରି କରୁଛନ୍ତି ଅସାଧୁ ବ୍ୟବସାୟୀ। ୟୁରିଆ ଯୋଗାଣ ଶୃଙ୍ଖଳ ସ୍ବାଭାବିକ ନ ହେଲେ ବ୍ଲକର ଧାନ ଫସଲ ଉଜୁଡ଼ିବ ବୋଲି ଚାଷୀମାନେ ଆଶଙ୍କା ବ୍ୟକ୍ତ କରିଛନ୍ତି।
କୃଷି ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ବ୍ଲକରେ ମୋଟ ୨୩ ହଜାର ୫୪୨ ହେକ୍ଟର ଚାଷ ଉପଯୋଗୀ ଜମି ରହିଛି। ଚଳିତବର୍ଷ ୨୨ ହଜାର ୯୨୧ ହେକ୍ଟରରେ ବିଭିନ୍ନ ଚାଷ ହୋଇଛି। ଧାନ ଚାଷ ଉପଯୋଗୀ ୧୫ ହଜାର ୨୩୦ ହେକ୍ଟର ମଧ୍ୟରୁ ଚଳିତ ବର୍ଷ ୧୩ ହଜାର ୩୦୦ ହେକ୍ଟରରେ ଫସଲ କରାଯାଇଛି। ହେଲେ ବିହନ ବୁଣିବାଠାରୁ ଅଦ୍ୟାବଧି ଚାଷୀମାନେ ଧାରାବାହିକ ଭାବେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି। ପ୍ରଥମାର୍ଦ୍ଧରେ ବର୍ଷାଭାବ ଏବଂ ଅତିବୃଷ୍ଟିରେ ଫସଲ ପ୍ରଭାବିତ ହେବା ପରେ ଏଥିରୁ ମୁକୁଳିବାକୁ ଉଦ୍ୟମ କରୁଥିବା ଚାଷୀଙ୍କ ଉପରେ ବୋଝ ଉପରେ ନଳିତା ବିଡ଼ା ପାଲଟିଛି ୟୁରିଆ ଅଭାବ। ବ୍ଲକରେ ୧୫ ସେବା ସମବାୟ ସମିତି ୟୁରିଆ ଯୋଗାଣରେ ନିୟୋଜିତ ଥିବାବେଳେ ଯୋଗାଣ ଶୃଙ୍ଖଳା ପ୍ରଭାବିତ ହେବା ଏବଂ ଆବଶ୍ୟକ ପରିମାଣର ସାର ନ ଆସିବା ସମସ୍ୟାକୁ ବହୁଗୁଣିତ କରିଦେଇଛି। ବଜାରରେ ସୃଷ୍ଟି ହୋଇଥିବା ସାରର କୃତ୍ରିମ ଅଭାବ ଅସାଧୁ ବ୍ୟବସାୟୀଙ୍କ ପାଇଁ ସୁଯୋଗ ଆଣିଛି। ସରକାରୀସ୍ତରରେ ୟୁରିଆ ବସ୍ତା ପିଛା ୨୬୬ ଟଙ୍କା ଧାର୍ଯ୍ୟ କରାଯାଇଥିବାବେଳେ ଖୋଲାବଜାରରେ ଏହା ୫୪୦ ଟଙ୍କାରେ ବିକ୍ରି ହେଉଛି। କେବଳ ୟୁରିଆ ନୁହେଁ, ଡିଏପି, ପଟାସ କ୍ଷେତ୍ରରେ ମଧ୍ୟ ଅନୁରୂପ ସମସ୍ୟା ସୃଷ୍ଟି ହୋଇଛି। ଅନ୍ୟପଟେ ମାର୍କଫେଡ୍‌ ଜରିଆରେ ଯାଜପୁରରୁ ଢେଙ୍କାନାଳ ସମେତ ଗଁଦିଆକୁ ସାର ଯୋଗାଣ ହେଉଛି। ଚଳିତବର୍ଷ ସରକାରୀସ୍ତରରେ ମଞ୍ଜୁରୀପ୍ରାପ୍ତ କମ୍ପାନୀ ଆବଶ୍ୟକ ପରିମାଣର ସାର ଯୋଗାଇ ପାରିଲେ ନାହିଁ। ଅଭାବ ପୂରଣ ଲାଗି ଅଣମଞ୍ଜୁରୀପ୍ରାପ୍ତ କମ୍ପାନୀ ସାର ଯୋଗାଣ କରୁଛନ୍ତି। ଏହି ସାର ବଜାରରେ ଉପଲବ୍ଧ ହେଲେ ଚାଷୀଙ୍କ ଆବଶ୍ୟକତା ପୂରଣ ହୋଇପାରନ୍ତା। ହେଲେ ଅଣମଞ୍ଜୁରୀପ୍ରାପ୍ତ କମ୍ପାନୀ ସାର ପରିବହନରେ ଭଡ଼ା ଅଧିକ ପଡୁଥିବା ଆଳ କରି ସମବାୟ ସମିତି ଦାୟିତ୍ୱରୁ ମୁହଁ ଫେରାଇ ନେଉଛନ୍ତି। ସେବା ସମବାୟ ସମିତି ପକ୍ଷରୁ ସାରର ପ୍ରକୃତ ଆବଶ୍ୟକତା ସମ୍ପର୍କରେ ମାର୍କଫେଡ୍‌କୁ ଅବଗତ ମଧ୍ୟ କରାଯାଉନାହିଁ। ମାର୍କଫେଡ୍‌ କେବଳ ଆକଳନ କରି ସାର ଯୋଗାଉଛି। ଫଳରେ ସମସ୍ୟା ଜଟିଳ ହେବାରେ ଲାଗିଛି। ଅନ୍ୟପଟେ ଜଣେ ସାର ବିକ୍ରତା ନାମ ଗୋପନ ରଖିବା ସର୍ତ୍ତରେ କହିଛନ୍ତି, ଡିଲରମାନେ ପୁରୁଣା ସାର ବଜାରକୁ ନ ଛାଡ଼ି ଗୋଦାମରେ ମହଜୁଦ୍‌ ରଖୁଛନ୍ତି। ଫଳରେ କୃତ୍ରିମ ଅଭାବ ସୃଷ୍ଟି ହେଉଛି। ଡିଲରଙ୍କଠାରୁ ଆଣି ବିକ୍ରି କରିବାକୁ ପଡୁଛି। ତେଣୁ ୟୁରିଆ ଦର ବସ୍ତା ପିଛା ଦୁଇଗୁଣା ହୋଇଥିବା ସେ କହିଛନ୍ତି।
ଏ ସଂକ୍ରାନ୍ତରେ ଜିଲା କୃଷି ଅଧିକାରୀ ପ୍ରମୋଦ କୁମାର ପ୍ରଧାନ କୁହନ୍ତି, ଯାଜପୁର ଜିଲାରୁ ବ୍ଲକକୁ ସାର ଯୋଗାଣ ପ୍ରଭାବିତ ହେଉଛି। ସରକାରୀ ମଞ୍ଜୁରୀପ୍ରାପ୍ତ ସାର ଆବଶ୍ୟକ ପରିମାଣରରେ ଉପଲବ୍ଧ ରହୁନାହିଁ। ଅଣମଞ୍ଜୁରୀପ୍ରାପ୍ତ ସାର ଆଣିବାରେ ଅଧିକ ପରିବହନ ଖର୍ଚ୍ଚ ପଡୁଥିବାରୁ ସମବାୟ ସମିତିଗୁଡ଼ିକ ସାର ଆଣି ସରକାରୀ ଦରରେ ବିକ୍ରି କରିବାକୁ ପଛଘୁଞ୍ଚା ଦେଉଛନ୍ତି। ତେଣୁ ଏଭଳି ସମସ୍ୟା ସୃଷ୍ଟି ହୋଇଥିବା ସେ କହିଛନ୍ତି।

