ଖଣ୍ଡୋଲାଇଟ୍‌ ପଥର ଖଣି ଖନନକୁ ବିରୋଧ

ଚଣ୍ଡିଖୋଲ,୨୭ା୧୨(ଡି.ଏନ.ଏ.): ଅବଢ଼ା ଯୋଜନାରେ ପୁରୀକୁ ବିଶ୍ୱ ଐତିହ୍ୟ ସହରରେ ପରିଣତ ପାଇଁ ପ୍ରସ୍ତୁତି ଆରମ୍ଭ ହୋଇଛି। ଏଥିଲାଗି ଯାଜପୁର ଜିଲାର ଶୁଖୁଆପଡ଼ା, କେଶରାଇପୁର, ଚଣ୍ଡିଆ ଓ ତେଲିଗଡ଼ ପାହାଡ଼ରୁ ଖଣ୍ଡୋଲାଇଟ୍‌ ପଥର ଖନନ କରାଯିବ। ଏହାକୁ ଓଡ଼ିଶା ଖଣିନିଗମ ଉତ୍ତୋଳନ ପାଇଁ ନିଷ୍ପତ୍ତି ନିଆଯାଇଛି। ତେବେ ପାରାଭାଡ଼ି ପାହାଡ଼ର ଶୁଖୁଆପଡ଼ା ଓ କେଶରାଇପୁର ଅଞ୍ଚଳରୁ ପଥର ଖନନକୁ ଗ୍ରାମବାସୀମାନେ ବିରୋଧ କରିଛନ୍ତି। ରବିବାର ବଡ଼ଚଣା ବ୍ଲକ ଅନ୍ତର୍ଗତ ପାରାଭାଡ଼ି ପାହାଡ଼ ପାଦଦେଶରେ ଥିବା ଲଙ୍ଗୁଳି ମଠରେ ଶୁଖୁଆପଡ଼ା, ଲଳିତଗିରି, ବନ୍ଦରେଶ୍ୱର, ପଲାଇ ଓ କେଶରାଇପୁର ଗ୍ରାମର ମିଳିତ ଜନ ସମାବେଶ ଅନୁଷ୍ଠିତ ହୋଇଥିଲା। ହୀରକ ତ୍ରିଭୁଜ ସୁରକ୍ଷା ସମିତି, ଶୁଖୁଆପଡ଼ା ସୁରକ୍ଷା ସମିତି ଓ ବୁଦ୍ଧାୟନର ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି ସଭାରେ ବୁଦ୍ଧାୟନ ସଭାପତି ଆଇନଜୀବୀ ପ୍ରଦୀପ୍ତ କିଶୋର ଭୂୟାଁ ସଭାପତିତ୍ୱ କରିଥିଲେ।

ସେ ଦର୍ଶାଇଥିଲେ ଯେ, ଏହି ପାହାଡ଼ରେ ପ୍ରାଚୀନ ବୌଦ୍ଧ କୀର୍ତ୍ତି ରାଜି ପରିପୂର୍ଣ୍ଣ ହୋଇରହିଛି। ପାହାଡ଼ ଶୀର୍ଷ ଦେଶରେ ଖ୍ରୀଷ୍ଟ ପୂର୍ବ ଦ୍ୱିତୀୟ ଶତାବ୍ଦୀର ପ୍ରାଚୀନ ବୌଦ୍ଧ ସ୍ତୂପ ପାରାଭାଡ଼ି ରହିଥିବା ବେଳେ କେଶରାଇପୁର ଅଞ୍ଚଳରେ ହାତୀଖାଲ ନାମରେ ପରିଚିତ ୭ଟି ବୌଦ୍ଧ ଗୁମ୍ଫା ରହିଛି। ସେହିଭଳି ପାହାଡ଼ର ବିଭିନ୍ନ ଅଞ୍ଚଳରୁ ବହୁ ସମୟରେ ପ୍ରାଚୀନ ବୌଦ୍ଧ କୀର୍ତ୍ତିରାଜି ଭାରତୀୟ ପ୍ରନତ୍ତାତ୍ତ୍ୱିକ ବିଭାଗ ଦ୍ୱାରା ଆବିଷ୍କୃତ ହୋଇ ଲଳିତ ଗିରି ମ୍ୟୁଜିୟମରେ ଶୋଭାପାଉଛି। ତେଣୁ ବୌଦ୍ଧ ଐତିହ୍ୟପୂର୍ଣ୍ଣ ଏହି ପାହାଡ଼ ଖନନ କରାଗଲେ ଏହା ଧ୍ୱଂସ ପାଇଯିବ। ଗୋଟିଏ ସହରକୁ ଉନ୍ନତୀକରଣ କରାଯିବାକୁ ଅନ୍ୟ ଏକ ଐତିହ୍ୟପୂର୍ଣ୍ଣ ପାହାଡ଼କୁ ଧ୍ୱଂସ ବିଧ୍ୱଂସ କରିବା ଉଚିତ୍‌ ନୁହେଁ। ଯଦି ଏଠାରେ ଖନନ ଆରମ୍ଭ କରାଯିବ ତେବେ ବିରୋଧ କରାଯିବ। ୨୦୦୫ରେ ଏହି ପାହାଡ଼ ଖନନ ପାଇଁ ରାଜସ୍ବ ବିଭାଗ ତରଫରୁ ଲିଜ୍‌ ଦିଆଯାଇଥିଲା, ଯାହାକୁ ନେଇ ଅଞ୍ଚଳବାସୀ ଉଚ୍ଚ ନ୍ୟାୟାଳୟଙ୍କ ଦ୍ୱାରସ୍ଥ ହୋଇଥିଲେ। ବୁଦ୍ଧାୟନ ତରଫରୁ ଉଚ୍ଚ ନ୍ୟାୟାଳୟରେ ୨ ଜନସ୍ବାର୍ଥ ମାମଲା ରୁଜୁ କରାଯାଇଥିଲା। ସେ ସମୟରେ ଏକ ଟିମ ପାହାଡ଼ ପରିଦର୍ଶନ କରି ଏଥିରେ ବୌଦ୍ଧ କୀର୍ତ୍ତିରାଜି ରହିଥିବାରୁ ପାହାଡ଼ ଖନନ ହୋଇପାରିବ ନାହିଁ ବୋଲି ଦର୍ଶାଇଥିଲେ। ଯେଉଁଥି ପାଇଁ ଉଚ୍ଚନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ପାହାଡ଼ ଖନନ ବନ୍ଦ ହୋଇଥିଲା। ତେବେ କିପରି ପୁନର୍ବାର ୨୦୨୧ରେ ଏହି ଖନନ କରାଯିବାକୁ ସ୍ଥିର କରାଗଲା,ତାହାକୁ ନେଇ ଗ୍ରାମବାସୀଙ୍କ ମଧ୍ୟରେ ପ୍ରତିକ୍ରିୟା ସୃଷ୍ଟି ହୋଇଛି। ଆଶ୍ଚର୍ଯ୍ୟର କଥା ଏହି ପାହାଡ଼ ପାଦଦେଶରେ ୩୦୦ରୁ ଊର୍ଦ୍ଧ୍ୱ ପଥର ଶିଳ୍ପୀଙ୍କ ପରିବାର ବସବାସ କରୁଥିବା ବେଳେ ଏହାକୁ ରାଜ୍ୟ ସରକାର ଶିଳ୍ପ ଗ୍ରାମ ଘୋଷଣା କରିଛନ୍ତି। ଯଦି ପାହାଡ଼ ଖନନ ହୁଏ ତେବେ ଏହି ଶିଳ୍ପ ଗ୍ରାମ ଶୁଖୁଆପଡ଼ା ଓ ଲଳିତଗିରି ଧ୍ୱଂସ ପାଇବ ବୋଲି ସେମାନେ ଅଭିଯୋଗ କରିଛନ୍ତି।

