ପ୍ୟୋଙ୍ଗ୍ୟାଙ୍ଗ୍,୨ା୭: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍-ଜୋଙ୍ଗ-ଉନ୍ ତାଙ୍କର ଅଜବ ନିଷ୍ପତ୍ତି ଏବଂ ବିବୃତ୍ତି ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି। ଏବେ କିମ୍ କରୋନା ଭାଇରସ୍ ସମ୍ପର୍କରେ ଏକ ଅଜବ କଥା କହି ପୁଣି ଚର୍ଚ୍ଚାକୁ ଆସିଛନ୍ତି। ସେ କହିଛନ୍ତି, ଦେଶରେ ପ୍ରଥମ କରୋନା ମାମଲା ଏଲିଅନ୍ସଙ୍କ ଦ୍ୱାରା ବ୍ୟାପିଛି। ଏଲିଅନ୍ସମାନେ ଦକ୍ଷିଣ କୋରିଆ ସୀମା ନିକଟରୁ ବେଲୁନ୍ରେ ଏହି ଭୂତାଣୁ ଫିଙ୍ଗିଛନ୍ତି। ଯେଉଁ କାରଣରୁ କରୋନା ତାଙ୍କ ଦେଶରେ ବ୍ୟାପି ଚାଲିଛି।
ବିସିସିଆଇ ରିପୋର୍ଟ ଅନୁଯାୟୀ, କିମ୍ କହିଛନ୍ତି, ଅନୁସନ୍ଧାନ ପରେ ଏହା ଜଣାପଡ଼ିଛି ଯେ, ବେଲୁନରେ ଏହି ଭାଇରସ ଭରିବା ଦ୍ୱାରା ଏଲିଅନ୍ସମାନେ ଦକ୍ଷିଣ କୋରିଆ ସୀମା ନିକଟରୁ ତାଙ୍କ ଦେଶରେ କରୋନା ଭୂତାଣୁ ବିସ୍ତାର କରିଛନ୍ତି। ଏଥି ସହିତ, ଉତ୍ତର କୋରିଆ ଏପରି ଫଳାଫଳ ଘୋଷଣା କରିବା ପରେ ‘ସୀମା ରେଖା ଏବଂ ସୀମାନ୍ତବର୍ତ୍ତୀ ଅଞ୍ଚଳଗୁଡ଼ିକ ପବନ ଏବଂ ଅନ୍ୟାନ୍ୟ ଜଳବାୟୁ ଘଟଣା ତଥା ବେଲୁନ୍ରୁ ଆସୁଥିବା ବିଦେଶୀ ଜିନିଷଗୁଡ଼ିକର ମୁକାବିଲା କରିବା ପାଇଁ ସତର୍କ ରହିବାକୁ ନିର୍ଦ୍ଦେଶ ଦେଇଛି।
କିମ୍ କହିଛନ୍ତି, ଜଣେ ୧୮ ବର୍ଷର ଜଣେ ସୈନିକ ଏବଂ ଜଣେ ୫ ବର୍ଷର ଶିଶୁ ଏପ୍ରିଲ ପ୍ରାରମ୍ଭରେ କୁମଗାଙ୍ଗର ପୂର୍ବ କାଉଣ୍ଟିରେ ଥିବା ବ୍ୟାରେକ୍ ଏବଂ ଆବାସିକ କ୍ୱାର୍ଟର୍ସ ପରିସରରେ ଅଜ୍ଞାତ ସାମଗ୍ରୀ ସହ ସମ୍ପର୍କରେ ଆସିଥିଲେ। ଏହା ପରେ ତାଙ୍କଠାରେ ଦେଖାଦେଇଥିଲା। ତା’ପରେ ସମଗ୍ର ଦେଶରେ କରୋନା ବ୍ୟାପିଥିଲା।
ଅନୁସନ୍ଧାନର ଫଳାଫଳ ଦର୍ଶାଇଛି, ଏପ୍ରିଲ ମଧ୍ୟଭାଗରେ କାଙ୍ଗଓ୍ବନ ପ୍ରଦେଶର କୁମଗଙ୍ଗ ଜିଲାର ଇଫୋ-ରି ଅଞ୍ଚଳରୁ ରାଜଧାନୀକୁ ଆସିଥିବା ଅନେକ ବ୍ୟକ୍ତି ଜ୍ୱରରେ ଆକ୍ରାନ୍ତ ହୋଇଥିଲେ ଏବଂ ସେମାନଙ୍କ ଦ୍ୱାରା ଅନ୍ୟମାନେ ମଧ୍ୟ ଜ୍ୱରରେ ଆକ୍ରାନ୍ତ ହୋଇଥିଲେ।