ଧାନ ଅମଳ କମିବ

ଠିକ୍‌ ସମୟରେ ୟୁରିଆ ପ୍ରୟୋଗ ନ ହେଲେ ଥୋଡ଼ ବାହାରିବ ନାହିଁ। ଅମଳ କମିବା ସହ ଧାନ ଅଗାଡ଼ି ହୋଇଯିବ। ଚାଷୀଙ୍କ ସମସ୍ୟା ପ୍ରତି ସରକାର ଗୁରୁତ୍ୱ ଦେବା ଜରୁରୀ।
-ଲାଲା ଆଲୋକ ସିଂ, ଚାଷୀ

କୃତ୍ରିମ ଅଭାବ ସୃଷ୍ଟି ହୋଇଛି

ଚାଷୀମାନେ ବ୍ୟବସାୟିକ ଉଦ୍ଦେଶ୍ୟରେ ଚାଷ କରୁଛନ୍ତି। ହେଲେ ଠିକ୍‌ ସମୟରେ ସାର ଯୋଗାଣ ହେଉନାହିଁ। ଫଳରେ ବଜାରରେ କୃତ୍ରିମ ଅଭାବ ସୃଷ୍ଟି ହେଉଛି।
-ମହେଶ୍ୱର ଭୂୟାଁ, ଚାଷୀ

