ରସୁଲପୁର,୧୨ା୮(ଡି.ଏନ.ଏ.): ଯାଜପୁର ଜିଲା ରସୁଲପୁର ବ୍ଲକ ବାମଦେବପୁର ଗ୍ରାମର ୨ ବର୍ଷ ୧୦ ମାସ ବୟସର ବାଳକ ଡି.ଏନ୍. କ୍ରିଷ୍ଣା ଦେବାଶିଷଙ୍କୁ ଆଉ ଏକ ସଫଳତା ମିଳିଛି। ଏସିଆ ବୁକ୍ ଅଫ୍ ରେକଡର୍ସ ପକ୍ଷରୁ ତାଙ୍କୁ ଗ୍ରାଣ୍ଡ୍ମାଷ୍ଟର ଉପାଧି ଦିଆଯାଇଛି। ସେ ନିକଟରେ ୨୩.୭୨ ସେକେଣ୍ଡରେ ଦେଶର ସମସ୍ତ ରାଜ୍ୟର ରାଜଧାନୀ ନାମ ଆବୃତ୍ତିକରି ଇଣ୍ଡିଆ ବୁକ୍ ଅଫ୍ ରେକଡର୍ସରେ ସ୍ଥାନ ପାଇଥିଲେ। ତାଙ୍କର ଏହି ରେକର୍ଡ ଏସିଆ ବୁକ୍ ଅଫ୍ ରେକଡର୍ସରେ କାଏମ୍ ରହିଛି। ଫଳରେ ତାଙ୍କୁ ଗ୍ରାଣ୍ଡ୍ମାଷ୍ଟର ଉପାଧି ପ୍ରଦାନ କରାଯାଇଥିବା ନେଇ ୫ ତାରିଖରେ ଏସିଆ ବୁକ୍ ଅଫ ରେକଡର୍ସ ପକ୍ଷରୁ ଅବଗତ କରାଯାଇଛି। ଦେବାଶିଷଙ୍କୁ ପଦକ ସହ ମାନପତ୍ର ପ୍ରଦାନ କରାଯାଇଛି। ଏବେ ସେ ୱାର୍ଲଡ ବୁକ୍ ଅଫ୍ ରେକଡର୍ସ ଓ ଗିନିଜ୍ ବୁକ୍ ଅଫ୍ ରେକଡର୍ସରେ ଜଣେ ଶିଶୁ ପ୍ରତିଭା ଭାବେ ସ୍ଥାନ ପାଇବା ପାଇଁ ପ୍ରସ୍ତୁତି ଚଳାଇଛନ୍ତି। ପୁଅର ଏହି ସଫଳତାରେ ପିତା ସ୍ଥଳସେନା କର୍ମଚାରୀ ଧର୍ମକାନ୍ତ ରାଉତ ଓ ମାତା ମିତା ପାଲ୍ ଖୁସି ପ୍ରକଟ କରିଛନ୍ତି। ଏହି ପରିବାର ଏବେ ଉତ୍ତରପ୍ରଦେଶର ଡେରାଡୁନ ସହରରେ ରହୁଛନ୍ତି। ସେ ଇଣ୍ଡିଆ ବୁକ୍ ଅଫ ରେକଡର୍ସ ପାଇଁ ୨୩ ଏପ୍ରିଲ ୨୦୨୧ରେ ମୌଖିକ ପରୀକ୍ଷାରେ ରାଜ୍ୟର ରାଜଧାନୀଗୁଡିକୁ ଆବୃତ୍ତି କରି ଦେଶର ଦ୍ରୁତତମ ଶିଶୁ ପ୍ରତିଭାଧାରୀ ହୋଇପାରିଥିଲେ।
