Posted inଖେଳ

ଏସୀୟ ଲଢ଼େଇରେ କୋରିଆର ବାଜିମାତ୍‌

ଭୁବନେଶ୍ୱର, ୧୮।୧(କ୍ରୀଡ଼ା ପ୍ରତିନିଧି): କଳିଙ୍ଗ ଷ୍ଟାଡିୟମରେ ଚାଲିଥିବା ହକି ବିଶ୍ୱକପ୍‌ର ମଙ୍ଗଳବାର ଅନୁଷ୍ଠିତ ଏସୀୟ ଲଢ଼େଇରେ ଦକ୍ଷିଣ କୋରିଆ ୨-୧ ଗୋଲରେ ଜାପାନକୁ ପରାସ୍ତ କରିଛି। ଏଥିସହ ୨ ମ୍ୟାଚରୁ ପ୍ରଥମ ବିଜୟ ସ୍ବାଦ ଚାଖିଛି କୋରିଆ। କୋରିଆ ପକ୍ଷରୁ ଡବଲ ଗୋଲ ସ୍କୋରର ଲୀ ଜୁଙ୍ଗଜୁନ୍‌ ପ୍ଲେୟର ଅଫ୍‌ ଦି ମ୍ୟାଚ ବିବେଚିତ ହୋଇଛନ୍ତି। ଏଠାରେ ବିଜୟ ଫଳରେ କୋରିଆର କ୍ରସ୍‌ ଓଭର ଖେଳିବା ଆଶା ଉଜ୍ଜୀବିିତ ହୋଇଛି। ପ୍ରଥମ ମ୍ୟାଚରେ ଏହି ଦଳ ଡିିଫେଣ୍ଡିଂ ଚାମ୍ପିୟନ ବେଲଜିୟମଠାରୁ ୦-୫ ଗୋଲରେ ହାରି ଯାଇଥିଲା। ଅନ୍ୟପକ୍ଷରେ ନିଜର ପ୍ରଥମ ମ୍ୟାଚରେ ଜର୍ମାନୀଠାରୁ ୦-୩ ଗୋଲରେ ହାରିଥିବା ଜାପାନ କ୍ରମାଗତ ୨ୟ ପରାଜୟ ବରଣ କରିବାରୁ ଗ୍ରୁପ୍‌ ପର୍ଯ୍ୟାୟରୁ ବିଦାୟ ହେବା ପରିସ୍ଥିତି ସୃଷ୍ଟି ହୋଇଛି। କୋରିଆ ଆସନ୍ତା ୨୦ ତାରିଖରେ ଏହାର ଶେଷ ଗ୍ରୁପ୍‌ ମ୍ୟାଚ ଜର୍ମାନୀ ବିପକ୍ଷରେ ଖେଳିବ। ସେହିଦିନ ଜାପାନ ଓ ବେଲଜିୟମ ମଧ୍ୟରେ ମୁକାବିଲା ହେବ। ୨ଟି ଯାକ ମ୍ୟାଚ ରାଉରକେଲାର ବିର୍ସା ମୁଣ୍ଡା ଷ୍ଟାଡିୟମରେ ଅନୁଷ୍ଠିତ ହେବ।
ଏସିଆ କପ୍‌ ଚାମ୍ପିୟନ କୋରିଆ ଓ ଏସିଆନ ଗେମ୍ସ ଚାମ୍ପିୟନ ଜାପାନ ମଧ୍ୟରେ ଲଢ଼େଇ ସଂଘର୍ଷପୂର୍ଣ୍ଣ ହେବ ବୋଲି ପୂର୍ବାନୁମାନ କରାଯାଉଥିଲା। ମ୍ୟାଚରେ ତାହା ହିଁ ହୋଇଥିଲା। ଜାପାନ ଆରମ୍ଭରୁ ଆକ୍ରମଣାତ୍ମକ ଖେଳି ୧ମ ମିନିଟରେ ହିଁ ପେନାଲ୍ଟି କର୍ନର ସୁଯୋଗ ସୃଷ୍ଟି କରିଥିଲା। ଦଳର ୧୫ ନମ୍ବର ଖେଳାଳି କେନ୍‌ ନାଗାୟୋଶି ଏହାକୁ ଗୋଲରେ ପରିଣତ କରିି ୨ୟ ମିନିଟରେ ହିଁ ଜାପାନକୁ ଅଗ୍ରଣୀ କରାଇଥିଲେ। ଉଭୟ ପଟରୁ ଆକ୍ରମଣ ଜାରି ରଖି ଜାପାନ କୋରିଆ ଉପରେ ଚାପ ପକାଇଥିଲା। ମାତ୍ର ମୋମେଣ୍ଟମକୁ ଦଳ ବେଶି ସମୟ ଧରି ରଖିପାରି ନ ଥିଲା। ୮ମ ମିନିଟରେ ଜାପାନ ଡି’ ଏରିଆରେ ବଲ୍‌ ପାଇଁ ସଂଘର୍ଷ ସମୟରେ କୋରିଆର ୧୧ ନମ୍ବର ଖେଳାଳି ଲୀ ଜୁଙ୍ଗଜୁନ୍‌ ଏକ ଚମତ୍କାର ଫିଲ୍ଡ ଗୋଲ ମାଧ୍ୟମରେ ମ୍ୟାଚକୁ ୧-୧ ସ୍ଥିତିକୁ ନେଇ ଆସିଥିଲେ। ୧୫ତମ ମିନିଟରେ କୋରିଆ କ୍ରମାଗତ ୩ଟି ପେନାଲ୍ଟି କର୍ନର ପାଇଥିଲେ ହେଁ ଏହାର ସଦୁପଯୋଗ କରିପାରି ନ ଥିଲା। ଦ୍ୱିତୀୟ କ୍ୱାର୍ଟର ଆରମ୍ଭରୁ ଉଭୟ ଦଳ ଅଗ୍ରଣୀ ନେବାପାଇଁ ଜୋରଦାର ଉଦ୍ୟମ କରିଥିଲେ। ଜାପାନ ଅନେକ ସୁଯୋଗ ସୃଷ୍ଟିି କରିଥିଲେ ହେଁ ଫିନିଶିଂ ଅଭାବରୁୁ ଗୋଲ ପାଇ ନ ଥିଲା। କୋରିଆ ଗୋଲକିପର କିମ୍‌ ଝେୟୁନଙ୍କ ପ୍ରଦର୍ଶନ ମଧ୍ୟ ଚମତ୍କାର ରହିଥିଲା। ୨୩ତମ ମିନିଟରେ ଜୁଙ୍ଗଜୁନ୍‌ ବ୍ୟକ୍ତିଗତ ଏବଂ ଦଳ ପକ୍ଷରୁ ୨ୟ ଗୋଲ ସ୍କୋର କରି କୋରିଆକୁ ଅଗ୍ରଣୀ କରାଇଥିଲେ। ବିପଜ୍ଜନକ ପ୍ରଦର୍ଶନ ପାଇଁ ଏହି ଦଳର ଜୁଙ୍ଗ୍‌ ମାନ୍‌ଜେଙ୍କୁୁ ଗ୍ରୀନ୍‌ କାର୍ଡ ପାଇ ପଡ଼ିଆ ଛାଡ଼ିବାକୁ ପଡ଼ିଥିଲା।
ତୃତୀୟ କ୍ୱାର୍ଟର ଆରମ୍ଭରେ ଅର୍ଥାତ୍‌ ୩୨ତମ ମିନିଟରେ ଜାପାନ ଗୋଲ ପରିଶୋଧ କରିବାକୁ ଭଲ ସୁଯୋଗ ପାଇଥିଲା। ମାତ୍ର ପେନାଲ୍ଟି କର୍ନରକୁ ଗୋଲରେ ପରିଣତ କରିପାରି ନ ଥିଲା। ୪୩ତମ ମିନିଟରେ କୋରିଆ ମଧ୍ୟ ସମାନ ସୁଯୋଗ ହରାଇଥିଲା। ଚତୁର୍ଥ କ୍ୱାର୍ଟର ଆରମ୍ଭରୁ ଭିନ୍ନ ରଣନୀତିରେ ଖେଳିଥିଲା କୋରିଆ। ପ୍ରଥମ କ୍ୱାର୍ଟରରେ ଜାପାନ ଯାହା କରିଥିଲା ଚତୁର୍ଥ କ୍ୱାର୍ଟରରେ କୋରିଆ ସେହି ରଣନୀତି ଅବଲମ୍ବନ କରିଥିଲା। ଆକ୍ରମଣକୁ ଜୋରଦାର କରି ଦଳ ୪୭ତମ ମିନିଟରେ କ୍ରମାଗତ ୪ଟି ପେନାଲ୍ଟି କର୍ନର ପାଇଥିଲା। ମାତ୍ର ଜାପାନ ଗୋଲକିପର ତାକାଶି ୟୋଶିକାୱା ଓ ରକ୍ଷଣଭାଗ ସଫଳତାର ସହ ତା’ର ପ୍ରତିହତ କରିଥିଲେ। ୫୨ତମ ମିନିଟରେ କୋରିଆର କିମ୍‌ ହ୍ୟୁଙ୍ଗଜିନ୍‌ଙ୍କୁୁ ରେଫରି ଗ୍ରୀନ୍‌କାର୍ଡ ଦେଇ ପଡ଼ିଆରୁ ବିଦା କରିଥିଲେ। ମ୍ୟାଚର ଶେଷ ପର୍ଯ୍ୟାୟ ନାଟକୀୟ ରହିଥିଲା। ଜାପାନ ୫୦, ୫୩, ୫୯ ତମ ମିନିଟ ଏବଂ ୬୦ତମ ମିନିଟରେ ଲଗାତର ୨ଟି ପେନାଲ୍ଟି କର୍ନର ପାଇଥିଲେ ମଧ୍ୟ ତା’ର ସଦୁପଯୋଗ କରିପାରି ନ ଥିଲା। ଫଳରେ ଜାପାନ ବିପକ୍ଷରେ କୋରିଆର ଉନ୍ନତ ରେକର୍ଡ ଅପରିବର୍ତ୍ତିତ ରହିଥିଲା। ୨୦୨୨ରେ ଜାପାନ ଓ କୋରିଆ ମଧ୍ୟରେ ୩ଟି ମ୍ୟାଚ ଅନୁଷ୍ଠିତ ହୋଇଥିଲା। ୩ଟି ଯାକ ମ୍ୟାଚରେ କୋରିଆ ବିଜୟୀ ହୋଇଥିଲା। ୨୦୨୨ ମେ’ରେ ଅନୁଷ୍ଠିତ ଏସିଆ କପ୍‌ରେ ୩-୧, ନଭେମ୍ବରରେ ଅନୁଷ୍ଠିତ ସୁଲତାନ ଆଜଲାନଶାହା କପ୍‌ରେ ୧-୦ ଏବଂ ସେହିମାସରେ ଅନୁଷ୍ଠିତ ନେଶନ୍ସ କପ୍‌ରେ କୋରିଆ ୩-୧ ଗୋଲରେ ଜାପାନକୁ ପରାସ୍ତ କରିଥିଲା। ଏହି ମ୍ୟାଚ ପରେ ବିଶ୍ୱର ୧୫ ନମ୍ବର ର଼୍ୟାଙ୍କ୍‌ପ୍ରାପ୍ତ ଜାପାନ ବିପକ୍ଷରେ କୋରିଆର ବିଜୟ ସଂଖ୍ୟା ୧୬ରେ ପହଞ୍ଚତ୍ଛି। ଜାପାନ ମାତ୍ର ୨ଟିରେ ବିଜୟୀ ହୋଇଥିବାବେଳେ ଅନ୍ୟ ୨ଟି ମ୍ୟାଚ ଡ୍ର ରହିଛି। ୨୦୧୮ରେ ଭୁବନେଶ୍ୱରରେ ଅନୁଷ୍ଠିତ ବିଶ୍ୱକପ୍‌ ପାଇଁ କୋରିଆ ଯୋଗ୍ୟତା ହାସଲ କରିପାରି ନ ଥିଲା। ତେଣୁ ଏଥର ଦଳ ପାଇଁ ଆଗକୁ ବଢ଼ିବାର ସୁଯୋଗ ସୃଷ୍ଟି ହୋଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସିଧାସଳଖ କ୍ଲବ କ୍ରିକେଟରୁ ଆଇପିଏଲ

