ପ୍ୟୋଙ୍ଗୟାଙ୍ଗ,୧୪ା୮: ଉତ୍ତର କୋରିଆର ନେତା କିମ୍ ଜୋଙ୍ଗ ଉନ୍ ଦେଶରେ ଝଡ଼ ଯୋଗୁ ସୃଷ୍ଟି ହୋଇଥିବା କ୍ଷୟକ୍ଷତି ରୋକିବାରେ ବିଫଳ ହୋଇଥିବା ଦାୟିତ୍ୱହୀନ ଅଧିକାରୀମାନଙ୍କ ଉପରେ ପ୍ରବଳ ବର୍ଷିଛନ୍ତି। ଅଧିକାରୀମାନଙ୍କୁ କିମ୍ ଦାୟିତ୍ୱହୀନ ବୋଲି କହିଛନ୍ତି। ଦେଶର ପୂର୍ବରେ ଥିବା ଆନ୍ବିୟନ ଜିଲାର ବନ୍ୟାଜଳ ଚାଷଜମି ପରିଦର୍ଶନ କରିବା ବେଳେ କିମ୍ କହିଛନ୍ତି, ସ୍ଥାନୀୟ ଅଧିକାରୀଙ୍କ ଦାୟିତ୍ୱହୀନ କାର୍ଯ୍ୟ ଯୋଗୁ ଏହି ଅଞ୍ଚଳ ଅନ୍ୟ ଅଞ୍ଚଳ ଅପେକ୍ଷା ଅଧିକ କ୍ଷତିଗ୍ରସ୍ତ ହୋଇଛି।
ଉତ୍ତର କୋରିଆ ‘ବିପର୍ଯ୍ୟସ୍ତ ଅସ୍ବାଭାବିକ ଜଳବାୟୁକୁ ମୁକାବିଲା କରିବା ପାଇଁ ଏକ ଗତିଶୀଳ ଅଭିଯାନ’ କରିଥିଲା ଏବଂ କ୍ଷୟକ୍ଷତିର ଆକଳନ କରିବାକୁ ପଦକ୍ଷେପ ନେଇଥିଲା। କିମ୍ ପ୍ରମୁଖ ଗୁଳିଗୋଳା କାରଖାନାଗୁଡ଼ିକର ଆଉ ଏକ ଯାଞ୍ଚ କରିବା ପରେ ଦକ୍ଷିଣ କୋରିଆ ଏବଂ ଆମେରିକା ବାର୍ଷିକ ସାମରିକ ଡ୍ରିଲ ଆରମ୍ଭର କିଛି ଦିନ ପୂର୍ବରୁ କ୍ଷେପଣାସ୍ତ୍ର ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ଉତ୍ପାଦନରେ ବ୍ୟାପକ ବୃଦ୍ଧି କରିବାକୁ ନିର୍ଦ୍ଦେଶ ଦେବା ପରେ ଏପରି ଘଟିଛି।
କିମ୍ କୌଶଳ କ୍ଷେପଣାସ୍ତ୍ର, ମୋବାଇଲ ଲଞ୍ଚ ପ୍ଲାଟଫର୍ମ, ସଶସ୍ତ୍ର ଯାନ ଏବଂ ଆର୍ଟିଲିରି ସେଲ୍ ଉତ୍ପାଦନ କରୁଥିବା କାରଖାନା ପରିଦର୍ଶନ କରିଛନ୍ତି। କ୍ଷେପଣାସ୍ତ୍ର କାରଖାନାରେ କିମ୍ ଉତ୍ପାଦନ କ୍ଷମତାକୁ ବହୁଗୁଣିତ କରିବା ପାଇଁ ଏକ ଲକ୍ଷ୍ୟ ସ୍ଥିର କରିଛନ୍ତି। ଯାହା ଦ୍ୱାରା ଏହି କ୍ଷେପଣାସ୍ତ୍ର ବହୁଳ ଭାବରେ ଉତ୍ପାଦନ ହୋଇପାରିବ ବୋଲି କେସିଏନଏ କହିଛି।
