ମୁମ୍ବାଇ:ବଲିଉଡ୍ର କେତେଜର ଷ୍ଟାର ଅଛନ୍ତି ଯେଉଁମାନେ ନିଜ ଦମଦାର ଅନ୍ଦାଜ ପାଇଁ ରୁହନ୍ତି ଚର୍ଚ୍ଚାରେ । ଏମାନଙ୍କ ମଧ୍ୟରୁ ଜଣେ ହେଉଛନ୍ତି କ୍ରିତି ଖରବନ୍ଦା । ସେ ନିଜକୁ ଫିଟ୍ ରଖିବା ପାଇଁ ବେଶ୍ ମେହନତ୍ କରନ୍ତି । କେବେ କେବେ ସେ ଜିମରେ ଝାଳ ବୁହାଉଥିବା ଦେଖାଯାଇଥାଏ । ଅବଶ୍ୟ ସବୁ ଷ୍ଟାରମାନେ ନିଜକୁ ଫିଟ୍ ଓ ସ୍ଲିମ ରଖିବାକୁ ମେହନତ କରୁଥିବା ବେଳେ କ୍ରିତି ବି ସେମିତି କରନ୍ତି । ତେବେ ନିକଟରେ ‘ହାଉସଫୁଲ୍-୪’ ଆକ୍ଟ୍ରେସ୍ କ୍ରିତି ଖରବନ୍ଦା ସୋସିଆଲ ମିଡିଆରେ ଏକ ଭିଡିଓ ଶେୟାର କରି ସମସ୍ତଙ୍କୁ ଚମକାଇ ଦେଇଛନ୍ତି । ଉକ୍ତ ଭିଡିଓରେ କ୍ରିତି ୩ ଘଣ୍ଟାରେ ୧୫ କିଲୋ ଓଜନ ବଢାଇ ଦେଇଛନ୍ତି । ତାଙ୍କ ଇନଷ୍ଟାଗ୍ରାମରେ ଅପଲୋଡ ହୋଇଥିବା ଏହି ଭିଡିଓରେ ଦେଖିବାକୁ ମିଳିଛି ପ୍ରଥମେ ସେ ଏକ ହେଭି ଜ୍ୟାକେଟ ଓ ନର୍ମାଲ ଡ୍ରେସ୍ ପିନ୍ଧି ଓଜନ ମେଶିନ ଉପରେ ଠିଆ ହୋଇ ଓଜନ ମାପୁଛନ୍ତି । ସେତେବେଳେ ତାଙ୍କ ଓଜନ ୪୫ କେଜି ଦେଖାଉଛି । ଏହାପରେ ସେ ବ୍ରାଉଡାଲ ମେକ୍ଅପରେ ଆସି ପୁଣିଥରେ ଓଜନ ମେଶିନରେ ଠିଆ ହେବା ବେଳକୁ ତାଙ୍କ ଓଜନ ୫୫-୫୭ କିଲୋ ଦେଖାଉଛି । ଏହି ଭିଡିଓକୁ ଶେୟାର କରି କ୍ରିତି ଲେଖିଛନ୍ତି ୩ ଘଣ୍ଟାରେ ୧୫ କିଲୋ ଓଜନ ବଢାଇବାର ଅଛି ତ ଏହି ଭିଡିଓକୁ ଦେଖନ୍ତୁ । ଏହାସହ ସେ ୩ଟି ଲାଫଟର ଇମୋଜି ବି ଶେୟାର କରିଛନ୍ତି । ଏବେ କ୍ରିତିଙ୍କର ଏହି ଭିଡିଓଟି ଭାଇରାଲ ହୋଇଥିବା ବେଳେ ତାଙ୍କ ପ୍ରଶଂସକମାନେ ଭିନ୍ନ ଭିନ୍ନ କମେଟ୍ ଦେଉଥିବା ଦେଖାଯାଇଛି ।