ଆଇପିଏଲ ଏଭଳି ଏକ ପ୍ଲାଟଫର୍ମ, ଯେଉଁଠାରେ ପ୍ରାୟତଃ ଅନ୍ତର୍ଜାତୀୟ ଷ୍ଟାରମାନେ ଖେଳନ୍ତି। ମାତ୍ର ଆଇପିଏଲରେ ଏମିତି ଜଣେ ଖେଳାଳି ଅଛନ୍ତି, ଅନ୍ତର୍ଜାତୀୟ କ୍ରିକେଟ ଖେଳିବା ତ...

ଆର୍ଚରଙ୍କ ଉପରେ ଲାଗିପାରେ ବ୍ୟାନ

ସେଞ୍ଚୁରିଆନ, ୨୮।୧୨- ଏଠାରେ ଚାଲିଥିବା ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଚେତାବନୀ ସତ୍ତ୍ୱେ ବିମର ମାରିବା କାରଣରୁ ଇଂଲଣ୍ଡ ପେସର ଜୋଫ୍ରା ଆର୍ଚର ବାସନ୍ଦ...

ବିଜୁ ପଟ୍ଟନାୟକ ଗୋଲ୍ଡ କପ୍‌ ଫୁଟବଲ ଫୁଲବାଣୀ, ବାଲେଶ୍ୱର ସେମିଫାଇନାଲରେ

ଭୁବନେଶ୍ୱର, ୨୭।୧୨(କ୍ରୀଡ଼ା ପ୍ରତିନିଧି)- ୟୁନିଟ-୬ ଆଥଲେଟିକ୍‌ ଆସୋସିଏଶନ ଆନୁକୂଲ୍ୟରେ ଚାଲିଥିବା ବିଜୁ ପଟ୍ଟନାୟକ ଗୋଲ୍ଡ କପ୍‌ ଫୁଟବଲ ଟୁର୍ନାମେଣ୍ଟର ଶୁକ୍ରବାର ଅନୁଷ୍ଠିତ ୨ଟି ମ୍ୟାଚରେ ଫୁଲବାଣୀ...

୭୧ ବର୍ଷ ପରେ ପ୍ରଥମ ଟେନିସ ଖେଳାଳି ଭାବେ ଏହି କୃତିତ୍ୱ ଲାଭ କଲେ ଥିମ୍‌

ନ୍ୟୁୟର୍କ, ୧୪।୯: ଅଷ୍ଟ୍ରିଆର ଡୋମିନିକ୍‌ ଥିମ୍‌ ଏଠାରେ ଅନୁଷ୍ଠିତ ୟୁଏସ୍‌ ଓପନ୍‌ ପୁରୁଷ ସିଙ୍ଗଲ୍ସରେ ଚାମ୍ପିୟନ ହୋଇଛନ୍ତି। ଫାଇନାଲରେ ଥିମ୍‌ ୨-୬, ୪-୬, ୬-୪, ୬-୩,...

ଇଣ୍ଡିଆନ ସୁପର ଲିଗ୍‌: ଲିଗ୍‌ ଓ୍ବିନର୍ସ ଶିଲ୍ଡ ଜିତିଲା ମୁମ୍ବାଇ

ଭୁବନେଶ୍ୱର,୧।୩: ଚଳିତ ଇଣ୍ଡିଆନ ସୁପର ଲିଗ୍‌(ଆଇଏସ୍‌ଏଲ୍‌)ର ଅନ୍ତିମ ଲିଗ୍‌ ମ୍ୟାଚ୍‌ରେ ମୁମ୍ବାଇ ସିଟ୍‌ ଏଫ୍‌ସି ୨-୧ ଗୋଲରେ ଏଟିକେ ମୋହନବାଗାନ(ଏଟିକେଏମ୍‌ବି)କୁ ପରାସ୍ତ କରିଛି। ଏଥି ସହ...

ଆଇସୋଲେଶନରେ ମ୍ୟାକ୍‌କ୍ୟାର୍ଥି

ଲଣ୍ଡନ,୨୪ା୩(ଏଏଫ୍‌ପି)-ଆୟର୍ଲାଣ୍ଡ ଫୁଟ୍‌ବଲ ମ୍ୟାନେଜର ମିକ୍‌ ମ୍ୟାକ୍‌କ୍ୟାର୍ଥି ଓ ତାଙ୍କ ସ୍ତ୍ରୀ ଫିଓନା ବ୍ରୋମ୍‌ଲିସ୍ଥିତ ନିଜ ବାସଭବନରେ ସେଲ୍‌ଫ ଆଇସୋଲେଶନରେ ଅଛନ୍ତି। ୬୧ବର୍ଷୀୟ ମ୍ୟାକ୍‌କ୍ୟାର୍ଥି କହିଛନ୍ତି ତାଙ୍କର...

ବାଲାଂଦେଶ ଗସ୍ତ ପୂର୍ବରୁ ଭାରତୀୟ ଦଳକୁ ଝଟ୍‌କା

ନୂଆଦିଲ୍ଲୀ,୨୩।୧୧: ଟିମ୍‌ ଇଣ୍ଡିଆ ଏବେ ନ୍ୟୁଜିଲାଣ୍ଡ ଗସ୍ତରେ ଅଛି। ନିକଟରେ ଉଭୟ ଦଳ ମଧ୍ୟରେ ଟି୨୦ ସିରିଜ ଶେଷ ହୋଇଥିବା ବେଳେ ଦିନିକିଆ ସିରିଜ ଖେଳିବା...

ସିରିଜ ବିଜୟ ଲକ୍ଷ୍ୟରେ ଭାରତ

ବେଙ୍ଗାଲୁରୁ,୨୧।୯ (ପି.ଟି.)- ସ୍ଥାନୀୟ ଏମ୍‌. ଚିନ୍ନାସ୍ବାମୀ ଷ୍ଟାଡିୟମରେ ଭାରତ ଓ ଭ୍ରମଣକାରୀ ଦକ୍ଷିଣ ଆଫ୍ରିକା ରବିବାର ତୃତୀୟ ତଥା ଅନ୍ତିମ ଟି୨୦ ମ୍ୟାଚ୍‌ରେ ପରସ୍ପରକୁ ଭେଟିବେ।...

Advertisement
Archives

Model This Week