ବେଙ୍ଗାଲୁରୁ,୧୪।୧୧ : କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀଙ୍କ ବିରୋଧରେ ଗୁରୁତର ଅଭିଯୋଗ ହୋଇଛି। କଂଗ୍ରେସ ଅଭିଯୋଗ କରିଛି ଦିୱାଲୀ ସମୟରେ ତାଙ୍କ ଜେପି ନଗର ବାସଭବନକୁ ସାଜସଜ୍ଜା ଆଲୋକରେ ସଜାଯାଇଥିଲା ଯେଉଁଥି ପାଇଁ ବିଦ୍ୟୁତ ଚୋରି ହୋଇଥିଲା। ସୋସିଆଲ ମିଡିଆରେ ଏକ ଭିଡିଓ ଶେୟାର କରି ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବ ଗୌଡାଙ୍କ ପୁଅକୁ କଂଗ୍ରେସ ସମାଲୋଚନା କରିଛି।
ତାଙ୍କ ବିରୋଧରେ ଆସିଥିବା ଅଭିଯୋଗ ଉପରେ କୁମାରସୱାମୀ କହିଛନ୍ତି ଏହା ତାଙ୍କ ଦୋଷ ନୁହେଁ। ବରଂ ବ୍ୟକ୍ତିଗତ ସାଜସଜ୍ଜା ଏହି ଭୁଲ କରିଥିଲେ। ଯାହା ନିକଟସ୍ଥ ବୈଦ୍ୟୁତିକ ପୋଲ ସହିତ ସିଧାସଳଖ ସଂଯୋଗ ଦେଇଥିଲା । ଅବଶ୍ୟ, ଯେତେବେଳେ ସେ ଏହା ବିଷୟରେ ଜାଣିଲେ, ସେ ତୁରନ୍ତ ଏହାକୁ ହଟାଇ ଘରର ମିଟର ବୋର୍ଡରୁ ବିଦ୍ୟୁତ ସଂଯୋଗ ଦେଇଥିଲେ। କୁମାରସ୍ବାମୀ କହିଛନ୍ତି, ମୁଁ ଏଥିପାଇଁ ଦୁଃଖିତ। ସେ ଏହା ମଧ୍ୟ କହିଛନ୍ତି କଂଗ୍ରେସ ଏକ ଛୋଟ ପ୍ରସଙ୍ଗକୁ ଏକ ବଡ ପ୍ରସଙ୍ଗ କରିବାକୁ ଚେଷ୍ଟା କରୁଛି।
ପୂର୍ବତନ ସିଏମ କୁମାର ସ୍ବାମୀଙ୍କ ଉପରେ ଖୋଳତାଡ଼ କରି କଂଗ୍ରେସ କହିଛି, ପୂର୍ବତନ ସିଏମଙ୍କୁ ଘରେ ସଜବାଜ ଆଲୋକ ଲଗାଇବା ପାଇଁ ବିଦ୍ୟୁତ ଚୋରି କରିବାକୁ ପଡ଼ିଥିଲା। କଂଗ୍ରେସ ଆକ୍ରମଣ କରି କହିଛି କଂଗ୍ରେସ ସରକାରଙ୍କ ‘ଗୃହଜ୍ୟୋତି’ ଯୋଜନା ୨୦୦୦ ୟୁନିଟ ନୁହେଁ, ଆବାସିକ ସଂଯୋଗ ପାଇଁ ମାସକୁ ୨୦୦ ୟୁନିଟ ମାଗଣା ବିଦ୍ୟୁତ ପ୍ରଦାନ କରୁଛି।
ಜಗತ್ತಿನ ಏಕೈಕ ಮಹಾಪ್ರಾಮಾಣಿಕ ಹೆಚ್.ಡಿ ಕುಮಾರಸ್ವಾಮಿಯವರ ಜೆ ಪಿ ನಗರದ ನಿವಾಸದ ದೀಪಾವಳಿಯ ದೀಪಾಲಂಕಾರಕ್ಕೆ ನೇರವಾಗಿ ವಿದ್ಯುತ್ ಕಂಬದಿಂದ ಅಕ್ರಮ ವಿದ್ಯುತ್ ಸಂಪರ್ಕ ಪಡೆದಿದ್ದಾರೆ.
ಒಬ್ಬ ಮಾಜಿ ಸಿಎಂ ಆಗಿ ವಿದ್ಯುತ್ ಕಳ್ಳತನ ಮಾಡುವ ದಾರಿದ್ರ್ಯ ಬಂದಿದ್ದು ದುರಂತ!@hd_kumaraswamy ಅವರೇ ನಮ್ಮ ಸರ್ಕಾರ ಗೃಹಜ್ಯೋತಿಯಲ್ಲಿ 200 ಯೂನಿಟ್… pic.twitter.com/7GKHeRyQuS
— Karnataka Congress (@INCKarnataka) November 14, 2023