ଅନ୍ୟପକ୍ଷରେ ଲଳିତଗିରି, ରନତ୍ଗିରି ଓ ଉଦୟଗିରି ପାହାଡ଼କୁ ନେଇ ହୀରକ ତ୍ରିଭୁଜ ଗଠିତ। ବୌଦ୍ଧ ଐତିହ୍ୟର ଗନ୍ତାଘର ଭାବେ ପରିଚିତ ଏହି ୩ଟି ବୌଦ୍ଧ ସ୍ଥଳୀ ଆନ୍ତର୍ଜାତିକ ସ୍ଥାନରେ ସ୍ଥାନିତ ହୋଇଛି। ଲଳିତଗିରି ସଂଲଗ୍ନ ଏହି ପାହାଡ଼ ଧ୍ୱଂସ ପାଇଲେ ବିଶ୍ୱ ଐତିହ୍ୟରେ ହୀରକ ତ୍ରିଭୁଜ ସ୍ଥାନ ପାଇବ ନାହିଁ। ତେଣୁ ବୌଦ୍ଧ ଧର୍ମର ବିନାଶକୁ ସହଜରେ ଗ୍ରହଣ କରାଯିବ ନାହିଁ ବୋଲି ଗ୍ରାମବାସୀ କହିଛନ୍ତି। ତେବେ ଏହି ଖଣି ଖନନକୁ ବିରୋଧ କରାଯାଇ ସରକାରଙ୍କୁ ଏକ ସ୍ମାରକପତ୍ର ଦିଆଯିବ। ଯଦି ସେଥିରୁ ସରକାର ନିବୃତ ନ ରୁହନ୍ତି ତେବେ ଉଚ୍ଚନ୍ୟାୟାଳୟଙ୍କ ଆଶ୍ରୟ ନିଆଯିବ ବୋଲି ବୁଦ୍ଧାୟନ ସମିତି ସଭାପତି ପ୍ରକାଶ କରିଛନ୍ତି। ଏହି ପ୍ରତିବାଦ ସଭାରେ ପ୍ରାକ୍ତନ ସରପଞ୍ଚ ବିଳାସ ଚନ୍ଦ୍ର ବାରିକ, ଶିଳ୍ପୀ ଚିତ୍ତରଞ୍ଜନ ମହାରଣା, ଉପେନ୍ଦ୍ର ସାମଲ, ରମଣୀ ରଞ୍ଜନ ମହାରଣା, ବାବାଜୀ ମହାରଣା, ହରେକୃଷ୍ଣ ମହାରଣା, ଅମ୍ବରେଶ ସାମଲ, ଗୌରାଙ୍ଗ ମହାରଣା, ଅଜୟ ମହାରଣା, ଭରତ ମହାରଣା, ଭାଗୀରଥି ଦାସ, ନରହରି ମହାରଣା, ବିପିନ୍‌ ମହାରଣା, ଅଚ୍ୟୁତ ମହାରଣାଙ୍କ ସମେତ ଶତାଧିକ ଗ୍ରାମବାସୀ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?