ମୁମ୍ବାଇ: ନିକଟରେ ଶୁଣିବାକୁ ମିଳିଥିଲା କି ‘ଯୁଗ ଯୁଗ ଜିୟୋ’ ଫେମ ବରୁନ ଧୱନ ଓ ନିତୁ କପୁର କରୋନରେ ପୀଡ଼ିତ ହୋଇଛନ୍ତି । ଏବେ ପୁଣି ଖବର ଆସିଛି ଅଭିନେତ୍ରୀ କ୍ରିତି ସାନନ ବି କରୋନାରେ ପୀଡ଼ିତ ହୋଇଛନ୍ତି । ଚଣ୍ଡିଗଡ଼ରୁ ସେ ମୁମ୍ବାଇ ଫେରିବା ପରେ ତାଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିଥିବା ଜଣାପଡିଛି । ଚଣ୍ଡିଗଡ଼ରେ ‘ଯୁଗ ଯୁଗ ଜିୟୋ’ ଫିଲ୍ମ ଶୁଟିଂ ଚାଲିଥିବା ବେଳେ ସେଠାରେ କେତେଜଣ କରୋନାରେ ପୀଡ଼ିତ ହୋଇଥିଲେ । ଏବେ ଫିଲ୍ମର ଶୁଟିଂକୁ ବନ୍ଦ କରି ଦିଆଯାଇଛି । ତେବେ କିଛିଦିନ ପୂର୍ବରୁ ଅର୍ଥାତ୍ ଫିଲ୍ମଟି ଶୁଟିଂ ହେବା ପୂର୍ବରୁ କ୍ରିତି ସୋସିଆଲ ମିଡିଆରେ ଏ ସମ୍ପର୍କରେ ଶେୟାର କରିବା ସହ ମୁମ୍ବାଇରେ ଫଟୋ ଗ୍ରାଫରଙ୍କ ସହ କଥା ହେବା ବେଳେ କହିଥିଲେ ସେ ଏକ ସେକେଣ୍ଡ ପାଇଁ ବି ମାସ୍କ ଖୋଲିବେ ନାର୍ହି । ଆଉ ଏବେ ସେ ନିଜେ କରୋନାରେ ପୀଡ଼ିତ ହୋଇଯିବା ଦୁଃଖ ଦାୟକ । ତେବେ ‘ଯୁଗ ଯୁଗ ଜିୟୋ’ ଶୁଟିଂ ବନ୍ଦ ହେବା ପରେ ଏମିତିବି ଖବର ଆସିଥିଲା କି ଅନିଲ କପୁର ଓ କିୟାରା ଆଡଭାନୀ ବି କରୋନାରେ ପୀଡ଼ିତ ହୋଇଛନ୍ତି । ହେଲେ ତାହା ଥିବା ସମ୍ପୂର୍ଣ୍ଣ ମିଥ୍ୟା ।