ସମବାୟ ସମିତି ଗୁରୁତ୍ୱ ଦେଉନି

ଧାନ କିଣିବାରେ ସମବାୟ ସମିତି ପକ୍ଷରୁ ଯେଉଁଭଳି ତତ୍ପରତା ପ୍ରକାଶ ପାଉଛି, ସାର ଯୋଗାଣରେ ତାହା ଦେଖିବାକୁ ମିଳୁନାହିଁ। ଏଥିରେ ଚାଷୀ କ୍ଷତିଗ୍ରସ୍ତ ହେଉଛନ୍ତି।
-ବାଇଧର ଚାନ୍ଦ, ଚାଷୀ


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଶ୍ରୀଗୁଣ୍ଡିଚା ମନ୍ଦିରରେ ୪ ଦିନ ଦର୍ଶନ ବନ୍ଦ, ପୁରୀ ଆସୁଥିଲେ ଜାଣି ରଖନ୍ତୁ…

ପୁରୀ,୧୮ା୧୧: ରାଜ୍ୟରେ ସମ୍ଭାବ୍ୟ ପ୍ରବଳ ବର୍ଷା ଓ ଖରାପ ପାଗକୁ ଦୃଷ୍ଟିରେ ରଖି ପୁରୀର ଆରାଧ୍ୟ ସ୍ଥଳୀ ଶ୍ରୀଗୁଣ୍ଡିଚା ମନ୍ଦିରରେ ଭକ୍ତ ଓ ଶ୍ରଦ୍ଧାଳୁଙ୍କ ପାଇଁ ବଡ଼…

ବାତ୍ୟା ଅକ୍ୱାନକୁ ନେଇ ୪ ଜିଲା ପାଇଁ ୪ ଆଇଏଏସ୍‌ଙ୍କୁ ଦାୟିତ୍ୱ, ଜାଣନ୍ତୁ କାହାକୁ କେଉଁ ଜିଲା…

ଭୁବନେଶ୍ୱର,୧୮ା୧୧: ବଙ୍ଗୋପସାଗରରେ ସୃଷ୍ଟି ହୋଇଥିବା ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି। ବାତ୍ୟା ପ୍ରଭାବିତ ହେବାକୁ ଥିବା ୪ଟି…

ନିଜ ମହତ

ଜଣେ ବ୍ୟକ୍ତି ଯେତେ ଉଚ୍ଚସ୍ଥାନରେ ଥିଲେ ମଧ୍ୟ କାର୍ଯ୍ୟ ପ୍ରତି ସଚ୍ଚୋଟତା ନ ଥିଲେ ସେ ସମାଲୋଚନାଯୋଗ୍ୟ ହୋଇଥାଆନ୍ତି। ଭାରତର ପ୍ରଧାନ ବିଚାରପତି (ସିଜେଆଇ) ରାଷ୍ଟ୍ରପତିଙ୍କୁ ଶପଥ…

ଓଡ଼ିଶା ଛୁଇଁବ ବାତ୍ୟାର ବାହ୍ୟ ବଳୟ: ଏହି ଜିଲାରେ ପ୍ରବଳ ବର୍ଷା…

ଭୁବନେଶ୍ୱର,୧୮ା୧୧(ବନ୍ଦନା ସେଠୀ): ବଙ୍ଗୋପସାଗରରେ ଅତି ମନ୍ଥର ଗତିରେ ଘଣ୍ଟା ପ୍ରତି ୩ କି.ମି. ବେଗରେ ଆଗକୁ ବଢ଼ୁଛି ବାତ୍ୟା ‘ଅକ୍ୱାନ’। ବୁଧବାର ଏହା ଆହୁରି ଶକ୍ତିଶାଳୀ ହୋଇ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ପ୍ରଶଂସକଙ୍କୁ ବଡ଼ ଝଟ୍‌କା: IPLରୁ ଅବସର ଘୋଷଣା କଲେ ଧୋନୀ, ମିଳିଲା ନୂଆ ଦାୟିତ୍ୱ

ନୂଆଦିଲ୍ଲୀ,୧୭।୧୧: ଏମଏସ ଧୋନୀ IPLରୁ ଅବସର ଘୋଷଣା କରିଛନ୍ତି। ସେ ଏବେ ଚେନ୍ନାଇ ସୁପର କିଙ୍ଗ୍ସ (CSK)ର ମେଣ୍ଟର ହୋଇଛନ୍ତି। ଧୋନୀ IPLରୁ ଅବସର ନେବା ସହ…

ସରକାରୀ କର୍ମଚାରୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ବଢିଲା ମହଙ୍ଗା ଭତ୍ତା, ଜାଣନ୍ତୁ କେତେ…

ଭୁବନେଶ୍ୱର, ୧୭।୧୧: ରାଜ୍ୟ ସରକାର ନେଲେ ବଡ଼ ନିଷ୍ପତ୍ତି । ରାଜ୍ୟ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତାରେ ୩ ପ୍ରତିଶତ ବୃଦ୍ଧି ହୋଇଛି। ସମୁଦାୟ ମହଙ୍ଗା ଭତ୍ତା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?