ମମ୍ବାଇ,୭।୪: ବୟସାଗତ ତାରତମ୍ୟକୁ ନେଇ ପ୍ରଥମେ ଟ୍ରୋଲିଂର ଶିକାର ହୋଇଥିଲେ ୪୦ ବର୍ଷୀୟ ହରଭଜନ ସିଂହ। କୋଲକାତା ନାଇଟ୍ ରାଇଡର୍ସ ପକ୍ଷରୁ ସେ ଆସନ୍ତା ଆଇପିଏଲ୍ ଖେଳିବାକୁ ଯିବାକୁ ନେଇ ଚର୍ଚ୍ଚା ଲାଗି ରହିଛି। ଏସବୁ ଭିତରେ କେକେଆର୍ ଟିମ୍ର ଅଧିନାୟକ ଦିନେଶ କାର୍ତ୍ତିକ ହରଭଜନଙ୍କ ପ୍ରଶଂସା କରିଛନ୍ତି। ଜଣେ ଅନୁଭବୀ ଅଫ୍ ସ୍ପିନରଙ୍କ ଖେଳ ଏବେ ବି ଦୃଢ଼ ଏବଂ ପ୍ରତିସ୍ପର୍ଦ୍ଧାପ୍ରିୟ ରହିଛି। କ୍ରିକେଟ ପ୍ରତି ତାଙ୍କର ରୁଚି ତାଙ୍କର ଚରିତ୍ର ଦର୍ଶାଉଛି ବୋଲି ସେ କହିଛନ୍ତି।
ଆଇପିଏଲ୍ ଖେଳାଳି ନିଲାମ ପ୍ରକ୍ରିୟାର ପ୍ରଥମ ଚରଣରେ କେହି ଫ୍ରାଞ୍ଚାଇଜ୍ ନ କିଣିବା ପରେ କେକେଆର୍ ପକ୍ଷରୁ ୨ କୋଟି ଟଙ୍କାରେ ହରଭଜନଙ୍କୁ କିଣାଯାଇଛି। ସେ ଚେନ୍ନାଇ ସୁପରକିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳି ସାରିଥିବା ବେଳେ ଚଳିତ ଥର ନୂଆ ଟିମ୍ରୁ ଖେଳିବେ। ଏନେଇ ଖୁସିବ୍ୟକ୍ତ କରିବା ସହ କାର୍ତ୍ତିକ କହିଛନ୍ତି, ହରଭଜନ ଅଭ୍ୟାସ ସମୟରେ ଅନ୍ୟ ସାଥୀ ଖେଳାଳି ପହଞ୍ଚିବା ପୂର୍ବରୁ ଶୀଘ୍ର ପହଞ୍ଚି ଯାଇଥାନ୍ତି। ଗତ ଏକ ସପ୍ତାହ ଧରି ତାଙ୍କର ଖେଳ ପ୍ରଭାବିତ କରିଛି। କେକେଆର୍ ପାଇଁ ସେ ଭଲ ସାବ୍ୟସ୍ତ ହେବେ ବୋଲି ଆଶା ରଖାଯାଇଥିବା ସେ କହିଛନ୍ତି।
